- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
നിര്‍മ്മാണ മേഖലയിലെ പ്രശ്‌നങ്ങള്‍ പരിഹരിക്കണമെന്ന് ആവശ്യപ്പെട്ട് സിപിഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന-06.08.2014
കേരളത്തിലെ നിര്‍മ്മാണ മേഖലയാകെ സ്‌തംഭനത്തിലായിരിക്കുകയാണ്‌. വികസന പ്രവര്‍ത്തനങ്ങള്‍ ആകെ മുടങ്ങുകയും ലക്ഷക്കണക്കിന്‌ തൊഴിലാളികള്‍ക്ക്‌ ജോലി നഷ്‌ടപ്പെടുകയും ചെയ്‌തിരിക്കുന്നു. സംസ്ഥാനം നേരിടുന്ന ഗൗരവതരമായ ഈ പ്രശ്‌നത്തിന്‌ മുമ്പില്‍ യു.ഡി.എഫ്‌ സര്‍ക്കാര്‍ തികച്ചും നിഷ്‌ക്രിയമാണ്‌. സംസ്ഥാനത്തെ മൂവായിരത്തോളം ചെറുകിട കരിങ്കല്‍ ക്വാറികള്‍ സ്‌തംഭനത്തിലാണ്‌. ചെങ്കല്‍ ക്വാറികളും സ്‌തംഭനത്തിലാണ്‌. നിര്‍മ്മാണാവശ്യത്തിനുള്ള മണല്‍ ലഭിക്കുന്നില്ല. കിട്ടുന്നതിനാണെങ്കില്‍ തീപിടിച്ച വിലയുമാണ്‌. ഈ കാരണങ്ങളാല്‍ നിര്‍മ്മാണ പ്രവര്‍ത്തനങ്ങള്‍ മുടങ്ങിയിരിക്കുകയാണ്‌. കെട്ടിടങ്ങള്‍, വീടുകള്‍, റോഡുകള്‍ തുടങ്ങിയവയുടെ എല്ലാം നിര്‍മ്മാണവും വികസനവും സ്‌തംഭിച്ചു. ക്വാറി ഉല്‍പന്നങ്ങള്‍ക്ക്‌ കഴിഞ്ഞ ബജറ്റില്‍ നികുതി ഏര്‍പ്പെടുത്തിയതിനാല്‍ അവയുടെ എല്ലാം വില വര്‍ദ്ധിച്ചു. സിമന്റ്‌, കമ്പി, പെയിന്റ്‌ തുടങ്ങിയ ഉല്‍പന്നങ്ങള്‍ക്കും അടിക്കടി വില വര്‍ദ്ധിക്കുകയാണ്‌. റെയില്‍വെ കടത്തുകൂലി വര്‍ദ്ധനവ്‌, നിര്‍മ്മാണ സാമഗ്രികളുടെ വില വര്‍ദ്ധനവിന്‌ ആക്കം കൂട്ടി. പൊതുമരാമത്ത്‌ കോണ്‍ട്രാക്‌ടര്‍മാര്‍ക്ക്‌ പൂര്‍ത്തീകരിച്ച പ്രവര്‍ത്തികള്‍ക്ക്‌ പണം കൊടുക്കാത്തതിനാല്‍ കരാറുകാര്‍ പ്രവര്‍ത്തികള്‍ ബഹിഷ്‌കരിച്ചിരിക്കുകയാണ്‌. 2500 കോടിയില്‍ പരം രൂപയാണ്‌ കുടിശിക. ഇതിന്റെ ഫലമായി ഒരു വികസന പ്രവര്‍ത്തനവും നടക്കാത്ത അവസ്ഥയാണ്‌. കാലവര്‍ഷത്തില്‍ തകര്‍ന്ന റോഡുകള്‍ റിപ്പയര്‍ ചെയ്യുന്ന പ്രവര്‍ത്തികള്‍ പോലും നടക്കുന്നില്ല. സംസ്ഥാനത്തെ വികസന പ്രവര്‍ത്തനങ്ങളാകെ സ്‌തംഭനത്തിലായിട്ടും സര്‍ക്കാര്‍ ഗൗരവമായി ഇടപെടുന്നില്ല. ഗുരുതരമായ ഈ പ്രശ്‌നത്തിന്‌ പരിഹാരം കാണാന്‍ നടപടി സ്വീകരിക്കേണ്ട കേരള സര്‍ക്കാര്‍, നിഷ്‌ക്രിയമായതിനാല്‍ സ്ഥിതി സങ്കീര്‍ണമാവുകയാണ്‌. ജനങ്ങളുടെ പ്രശ്‌നങ്ങള്‍ പരിഹരിക്കാന്‍ സമയം കണ്ടെത്താന്‍ കഴിയാത്ത സര്‍ക്കാര്‍, മന്ത്രിസഭാ പുനഃസംഘടനയും, കോണ്‍ഗ്രസിലെ ഗ്രൂപ്പുകളിയും, യു.ഡി.എഫ്‌ ഘടകകക്ഷികള്‍ തമ്മിലുള്ള തര്‍ക്കവും മൂലം സംസ്ഥാനത്തെ ഭരണസ്‌തംഭനത്തിലെത്തിച്ചിരിക്കുകയാണ്‌.
ഈ സാഹചര്യത്തിലാണ്‌ നിര്‍മ്മാണ മേഖലയിലെ സ്‌തംഭനം ഒഴിവാക്കാന്‍ നടപടി കൈക്കൊള്ളണമെന്നാവശ്യപ്പെട്ടുകൊണ്ട്‌ തൊഴിലാളി സംഘടനകള്‍ പ്രക്ഷോഭരംഗത്തിറങ്ങിയിരിക്കുന്നത്‌. സര്‍ക്കാരിന്റെ നിഷ്‌ക്രിയത്വത്തില്‍ സി.പി.ഐ (എം) സംസ്ഥാന സെക്രട്ടേറിയറ്റ്‌ ശക്തിയായി പ്രതിഷേധിക്കുന്നു. അടിയന്തിരമായി ഇടപെട്ട്‌ നിര്‍മ്മാണ മേഖലയിലെ പ്രശ്‌നങ്ങള്‍ പരിഹരിക്കാന്‍ നടപടികള്‍ സ്വീകരിക്കണമെന്ന്‌ സര്‍ക്കാരിനോട്‌ ആവശ്യപ്പെടുന്നു. ഈ ആവശ്യമുയര്‍ത്തി തൊഴിലാളികള്‍ നടത്തുന്ന പ്രക്ഷോഭങ്ങള്‍ക്ക്‌ പിന്തുണ നല്‍കാന്‍ മുഴുവന്‍ ജനങ്ങളോടും അഭ്യര്‍ത്ഥിക്കുന്നു.
തിരുവനന്തപുരം
06.08.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌