- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
പികെ ചന്ദ്രാനന്ദന്റെ നിര്യാണത്തില്‍ അനുശോചിച്ച് സിപിഐ(എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന സന്ദേശം
കേരളത്തിലെ കമ്മ്യൂണിസ്റ്റ്‌ വിപ്ലവകാരികള്‍ക്ക്‌ എന്നും ആവേശം പകരുന്ന പേരാണ്‌ പി.കെ. ചന്ദ്രാനന്ദന്‍ . പുന്നപ്ര-വയലാര്‍ സമരനായകരില്‍ ഒരാളായിരുന്ന അദ്ദേഹം തൊണ്ണൂറാം വയസ്സിനടുത്തെത്തിയപ്പോഴാണ്‌ നമ്മെ വേര്‍പിരിഞ്ഞത്‌. ഈ കാലയളവിലാകെ പാര്‍ടിക്കുവേണ്ടി ഒളിവിലും തെളിവിലും അക്ഷീണം പ്രവര്‍ത്തിച്ച പാര്‍ടി നേതാവായിരുന്നു പികെസി. കമ്മ്യൂണിസ്റ്റ്‌ പാര്‍ടി സംസ്ഥാന കമ്മിറ്റി അംഗമെന്ന നിലയില്‍ 1954 മുതല്‍ പ്രവര്‍ത്തിച്ചു. എല്ലാ ഘട്ടത്തിലും നല്ല ആശയവ്യക്തത വച്ചുപുലര്‍ത്തി. ജീവിതത്തിന്റെ ഒരു ഘട്ടത്തിലും ഒരു ചാഞ്ചല്യവും ഉണ്ടായില്ല. സിപിഐ(എം) രൂപീകരണം മുതല്‍ പാര്‍ടിയുടെ നേതാവായിരുന്നു. ആലപ്പുഴ ജില്ലയില്‍ ദീര്‍ഘകാലം ജില്ലാ സെക്രട്ടറിയായി പ്രവര്‍ത്തിച്ചു. സംസ്ഥാന സെക്രട്ടേറിയറ്റ്‌ അംഗമായും ചുമതലകള്‍ നിറവേറ്റി. ആലപ്പുഴ ജില്ലയില്‍ പ്രസ്ഥാനത്തിന്റെ വളര്‍ച്ചയ്‌ക്ക്‌ നിസ്‌തുലമായ സംഭാവനയാണ്‌ സഖാവില്‍നിന്നുണ്ടായത്‌. പാര്‍ടിയുടെ പ്രസിദ്ധീകരണ വിഭാഗങ്ങളുടെ ചുമതലക്കാരനെന്ന നിലയില്‍ മാതൃകാപരമായ പ്രവര്‍ത്തനം സഖാവ്‌ കാഴ്‌ചവച്ചു. ദേശാഭിമാനിയുടെ തിരുവനന്തപുരം പതിപ്പിന്റെ തുടക്കത്തില്‍ മാനേജര്‍ എന്ന നിലയില്‍ അതിന്‌ നേതൃപരമായ പങ്ക്‌ നിര്‍വ്വഹിച്ചു. ചിന്ത പബ്ലിഷേഴ്‌സിന്റെ ചുമതലക്കാരനായും പ്രവര്‍ത്തിച്ചു. വിവിധ മേഖലകളില്‍ നിറഞ്ഞുനിന്ന പാര്‍ടി നേതാവായിരിക്കുമ്പോള്‍ തന്നെ ഒരു ഘട്ടത്തില്‍ തിരുവിതാംകൂര്‍ ദേവസ്വം ബോര്‍ഡിന്റെ മെമ്പറായും ചെയര്‍മാനായും ചുമതല നിര്‍വ്വഹിച്ചു. ഒരു പദവി വഹിച്ച ആളെ എങ്ങനെ നാടും ജനങ്ങളും സ്‌നേഹത്തോടെയും ആദരവോടെയും കാണാന്‍ ഇടവരുത്തുന്നു എന്നതിന്‌ ഉദാഹരണമാണ്‌ ഒരു റോഡിന്‌ `ചന്ദ്രാനന്ദന്‍ റോഡ്‌' എന്ന്‌ നാമകരണം ചെയ്‌തതിലൂടെ വ്യക്തമാകുന്നത്‌. എം.എല്‍.എ എന്ന നിലയിലും മതിപ്പുനിറഞ്ഞ പ്രവര്‍ത്തനമാണ്‌ സഖാവ്‌ നടത്തിയിട്ടുള്ളത്‌. എല്ലാ ഘട്ടത്തിലും തികഞ്ഞ ഒരു വിപ്ലവകാരിയായിരുന്നു അദ്ദേഹം. പി.കെ.സിയെ കാണുമ്പോള്‍ പ്രായത്തിന്റെ പ്രയാസം മറ്റുള്ളവര്‍ക്ക്‌ തോന്നുമെങ്കിലും പാര്‍ടി പരിപാടികളിലാവട്ടെ, പ്രക്ഷോഭസമരങ്ങളിലാവട്ടെ അദ്ദേഹം ഉണ്ടാകുമായിരുന്നു. ഇങ്ങനെ പാര്‍ടി പരിപാടികളിലും സമരങ്ങളിലുമടക്കം നിറസാന്നിധ്യമായിരുന്നു അദ്ദേഹം. ഒരു കമ്മ്യൂണിസ്റ്റുകാരന്‍ എങ്ങനെ ആയിരിക്കണമെന്നതിന്‌ മാതൃകയാണ്‌ പി.കെ.സി. സമുന്നതരായ നേതാക്കളുടെ വേര്‍പാടിന്‌ കൂട്ടായ പ്രവര്‍ത്തനങ്ങളിലൂടെ നികത്താന്‍ ശ്രമിക്കുന്ന പ്രസ്ഥാനമാണ്‌ കമ്മ്യൂണിസ്റ്റ്‌ പാര്‍ടി. പക്ഷെ, സമരോജ്ജ്വലവും സംഘടനാ രീതികളില്‍ മുറുകെ പിടിച്ചതുമായ പി.കെ.സിയുടെ വേര്‍പാടിന്റെ വിടവ്‌ നികത്താന്‍ പാര്‍ടിക്ക്‌ ഏറെ കാലമെടുക്കേണ്ടിവരും. ഉജ്ജ്വലനായ സഖാവിന്റെ ഓര്‍മ്മയ്‌ക്കു മുന്നില്‍ ഒരുപിടി രക്തപുഷ്‌പങ്ങള്‍ അര്‍പ്പിക്കുന്നു.
തിരുവനന്തപുരം
02.07.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌