- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന ഫെഡറല്‍ ബാങ്കിനെ വിദേശ മൂലധനത്തിന്‌ അടിയറ വെയ്‌ക്കരുത്‌...
1945-ല്‍ കേരളത്തില്‍ പ്രവര്‍ത്തനമാരംഭിച്ച ഫെഡറല്‍ ബാങ്ക്‌ ഇന്ന്‌ കേരളത്തിന്റെ സമ്പദ്‌ഘടനയില്‍ ഗണ്യമായ സ്വാധീനം ചെലുത്തുന്ന കേരളത്തിന്റെ ഏറ്റവും പ്രധാനപ്പെട്ട ഒരു സ്ഥാപനമാണ്‌. ബാങ്ക്‌ 68 വര്‍ഷം പൂര്‍ത്തിയാക്കിയപ്പോള്‍ 2013 സെപ്‌തംബറിലെ (6 മാസം) അറ്റാദായം 331.47 കോടി രൂപയാണ്‌. കിട്ടാക്കടം 0.98% മാത്രമാണ്‌.
ചെറുകിട കച്ചവടക്കാർ, ചെറുകിട വ്യവസായികൾ, കൈതൊഴില്‍ ചെയ്യുന്നവർ, ഗ്രാമീണ ജനങ്ങള്‍ തുടങ്ങിയ വിഭാഗങ്ങള്‍ക്ക്‌ ബാങ്കിംഗ്‌ സേവനങ്ങള്‍ എത്തിച്ചുകൊടുക്കുന്നതില്‍ മുന്‍പന്തിയില്‍ നിന്നിട്ടുള്ള ഫെഡറല്‍ ബാങ്കിന്റെ വായ്‌പാ നിക്ഷേപ അനുപാതവും താരതമ്യേന മെച്ചപ്പെട്ടതാണ്‌. മൊത്തം ബിസിനസ്സിന്റെ 50%-ത്തിലധികവും മൊത്തം ശാഖകളുടെ 60%വും കേരളത്തിലാണെന്നിരിക്കേ മലയാളികളായി ഈ ബാങ്കിന്റെ ബോര്‍ഡില്‍ ഇപ്പോള്‍ 2 പേര്‍ മാത്രമേയുള്ളൂ. അവരാകട്ടെ കേരളത്തില്‍ വേരുകളുള്ളവരുമല്ല. എംഡിയും മലയാളിയല്ല. വിദേശബാങ്കില്‍ ദീര്‍ഘനാള്‍ ജോലിചെയ്‌ത വ്യക്തിയാണ്‌. ഇപ്രകാരമൊക്കെയുള്ള ഫെഡറല്‍ ബാങ്കിനെ വിദേശ മൂലധനശക്തികളുടെ നിയന്ത്രണത്തിലാക്കാനുള്ള അണിയറ നീക്കം ശക്തമായിരിക്കുന്നു. ഇപ്പോള്‍ തന്നെ 49% ഓഹരികള്‍ വിദേശ മൂലധനത്തിന്റെയാണെന്നിരിക്കെ അത്‌ 65%വും അതിനുശേഷം 74% ആക്കി വര്‍ദ്ധിപ്പിക്കാനുള്ള നീക്കത്തിലാണ്‌ മാനേജ്‌മെന്റ്‌. 65% ആക്കി വര്‍ദ്ധിപ്പിക്കാനുള്ള അനുമതി ഇതിനകം ഫോറിന്‍ ഇന്‍വെസ്റ്റ്‌മെന്റ്‌ പ്രൊമോഷന്‍ ബോര്‍ഡില്‍ നിന്നും ബാങ്കിന്‌ ലഭിച്ചുകഴിഞ്ഞു. ഇനി കേന്ദ്രമന്ത്രിസഭയുടെ സാമ്പത്തിക കാര്യസമിതിയുടെ കൂടി അനുമതി ലഭിച്ചാല്‍ ഫെഡറല്‍ ബാങ്ക്‌ പൂര്‍ണമായും വിദേശികളുടെ കയ്യിലാകും.
ഇതോടുകൂടി സംസ്ഥാനത്തെ പ്രധാനപ്പെട്ട ബാങ്കിന്റെ അടിസ്ഥാന സ്വഭാവത്തില്‍ മാറ്റം വരികയാണ്‌. ബാങ്കിന്റെ ഉടമസ്ഥതയിലുണ്ടാകുന്ന മാറ്റം ജീവനക്കാരുടെ തൊഴില്‍ സുരക്ഷിതത്വത്തിന്റെ മാത്രം പ്രശ്‌നമല്ല. നമ്മുടെ ജനകീയമായ ബാങ്കിംഗ്‌ സമ്പ്രദായത്തെ തകര്‍ക്കുന്ന ഒന്നാണ്‌. ബാങ്കിനെ സംബന്ധിച്ചിടത്തോളം വളര്‍ച്ചക്കും വികസനത്തിനും വിദേശ മൂലധനത്തിന്റെ ആവശ്യമില്ലെന്നിരിക്കെ ഇപ്പോഴത്തെ നീക്കം ദുരുപദിഷ്‌ടമാണ്‌.
രാജ്യത്തെ ചെറുകിട ബാങ്കുകളെ ഏറ്റെടുക്കുവാന്‍ വിദേശ ബാങ്കുകളെ അനുവദിക്കുമെന്ന ആര്‍ബിഐയുടെ തീരുമാനം ഇതുമായി ചേര്‍ത്തു വായിക്കേണ്ടതാണ്‌. കേരളത്തിന്റെ തനതായ ബാങ്കായ ഫെഡറല്‍ ബാങ്കിനെ വിദേശ മൂലധനത്തിന്റെ കൈകളിലെത്തിക്കുന്നതിന്‌ ലക്ഷ്യമിടുന്ന ഈ നീക്കത്തെ എതിര്‍ത്ത്‌ തോല്‍പ്പിക്കാന്‍ ബാങ്ക്‌ ജീവനക്കാരോടും ജനങ്ങളോടും അഭ്യര്‍ത്ഥിക്കുന്നു.
തിരുവനന്തപുരം
09.12.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌