- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച് അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
വര്‍ഗീയശക്തികളെ ഒറ്റപ്പെടുത്തുക... (കേരള സംസ്ഥാന പ്ലീനം അംഗീകരിച്ച പ്രമേയം)
രാജ്യത്തിന്റെ ഐക്യത്തിനും മതനിരപേക്ഷതയ്‌ക്കുമെതിരെ കടുത്ത വെല്ലുവിളിയാണ്‌ വര്‍ഗീയശക്തികള്‍ ഉയര്‍ത്തുന്നത്‌. വ്യത്യസ്‌ത മത-ജാതി-ദേശീയതകള്‍ നിലനില്‍ക്കുന്ന ഇന്ത്യയുടെ ഐക്യം മതനിരപേക്ഷതയുടെ അടിത്തറയില്‍ മാത്രമേ നിലനില്‍ക്കൂ. സാമ്രാജ്യാധിപത്യത്തിനെതിരായ പോരാട്ടത്തിലൂടെയാണ്‌ നമ്മുടെ രാഷ്‌ട്രസങ്കല്‍പ്പം പടുത്തുയര്‍ത്തപ്പെട്ടത്‌. ദേശീയ സ്വാതന്ത്ര്യത്തിനായുള്ള പോരാട്ടത്തെ ഭിന്നിപ്പിച്ച്‌ ദുര്‍ബ്ബലമാക്കാന്‍ ബ്രിട്ടീഷ്‌ സാമ്രാജ്യത്വം ഉപയോഗിച്ചതും വര്‍ഗീയതയെയാണ്‌. രാജ്യത്തിന്റെ വിഭജനത്തിലാണ്‌ അത്‌ കലാശിച്ചത്‌.
സ്വാതന്ത്ര്യാനന്തരം പുതിയ രാഷ്‌ട്രനിര്‍മ്മിതിക്കായി ജനങ്ങള്‍ ഒന്നിച്ചുനിന്നു. എന്നാല്‍ മുതലാളിത്ത-നാടുവാഴിത്ത താല്‍പ്പര്യങ്ങള്‍ സംരക്ഷിക്കുന്ന നയം അംഗീകരിച്ച കോണ്‍ഗ്രസ്സിന്റെ ഭരണത്തിന്‌, ജനങ്ങളുടെ അഭിലാഷം നിറവേറ്റാനായില്ല. വളര്‍ന്നുവന്ന ജനകീയാസംതൃപ്‌തി കോണ്‍ഗ്രസ്സിനെ ജനങ്ങളില്‍നിന്ന്‌ ഒറ്റപ്പെടുത്തി. ഈ ജനകീയ മുന്നേറ്റത്തെ ഭിന്നിപ്പിക്കാന്‌ ഭരണവര്‍ഗ രാഷ്ട്രീയ നേതൃത്വം വര്‍ഗീയതയെ പ്രോത്സാഹിപ്പിക്കുകയാണ്‌ ചെയ്യുന്നത്‌.
ആർ.എസ്‌.എസ്‌ നേതൃത്വത്തിലുള്ള സംഘപരിവാര്‍ ശക്തികള്‍ 'ഹിന്ദുരാഷ്‌ട്രം' എന്ന മുദ്രാവാക്യമുയര്‍ത്തിയാണ്‌ തങ്ങളുടെ വര്‍ഗീയ അജണ്ട മുന്നോട്ടുവയ്‌ക്കുന്നത്‌. 1990-കളില്‍ രാമജന്മഭൂമി പ്രശ്‌നമുയര്‍ത്തി ബാബറി മസ്‌ജിദ്‌ തകര്‍ത്തതും തുടര്‍ന്ന്‌ രാജ്യത്തിന്റെ വിവിധ ഭാഗങ്ങളില്‍ വര്‍ഗീയ കലാപങ്ങള്‍ ഉണ്ടായതും നാം കണ്ടതാണ്‌. സംഘപരിവാറിന്റെ ഇത്തരം ഹീനമായ നീക്കങ്ങളെ ചെറുക്കാന്‍ കോണ്‍ഗ്രസ്‌ സര്‍ക്കാരിന്‌ കഴിഞ്ഞതുമില്ല.
2003-ല്‍ നരേന്ദ്രമോഡിയുടെ നേതൃത്വത്തില്‍ ഗുജറാത്തില്‍ നടന്ന മുസ്ലീം കൂട്ടക്കൊല രാജ്യത്തിന്‌ എക്കാലത്തും അപമാനം വരുത്തിയ സംഭവമാണ്‌. ഇത്തരം സംഭവങ്ങളുടെ പശ്ചാത്തലത്തില്‍ ഭീതിയിലായ മുസ്ലീം ജനതയിലൊരുവിഭാഗത്തെ തീവ്രവാദികളാക്കാന്‍ സംഘടിതമായ ശ്രമം നടക്കുകയുണ്ടായി. മുസ്ലീം യുവാക്കളില്‍ തീവ്രവാദവും ഭീകരവാദവും വളര്‍ന്നുവന്നത്‌ ഈ സാഹചര്യത്തിലാണ്‌.
1998-ലും 1999-ലും വര്‍ഗീയ കക്ഷിയായ ബി.ജെ.പി നേതൃത്വം നല്‍കിയ എന്‍.ഡി.എയുടെ ഭരണം 2004-ല്‍ അവസാനിപ്പിക്കാന്‍ കഴിഞ്ഞു. ഇടതുപക്ഷ പാര്‍ടികള്‍ കൈക്കൊണ്ട നിലപാടാണ്‌ ഇത്‌ സാധ്യമാക്കിയത്‌. 2004 മുതല്‍ അധികാരത്തിലിരിക്കുന്ന കോണ്‍ഗ്രസ്‌ നേതൃത്വം നല്‍കുന്ന യു.പി.എ സര്‍ക്കാരിന്റെ ജനവിരുദ്ധ നയങ്ങള്‍, അവരെ ജനങ്ങളില്‍ നിന്ന്‌ ഒറ്റപ്പെടുത്തിയ സാഹചര്യം ഉപയോഗിച്ച്‌, വീണ്ടും അധികാരത്തിലേറാന്‍ ബി.ജെ.പിയുടെ നേതൃത്വത്തിലുള്ള വര്‍ഗീയശക്തികള്‍ ശ്രമം ആരംഭിച്ചിരിക്കുകയാണ്‌. തീവ്ര ഹിന്ദുത്വ നിലപാടുയര്‍ത്തി നരേന്ദ്രമോഡിയെ മുന്‍നിര്‍ത്തി വര്‍ഗീയത ആളിക്കത്തിച്ച്‌ തെരഞ്ഞെടുപ്പില്‍ ഭൂരിപക്ഷം നേടാനാണവര്‍ ശ്രമിക്കുന്നത്‌. വര്‍ഗീയ കലാപങ്ങള്‍ സൃഷ്ടിച്ച് മതധ്രുവീകരണമുണ്ടാക്കി വിജയം നേടാന്‍ ബി.ജെ.പി ശ്രമിക്കുന്നു. യു.പിയിലെ മുസഫാര്‍ നഗര്‍, ഫൈസാബാദ്‌ എന്നിവിടങ്ങളിലും ബീഹാര്‍, രാജസ്ഥാന്‍, കാശ്‌മീര്‍ തുടങ്ങിയ സംസ്ഥാനങ്ങളിലും കലാപങ്ങള്‍ സൃഷ്‌ടിച്ചു. രാമജന്മഭൂമി പ്രശ്‌നം, കാശ്‌മീരിന്റെ പ്രത്യേക പദവി, ഏക സിവില്‍ കോഡ്‌, ഗോവധം തുടങ്ങിയ പ്രശ്‌നങ്ങള്‍, തെരഞ്ഞെടുപ്പ്‌ പ്രചരണത്തിന്‌ ആയുധമാക്കാനാണ്‌ ബി.ജെ.പിയുടെ തീരുമാനം. ഇതിനാകെ നേതൃത്വം നല്‍കുന്നത്‌ ആര്‍.എസ്‌.എസ്‌ ആണ്‌.
രാജ്യത്തിന്റെ വിവിധ ഭാഗങ്ങളില്‍ ഉണ്ടായ ഭീകരാക്രമണ സംഭവങ്ങളെ തുടര്‍ന്ന്‌, എല്ലാറ്റിനും ഉത്തരവാദികള്‍ മുസ്ലീങ്ങളാണെന്ന പ്രചാരണം സംഘപരിവാര്‍ നടത്തിക്കൊണ്ടിരിക്കുന്നു. പല സംഭവങ്ങളിലും നിരപരാധികളായ മുസ്ലീം ചെറുപ്പക്കാരെ കേസുകളില്‍ പ്രതികളാക്കി ദീര്‍ഘകാലം ജയിലിലടച്ചു. ഇപ്പോഴും നിരവധിപേര്‍ രാജ്യത്തെ വിവിധ ജയിലുകളിലായി തടവില്‍ കഴിയുന്നുണ്ട്‌. മലേഗാവ്‌, ഹൈദ്രാബാദ്‌, അജ്‌മീര്‍ സ്‌ഫോടനങ്ങള്‍ക്കു പിന്നില്‍ പ്രവര്‍ത്തിച്ചത്‌ ആർ.എസ്‌.എസുകാരാണെന്ന്‌ വ്യക്തമായിട്ടും നിരപരാധികള്‍ വിട്ടയയ്‌ക്കപ്പെട്ടിട്ടില്ല.
ഭൂരിപക്ഷ വര്‍ഗീയതയെ നേരിടാന്‍ മതനിരപേക്ഷതയെ ശക്തിപ്പെടുത്തുന്നതിനു പകരം ന്യൂനപക്ഷ വിഭാഗത്തില്‍പ്പെട്ടവരെ വര്‍ഗീയ-തീവ്രവാദ സംഘടനകളില്‍ അണിനിരത്താന്‍ സംഘടിതമായ ശ്രമം നടക്കുന്നുണ്ട്‌. എസ്‌.ഡി.പി.ഐ, പോപ്പുലര്‍ ഫ്രണ്ട്‌ പോലുള്ള സംഘടനകളാണ്‌ ഇത്തരം വിനാശകരമായ പ്രവര്‍ത്തനങ്ങളുടെ മുന്‍പന്തിയിൽ. ആർ.എസ്‌.എസ്‌ ഉയര്‍ത്തുന്ന ഹിന്ദുരാഷ്‌ട്ര വാദം പോലെതന്നെ എതിര്‍ക്കപ്പെടേണ്ടതാണ്‌ ജമാഅത്തെ ഇസ്ലാമിയുടെ മതാധിഷ്‌ഠിത രാഷ്‌ട്രസങ്കല്‍പ്പം.
വര്‍ഗീയത, വര്‍ഗ ഐക്യം തകര്‍ക്കുന്നതാണ്‌. നവ ഉദാരവല്‍ക്കരണ നയങ്ങള്‍ക്കെതിരായി ഉയര്‍ന്നുവരുന്ന അധ്വാനിക്കുന്ന വര്‍ഗത്തിന്റെ ഐക്യപോരാട്ടത്തെ തകര്‍ക്കലാണ്‌ വര്‍ഗീയതയുടെ ലക്ഷ്യം. സമീപകാലത്ത്‌ രാജ്യത്തെ ട്രേഡ്‌ യൂണിയനുകള്‍ ഒന്നായിച്ചേര്‍ന്ന്‌ നടത്തിയ ദേശീയ പണിമുടക്കവും മറ്റ്‌ പ്രക്ഷോഭങ്ങളും ആഗോളവല്‍ക്കരണ നയങ്ങള്‍ക്കെതിരായ ശക്തമായ വെല്ലുവിളിയാണ്‌. വളര്‍ന്നുവരുന്ന അധ്വാനിക്കുന്ന വര്‍ഗത്തിന്റെ ഐക്യം ഭീതിയോടെയാണ്‌ മൂലധനശക്തികള്‍ കാണുന്നത്‌.
വര്‍ഗീയതയ്‌ക്കെതിരെ ഇടതുപക്ഷ പാര്‍ട്ടികള്‍ മുന്‍കൈയെടുത്ത്‌ കഴിഞ്ഞ ഒക്‌ടോബര്‍ 30-ന്‌ ഡെല്‍ഹിയില്‍ സംഘടിപ്പിച്ച മതനിരപേക്ഷ പാര്‍ടികളുടെ കണ്‍വെന്‍ഷന്‍, വര്‍ഗീയതയ്‌ക്കെതിരായ പോരാട്ടത്തിന്‌ കരുത്ത്‌ പകരുന്നതാണ്‌. ജനജീവിതത്തിന്റെ നാനാമേഖലകളില്‍ സ്വാധീനം ഉറപ്പിക്കാന്‍ ശ്രമിക്കുന്ന എല്ലാതരം വര്‍ഗീയതയേയും ചെറുത്തുതോല്‍പ്പിക്കാനാവണം. മതനിരപേക്ഷ സംസ്‌കാരം ശക്തിപ്പെടുത്താന്‍, അധ്വാനിക്കുന്ന ജനവിഭാഗങ്ങളെയും പുരോഗമനശക്തികളെയും യോജിപ്പിച്ച്‌ അണനിരത്താന്‍ എല്ലാവരും രംഗത്തിറങ്ങണമെന്ന്‌ അഭ്യര്‍ത്ഥിക്കുന്നു.
സ: ഇ.എം.എസ്‌ നഗർ, പാലക്കാട്‌
29.11.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌