- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സുധീരന്റെ അഭിപ്രായം മതേതര അടിത്തറയ്ക്ക് നേരെയുള്ള വെല്ലുവിളി -പിണറായി വിജയന്‍
ബി.ജെ.പി നേതാവ്‌ അടല്‍ ബിഹാരി വാജ്‌പേയിയെ പണ്ഡിറ്റ്‌ ജവഹര്‍ലാല്‍ നെഹ്രുവിനോട്‌ ഉപമിച്ച കെ.പി.സി.സി പ്രസിഡന്റ്‌ വി.എം. സുധീരന്റെ അഭിപ്രായം രാജ്യത്തിന്റെ മതേതര അടിത്തറയ്‌ക്കു നേരെയുള്ള വെല്ലുവിളിയാണ്. പണ്ഡിറ്റ്‌ ജവഹര്‍ലാല്‍ നെഹ്രുവിന്റെ ദേശീയവാദം കലര്‍ന്ന വ്യക്തിത്വമാണ്‌ വാജ്‌പേയിയുടേതെന്ന്‌ സുധീരന്‍ ഒരു പത്രത്തിനു നല്‍കിയ അഭിമുഖത്തില്‍ വ്യക്തമാക്കിയിരിക്കുകയാണ്‌. നരേന്ദ്രമോഡി മാത്രം മോശം അദ്വാനിയും വാജ്‌പേയിയുമെല്ലാം കേമന്മാരും നല്ലവരും എന്ന കാഴ്‌ചപ്പാടാണ്‌ കോണ്‍ഗ്രസ്‌ നേതാവ്‌ ഇവിടെ പ്രകടിപ്പിച്ചത്‌. മോഡി ഉള്ളതുകൊണ്ട്‌ അദ്വാനിക്ക്‌ ഇടം കിട്ടുന്നില്ല എന്ന വേദനയും അദ്ദേഹം പങ്ക്‌ വെക്കുന്നുണ്ട്‌. പക്ഷേ, അദ്വാനി ഗാന്ധിനഗറില്‍ ബി.ജെ.പി സ്ഥാനാര്‍ത്ഥിയായി മത്സരിക്കുന്ന കാര്യം ഓര്‍ക്കാതെയാവാം ഇങ്ങനെ പറഞ്ഞിട്ടുള്ളത്‌. ഇതിലൂടെയെല്ലാം സംഭവിക്കുന്നത്‌ ബി.ജെ.പിക്ക്‌ മാന്യത പകരുക എന്ന രാഷ്ട്രീയ ദൗത്യമാണ്‌.ബി.ജെ.പി ഒരു വലതുപക്ഷ പാര്‍ടി മാത്രമല്ല, വര്‍ഗീയ ഫാസിസ്റ്റ്‌ അജണ്ടകള്‍ മുന്നോട്ട്‌ വെക്കുന്ന ആര്‍.എസ്‌.എസാല്‍ നയിക്കപ്പെടുന്ന രാഷ്‌ട്രീയപ്രസ്ഥാനമാണ്‌. അതുകൊണ്ടുതന്നെ ഇന്ത്യന്‍ മതേതരത്വത്തിന്‌ ഏറ്റവും വലിയ ശത്രുവാണ്‌. അയോധ്യയില്‍ രാമക്ഷേത്രം പണിയണമെന്ന ആവശ്യത്തിന്മേല്‍ ദേശവ്യാപകമായി വര്‍ഗീയകലാപവും അതിലൂടെ രാഷ്ട്രീയ മുതലെടുപ്പ്‌ ഉണ്ടാക്കുന്നതിനും നേതൃത്വപരമായ പങ്ക്‌ വഹിച്ചത്‌ വാജ്‌പേയി-അദ്വാനി കൂട്ടുകെട്ട്‌ ബി.ജെ.പിയുടെ തലപ്പത്തിരുന്ന 1980-കളുടെ രണ്ടാം പകുതിയിലാണ്‌. ഇന്ത്യന്‍ മതേതരത്വത്തിന്റെ ആണിക്കല്ല്‌ തകര്‍ത്ത്‌ വര്‍ഗീയ ധ്രുവീകരണം നടത്തിയതിന്റെ പരിണിത ഫലം കൂടിയായാണ്‌ വാജ്‌പേയിക്ക്‌ പ്രധാനമന്ത്രിയാകാന്‍ സാധിച്ചത്‌. ഇതിനെ ഇന്ത്യന്‍ ജനത തന്നെ പിന്നീട്‌ എതിര്‍ത്ത്‌ പരാജയപ്പെടുത്തുകയാണ്‌ ഉണ്ടായത്‌.
വാജ്‌പേയി ബി.ജെ.പിയുടെ നേതാവായിരിക്കുമ്പോഴും പ്രധാനമന്ത്രിയായിരിക്കുമ്പോഴും ആര്‍.എസ്‌.എസ്‌ മുറുകെപ്പിടിക്കുന്ന വര്‍ഗീയ കാഴ്‌ചപ്പാട്‌ അടിസ്ഥാനപരമായി ഉപേക്ഷിച്ചിരുന്നില്ല. രാജ്യത്തിന്റെ സമസ്‌ത മേഖലയിലും ഭരണത്തിന്റെ തണലില്‍ വര്‍ഗീയവല്‍ക്കരണത്തിന്റെ വിത്തുകള്‍ വിതയ്‌ക്കപ്പെട്ടത്‌ ഈ കാലത്താണ്‌. ചരിത്രത്തെ വര്‍ഗീയവല്‍ക്കരിക്കാന്‍ ഇക്കാലത്ത്‌ നടത്തിയ ഇടപെടലുകള്‍ ഇന്ത്യന്‍ ചരിത്രത്തിലെ കറുത്ത അധ്യായങ്ങളില്‍ ഒന്നാണ്‌. വാജ്‌പേയി-അദ്വാനി കൂട്ടുകെട്ടിന്റെ കാലത്ത്‌ തന്നെയാണ്‌ ഇന്ത്യന്‍ മതനിരപേക്ഷതയുടെ പ്രതീകമായിരുന്ന ബാബറി മസ്‌ജിദ്‌ കാവിപ്പട പൊളിച്ചത്‌. മുസ്ലീം ഉള്‍പ്പെടെയുള്ള ന്യൂനപക്ഷത്തെ ശത്രുവായി കണ്ടുകൊണ്ടുള്ള നിലപാടാണ്‌ ബി.ജെ.പി രാഷ്‌ട്രീയത്തിന്റെ അടിത്തറ. ഈ ആശയം പ്രധാനമന്ത്രിയായിരിക്കുമ്പോള്‍ ഉള്‍പ്പെടെ ഒരു സമയത്തും വാജ്‌പേയി ഉപേക്ഷിച്ചിരുന്നില്ല. കാശ്‌മീരില്‍ വിഘടനവാദം ഉയര്‍ത്തിക്കൊണ്ട്‌ തീവ്രവാദികള്‍ ഒരുവശത്ത്‌ തലപൊക്കുമ്പോള്‍ അതിനെ തീവ്രമാക്കുന്ന തരത്തില്‍ ഭരണഘടനയുടെ 370-ാം വകുപ്പ്‌ റദ്ദാക്കണമെന്ന ആവശ്യം നിരന്തരം ഉന്നയിച്ച നേതാവായിരുന്നു വാജ്‌പേയ്‌. ന്യൂനപക്ഷം അരക്ഷിതാവസ്ഥയിലാണോ എന്നതാണ്‌ മതേതരത്വത്തിന്റെ ഭദ്രത പരിശോധിക്കുന്നതിന്‌ പ്രധാന അളവുകോലെന്ന്‌ പ്രഖ്യാപിച്ച നെഹ്രുവിന്റെ ആശയങ്ങളോട്‌ ഒരു തരത്തിലും യോജിച്ച്‌ പോകുന്ന പ്രസ്ഥാനമല്ല ബി.ജെ.പിയും അതിന്റെ നേതാക്കളായ വാജ്‌പേയിയും അദ്വാനിയുമെല്ലാം.
നെഹ്രുവിയന്‍ മാതൃകയിലുള്ള ആസൂത്രണത്തേയും പൊതുമേഖലയുടെ ശീഘ്രഗതിയിലുള്ള വ്യവസായവല്‍ക്കരണത്തേയും ജനസംഘവും ആര്‍.എസ്‌.എസ്‌ വിഭാഗവും അവരുടെ സൃഷ്‌ടിയായ ബി.ജെ.പിയും വലതുപക്ഷ വീക്ഷണത്തിന്റെ അടിസ്ഥാനത്തില്‍ നിരന്തരം എതിര്‍ത്തുപോരുകയാണ്‌ ഉണ്ടായത്‌. സി.പി.ഐ (എം) ന്‌ സ്വാധീനമുള്ള സംസ്ഥാനങ്ങളില്‍ എന്തുകൊണ്ടാണ്‌ ബി.ജെ.പിക്ക്‌ മുന്നേറാന്‍ കഴിയാതെ പോയതെന്ന്‌ സുധീരന്‍ മനസിലാക്കുന്നത്‌ നല്ലതാണ്‌. ഇന്ത്യന്‍ രാഷ്‌ട്രീയത്തെ പഠിക്കുന്ന ആര്‍ക്കും വാജ്‌പേയിയിലോ അദ്വാനിയിലോ നെഹ്രുവിന്റെ നിഴല്‍ പോലും കാണാനാവില്ല. എന്നിട്ടും ബി.ജെ.പി നേതാക്കളില്‍ നെഹ്രുവിന്റെ മുഖം കണ്ട സുധീരന്‍ ബി.ജെ.പിയെ പ്രീണിപ്പിച്ച്‌ വോട്ട്‌ നേടാന്‍ നോക്കുകയാണ്‌. ബി.ജെ.പിയുടെ വര്‍ഗീയ നിലപാടുകളെ തുറന്നുകാട്ടാനും രാജ്യത്തിന്റെ അധികാരം പിടിച്ചെടുത്ത്‌ അത്‌ പ്രചരിപ്പിക്കാനും നടത്തുന്ന ശ്രമങ്ങളെ എതിര്‍ത്തു തോല്‍പ്പിക്കാന്‍ എല്ലാ ജനാധിപത്യ-മതനിരപേക്ഷവാദികളും രംഗത്തുവരണമെന്ന്‌ അഭ്യര്‍ത്ഥിക്കുന്നു.
തിരുവനന്തപുരം
18.03.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌