- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന -22.04.2014
യുക്തിരഹിതമായി വര്‍ദ്ധിപ്പിച്ച മോട്ടോര്‍ വാഹന നികുതികള്‍ പിന്‍വലിക്കണമെന്ന്‌ സംസ്ഥാന സര്‍ക്കാരിനോട്‌ ആവശ്യപ്പെട്ടു. ജനുവരിയില്‍ അവതരിപ്പിച്ച ബഡജ്‌റ്റിലെ നിര്‍ദ്ദേശങ്ങള്‍ ഏപ്രില്‍ 1-ന്‌ നടപ്പാക്കിയതോടെ, മോട്ടോര്‍ വ്യവസായം അഗാധമായ പ്രതിസന്ധിയിലായിരിക്കുകയാണ്‌. പതിനായിരക്കണക്കിന്‌ തൊഴിലാളികളുടെ ജീവിതം വഴിമുട്ടുകയാണ്‌. ടാക്‌സി കാര്‍, ടെമ്പോ, ജീപ്പ്‌, ബസ്‌ എന്നിവ ഉള്‍പ്പെടെയുള്ള വാഹനങ്ങള്‍ക്ക്‌ നീതീകരണമില്ലാത്ത നികുതിയാണ്‌ ഈടാക്കാന്‍ നിശ്ചയിച്ചിരിക്കുന്നത്‌. ഇത്‌ ഈ രംഗത്ത്‌ പ്രവര്‍ത്തിക്കുന്ന തൊഴിലാളികളുടെ പണി ഇല്ലാതാക്കിക്കൊണ്ടിരിക്കുകയാണ്‌. ഓട്ടോറിക്ഷകള്‍ക്ക്‌ ബജറ്റില്‍ ഏര്‍പ്പെടുത്തിയ ലംസം ടാക്‌സ്‌ പ്രതിഷേധത്തെത്തുടര്‍ന്ന്‌ മരവിപ്പിച്ചെങ്കിലും മറ്റു നികുതികള്‍ ഈടാക്കുകയാണ്‌. ഒറ്റത്തവണ നികുതി നീതീകരണമില്ലാതെയാണ്‌ വര്‍ദ്ധിപ്പിച്ചത്‌. ഇത്‌ മോട്ടോര്‍ വാഹന വ്യവസായത്തിന്‌ ദോഷകരമായിരിക്കുകയാണ്‌. ടാക്‌സി കാറും ടെമ്പോയും ഉള്‍പ്പെടെയുള്ള പഴയ വാഹനങ്ങള്‍ക്ക്‌ രണ്ടാം ഘട്ടമായി അഞ്ചുവര്‍ഷത്തേക്ക്‌ ഒറ്റത്തവണ നികുതി മുന്‍കൂറായി ഈടാക്കുകയാണ്‌. വര്‍ഷംതോറുമുള്ള നികുതിയാണ്‌ പ്രായോഗികമെന്ന്‌ ഈ രംഗത്ത്‌ പ്രവര്‍ത്തിക്കുന്നവര്‍ ശക്തിയായി ആവശ്യപ്പെടുന്നുണ്ട്‌. നികുതി ഘടനയില്‍ മാറ്റം വരുത്തുകയും മുന്‍കൂര്‍ നികുതി വാങ്ങിയും മോട്ടര്‍ മേഖലയില്‍നിന്നും 300 കോടിയിലേറെ രൂപ സമാഹരിക്കാനാണ്‌ ബജറ്റ്‌ നിര്‍ദ്ദേശിച്ചിട്ടുള്ളത്‌. എല്‍.ഡി.എഫ്‌ സര്‍ക്കാര്‍ അധികാരമൊഴിയുമ്പോള്‍ ട്രഷറിയില്‍ ഉണ്ടായിരുന്നത്‌ 3882 കോടി രൂപയായിരുന്നു. എന്നാല്‍, രണ്ടരവര്‍ഷത്തെ ഭരണം യു.ഡി.എഫ്‌ പിന്നിടുമ്പോള്‍ ജീവനക്കാര്‍ക്ക്‌ ശമ്പളം കൊടുക്കാന്‍ പോലും ഞെരുങ്ങുന്ന അവസ്ഥയില്‍ സംസ്ഥാന ഖജനാവ്‌ എത്തി. യു.ഡി.എഫ്‌ സര്‍ക്കാരിന്റെ തെറ്റായ നയങ്ങളുടെ ഫലമായുണ്ടായ പ്രതിസന്ധി പരിഹരിക്കാന്‍ എല്ലാ വിഭാഗം ജനങ്ങളേയും നികുതി പിരിവിലൂടെ കൊള്ളയടിക്കുകയാണ്‌. ഇതിന്റെ ഭാഗമായുള്ള പുതിയ നികുതികള്‍ സംസ്ഥാനത്തെ മോട്ടോര്‍ വ്യവസായത്തെ പ്രതിസന്ധിയിലാക്കും. മൂന്ന്‌ യാത്രക്കാര്‍ക്ക്‌ സഞ്ചരിക്കാവുന്ന മോട്ടോര്‍ ക്യാബുകള്‍ക്കുപോലും പുതിയ നികുതിയുണ്ട്‌. വാങ്ങല്‍വില പുനര്‍നിര്‍ണ്ണയിച്ച്‌ ബൈക്ക്‌, കാര്‍ എന്നിവയുടെ നികുതിയും വര്‍ദ്ധിപ്പിച്ചിട്ടുണ്ട്‌. കാറുകള്‍ക്ക്‌ 7 ശതമാനം മുതല്‍ 33 ശതമാനം വരെയാണ്‌ നികുതി. കോണ്‍ട്രാക്‌ട്‌ ക്യാരേജ്‌ വാഹനങ്ങള്‍ക്ക്‌ ത്രൈമാസ നികുതിയും ചുമത്തിയിട്ടുണ്ട്‌. യുക്തിസഹമായും നീതിപൂര്‍വ്വകമായും മാത്രം നികുതി ഈടാക്കുകയും അമിത നികുതിയും അന്യായ നികുതിയും ഒഴിവാക്കിയും മോട്ടോര്‍ വ്യവസായത്തേയും തൊഴിലാളികളേയും രക്ഷിക്കാന്‍ സംസ്ഥാന സര്‍ക്കാര്‍ തയ്യാറാകണം.
തിരുവനന്തപുരം
22.04.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌