- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ക്യാപ്റ്റന്‍ കൃഷ്‌ണന്‍നായരുടെ വേര്‍പാടില്‍ സിപിഐ(എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന അനുശോചന സന്ദേശം
നാടിനോട്‌ പ്രതിബദ്ധത പുലര്‍ത്തിയ പുരോഗമനവാദിയായ വ്യവസായ പ്രമുഖനായിരുന്നു ക്യാപ്റ്റന്‍ കൃഷ്‌ണന്‍നായര്‍.ആഗോള ഹോട്ടല്‍ വ്യവസായത്തിലെ ഏറ്റവും മികച്ച മലയാളി മുദ്രയായി കൃഷ്‌ണന്‍ നായര്‍ മാറിയശേഷവും ജന്മനാടായ കണ്ണൂരിനോടും കേരള ജനതയോടും പ്രത്യേക താല്‍പ്പര്യം അദ്ദേഹം കാത്തുസൂക്ഷിച്ചിരുന്നു. ഒരു കമ്മ്യൂണിസ്റ്റ്‌ പോരാളിയായി ജീവിത വഴികളിലൂടെ നീങ്ങിയ അദ്ദേഹം സ്വാതന്ത്ര്യപൂര്‍വ്വകാലത്ത്‌ നേതാജി സുഭാഷ്‌ചന്ദ്രബോസിന്റെ ഐ.എന്‍.എയില്‍ ചേര്‍ന്നിരുന്നു. പിന്നീട്‌ ജീവിതവൃത്തിയുടെ ഭാഗമായി ഇന്ത്യന്‍ പട്ടാളത്തില്‍ ജോലി നോക്കി. പിന്നീട്‌ ഭാര്യ ലീലയുടെ പേരില്‍ ടെക്‌സ്റ്റൈല്‍ വ്യവസായവും ഹോട്ടല്‍ വ്യവസായവും ആരംഭിച്ച്‌ അവയെ വിപുലമായ ശൃംഖലകളാക്കി വളര്‍ത്തി. ടാറ്റയെപ്പോലെയുള്ള മഹാരഥന്മാര്‍ അടക്കിവാണിരുന്ന ഹോട്ടല്‍ വ്യവസായമേഖലയില്‍ പുതുചലനവും വളര്‍ച്ചയും സൃഷ്‌ടിക്കാന്‍ കൃഷ്‌ണന്‍നായര്‍ക്ക്‌ കഴിഞ്ഞത്‌ തികഞ്ഞ നിശ്ചയദാര്‍ഢ്യവും ഭാവനാസമ്പന്നതയും കൊണ്ടാണ്‌. അങ്ങനെ അതിഥിസംസ്‌കാര വ്യവസായത്തിലെ ഒന്നാംകിടക്കാരനായ ഭാരതീയ വ്യവസായികളിലൊരാളായി അദ്ദേഹം മാറി. പാര്‍ലമെന്റിലെ പ്രതിപക്ഷ നേതാവായിരിക്കുമ്പോഴും അതിനു മുമ്പും എ.കെ.ജിയുമായി അടുത്ത സൗഹൃദത്തിലായിരുന്ന കൃഷ്‌ണന്‍ നായര്‍ മറ്റു കമ്മ്യൂണിസ്റ്റ്‌ നേതാക്കളോടും ഗാഢമായ അടുപ്പം പുലര്‍ത്തിയിരുന്നു. കമ്മ്യൂണിസ്റ്റുകാരോടും കമ്മ്യൂണിസ്റ്റ്‌ പ്രസ്ഥാനത്തോടുമാണ്‌ തനിക്ക്‌ കൂടുതല്‍ കൂറെന്ന്‌ പരസ്യമായി അദ്ദേഹം പറയുമായിരുന്നു. പ്രതികൂലമായ ജീവിത സാഹചര്യങ്ങളോട്‌ പടവെട്ടി സ്വപ്രയത്‌നത്താല്‍ പടുത്തുയര്‍ത്തിയതായിരുന്നു അദ്ദേഹത്തിന്റെ വ്യവസായ സാമ്രാജ്യം. മാനവിക മൂല്യങ്ങള്‍ കാത്തുസൂക്ഷിച്ച നല്ല വ്യവസായ പ്രമുഖനായ കൃഷ്‌ണന്‍നായരുടെ വേര്‍പാടില്‍ അഗാധമായ ദുഃഖവും അനുശോചനവുംഅറിയിക്കുന്നു.
തിരുവനന്തപുരം
17.05.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌