- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.എച്ച്‌.കണാരന്‍
സി.എച്ച്‌.കണാരന്‍
കോഴിക്കോട്‌ ജില്ലയിലെ അഴിയൂരില്‍ ഒരു ചെറിയ കച്ചവടക്കാരനായിരുന്ന ശ്രീ. അനന്തന്റെയും പുന്നോലിലെ ശ്രീമതി ചീക്കോളിക്കാരായി നാരായണിയുടെയും മകനായാണ്‌ സി.എച്ച്‌ ജനിച്ചത്‌. 1929-ല്‍ തലശ്ശേരി ബി.ഇ.എം.പി ഹൈസ്‌ക്കൂളില്‍ നിന്ന്‌ മെട്രിക്കുലേഷന്‍ പരീക്ഷ പാസായ ഉടനെ സ്വാതന്ത്ര്യ സമരത്തില്‍ സജീവമായി പങ്കെടുത്തു.
ഗാന്ധിജിയുടെ നേതൃത്വത്തില്‍ രണ്ടാം നിയമലംഘനം ആരംഭിച്ചപ്പോള്‍ 1932-ല്‍ ബ്രിട്ടീഷുകാര്‍ക്കെതിരായി പ്രസംഗിച്ചതിന്‌ സി.എച്ച്‌ അറസ്റ്റ്‌ ചെയ്യപ്പെട്ട്‌ 13 മാസം തടവിന്‌ ശിക്ഷിക്കപ്പെട്ടു. ജയിലില്‍ വച്ച്‌ യുക്തിവാദ ചിന്തയുമായി ബന്ധപ്പെടാനും ഇടയായി. പിന്നീട്‌ അധ്യാപകനായി ജോലി ചെയ്‌തു. തലശ്ശേരിയില്‍ ബീഡിത്തൊഴിലാളികളെ സംഘടിപ്പിക്കുന്നതിനും ഇടപെട്ടു. 1936-37 കാലത്ത്‌ കുറ്റിയാടിയിലെ പുനംകൃഷിക്കാരുടെ സമരം നടന്നപ്പോള്‍ തലശ്ശേരിയിലെ ബീഡി തൊഴിലാളികളുടെ ഒരു വളണ്ടിയര്‍ സേനയെ നയിച്ചുകൊണ്ട്‌ അവിടെ എത്തിയ സി. എച്ച്‌ കര്‍ഷക തൊഴിലാളി ഐക്യം എന്ന ആശയം പ്രായോഗികമാക്കുകയായിരുന്നു. മട്ടന്നൂര്‍, മുഴക്കുന്ന്‌, പിണറായി, കുറ്റിയാടി, നാദാപുരം, മൊകേരി, കല്യാട്‌ അങ്ങനെ നീണ്ടുപോകുന്ന മലബാറിലെ കര്‍ഷക പ്രക്ഷോഭങ്ങളുടെ രണഭൂമികളില്‍ സാരഥിയായിരുന്നു സി.എച്ച്‌.
1938-ല്‍ തിരുവിതാകൂറില്‍ ഉത്തരവാദഭരണ പ്രക്ഷോഭത്തിന്റെ ഭാഗമായി സ: എ.കെ.ജി-യുടെ നേതൃത്വത്തില്‍ ജാഥ പോയതിനുശേഷം തിരുവനന്തപുരം, കോട്ടയം, ആലപ്പുഴ, എന്നിവിടങ്ങളില്‍ കോണ്‍ഗ്രസുമായി ബന്ധം വെക്കുവാന്‍ അയച്ചതും സി.എച്ചിനെയായിരുന്നു.
1939 നവംബര്‍ മാസത്തില്‍ ആരംഭിച്ച തലശ്ശേരി ന്യൂ-ഡര്‍ബാര്‍ ബീഡിക്കമ്പനി പണിമുടക്കിനോടനുബബന്ധിച്ച്‌ സി.എച്ചിനെ നവംബര്‍ 14-ന്‌ അറസ്റ്റ്‌ ചെയ്‌ത്‌ ഒരു കൊല്ലത്തെ തടവിന്‌ ശിക്ഷിച്ചു. ജയിലില്‍ നിന്ന്‌ പുറത്തുവന്ന സി.എച്ച്‌ നിരോധിക്കപ്പെട്ട കമ്യൂണിസ്റ്റ്‌ പാര്‍ടിയെ സംഘടിപ്പിക്കാന്‍ ഒളിവിലിരുന്നുകൊണ്ട്‌ നേതൃത്വം കൊടുത്തു. 1942 സെപ്‌തംബര്‍ 15 മുതല്‍ 9 ദിവസം നീണ്ടുനിന്ന ബോംബെ പ്ലീനത്തില്‍ കേരളത്തെ പ്രതിനിധീകരിച്ചുകൊണ്ട്‌ സ: കൃഷ്‌ണപിള്ളയോടൊപ്പം സി.എച്ചും പങ്കെടുത്തു.
1952-ലെ അസംബ്ലി തെരഞ്ഞെടുപ്പില്‍ മത്സരിച്ച്‌ ജയിച്ചു. 1957-ല്‍ നാദാപുരം മണ്ഡലത്തില്‍ നിന്ന്‌ തെരഞ്ഞെടുക്കപ്പെട്ട സി.എച്ച്‌ കേരള ഭൂപരിഷ്‌കരണ ബില്ലിന്റെ ശില്‌പികളില്‍ പ്രമുഖനാണ്‌. 1965-ല്‍ രാജ്യരക്ഷാ ചട്ടത്തിന്റെ പേരില്‍ തടവിലിരിക്കെ നാദാപുരത്ത്‌ നിന്ന്‌ എം.എല്‍.എ ആയി വീണ്ടും തെരഞ്ഞെടുക്കപ്പെട്ടു. പാര്‍ടിക്കകത്ത്‌ പ്രത്യക്ഷപ്പെട്ട ഇടത്‌-വലത്‌ വ്യതിയാനങ്ങള്‍ക്കെതിരെ ശക്തമായ നിലപാട്‌ സ്വീകരിച്ച്‌ വിപ്ലവ പാതയിലൂടെ പാര്‍ടിയെ നയിക്കുന്നതിന്‌ നേതൃത്വം നല്‍കി.
സി.പി.ഐ (എം) രൂപംകൊണ്ട 1964 മുതല്‍ 1972-ല്‍ മരിക്കുന്നതുവരെ പാര്‍ടിയുടെ കേരള സംസ്ഥാന കമ്മിറ്റി സെക്രട്ടറിയായിരുന്നു. നിര്‍ഭയനായ വിമര്‍ശകനും സ്‌നേഹസമ്പന്നനായ സഖാവും സമര്‍ഥനായ സംഘാടകനും ആയിരുന്നു സി.എച്ച്‌.
1982-ല്‍ രോഗബാധിതനായി കിടക്കുമ്പോള്‍, തന്റെ സഹപ്രവര്‍ത്തകനായ അഴീക്കോടന്‍ രാഘവന്‍ കൊല്ലപ്പെട്ടിരിക്കുന്നുവെന്ന വാര്‍ത്ത സി.എച്ചിന്‌ ഹൃദയഭേദകമായിരുന്നു. പിന്നീട്‌ ഒരുമാസമേ സഖാവ്‌ സി.എച്ച്‌ ജീവിച്ചുള്ളൂ. 1972 ഒക്‌ടോബര്‍ 20-ന്‌ സ: സി.എച്ച്‌ കണാരന്‍ നമ്മെ വിട്ടുപിരിഞ്ഞു.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌