- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
മരുന്ന് വിലവര്‍ദ്ധനവ് പിന്‍വലിക്കണമെന്ന് ആവശ്യപ്പെട്ട് സിപിഐ(എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
ജനങ്ങളെ മരണത്തിലേക്ക്‌ തള്ളിവിടുന്ന മരുന്നുവില വര്‍ദ്ധനവ്‌ കേന്ദ്ര സര്‍ക്കാര്‍ അടിയന്തരമായി പിന്‍വലിക്കണം. 108 ഇനം മരുന്നുകള്‍ക്കുള്ള വില നിയന്ത്രണം ഒറ്റയടിക്ക്‌ മോഡി സര്‍ക്കാര്‍ ഇല്ലാതാക്കിയിരിക്കുകയാണ്‌. ഇതിന്റെ ഫലമായി അര്‍ബുദ ചികിത്സയ്‌ക്കുള്ള മരുന്നിന്റെ വില 8,500 രൂപയില്‍ നിന്നും 1.08 ലക്ഷം രൂപയിലേക്ക്‌ വര്‍ദ്ധിച്ചു. ഇങ്ങനെ 12 ഇരട്ടി വരെ വില ജീവന്‍രക്ഷാ മരുന്നുകള്‍ക്കടക്കം കൂട്ടി രോഗികളുടെ ജീവന്‍ പന്താടുകയാണ്‌. മോഡിയുടെ അമേരിക്കന്‍ യാത്ര ഈ ജനദ്രോഹത്തിന്‌ കൂട്ടായി. മോഡി-ഒബാമ കൂടിക്കാഴ്‌ചയിലെടുത്ത തീരുമാനം അമേരിക്കന്‍ മരുന്നുകമ്പനികളെ സഹായിക്കുന്നതാണ്‌. ഇതുവഴി ഇന്ത്യ-യു.എസ്‌ വ്യാപാര സഹകരണം മെച്ചപ്പെടുത്തുന്നതിന്റെ ഭാഗമായി ബൗദ്ധിക സ്വത്തവകാശ വിഷയങ്ങളില്‍ തീരുമാനമെടുക്കാന്‍ അധികാരമുള്ള ഉഭയകക്ഷി സമിതി ഉണ്ടാക്കും എന്നാണ്‌ തീരുമാനിച്ചിരിക്കുന്നത്‌. ഇത്‌ ഇന്ത്യന്‍ പേറ്റന്റ്‌ നിയമസംവിധാനത്തെ ദുര്‍ബലമാക്കും. ഇന്ത്യ-യു.എസ്‌ വ്യാപാര സഹകരണ കരാര്‍ മെച്ചപ്പെടുത്തേണ്ടത്‌ ഇന്ത്യയിലെ രോഗബാധിതരായ ജനകോടികളെ കൊള്ളയടിച്ചുകൊണ്ടാകരുത്‌. ദേശീയ ഫാര്‍മസ്യൂട്ടിക്കല്‍ പ്രൈസിംഗ്‌ അതോറിറ്റിയുടെ മരുന്നുകളുടെ നിയന്ത്രണാധികാരം എടുത്തുകളഞ്ഞ മോഡി സര്‍ക്കാരിന്റെ നടപടിയാണ്‌ ഇപ്പോഴത്തെ മരുന്നുവില കൊള്ളയ്‌ക്ക്‌ ഒരു മുഖ്യ കാരണം. ഇതിലൂടെ ബഹുരാഷ്‌ട്ര കുത്തകകള്‍ക്ക്‌ ഇന്ത്യയില്‍നിന്ന്‌ പ്രതിവര്‍ഷം 8000 കോടിയിലേറെ രൂപയുടെ അധികലാഭം ലഭിക്കുമെന്നാണ്‌ കണക്ക്‌. യു.പി.എ സര്‍ക്കാരിന്റെ ഔഷധ നയവും ജനങ്ങള്‍ക്ക്‌ ദോഷകരമായിരുന്നു. മാര്‍ക്കറ്റ്‌ അടിസ്ഥാനത്തില്‍ വില നിശ്ചയിക്കുന്നതിനുപകരം ഉല്‍പ്പാദനച്ചെലവ്‌ കണക്കാക്കി വില നിശ്ചയിക്കുന്ന നയം വേണം. ഔഷധ ചേരുവകള്‍ക്ക്‌ ഇന്ന്‌ വിലനിയന്ത്രണമില്ല. അശാസ്‌ത്രീയമായ ഔഷധ ചേരുവകള്‍ നിരോധിക്കുകയും വൈദ്യശാസ്‌ത്രപരമായി നീതീകരിക്കുന്ന ഔഷധ ചേരുവകള്‍ക്ക്‌ വിലനിയന്ത്രണം ഏര്‍പ്പെടുത്തുകയും വേണം. മരുന്നുവില വര്‍ദ്ധനയ്‌ക്കെതിരെ രാഷ്ട്രീയ ഭേദമന്യേ എല്ലാ വിഭാഗം ജനങ്ങളും ശബ്‌ദമുയര്‍ത്തം. മോഡി സര്‍ക്കാര്‍ ജനവിരുദ്ധ നയം ഔഷധമേഖലയില്‍ നടപ്പാക്കുമ്പോള്‍ തന്നെ സംസ്ഥാന സര്‍ക്കാരും ഇക്കാര്യത്തില്‍ കൂട്ടുപ്രതിയായിരിക്കുകയാണ്‌. പൊതുമേഖലാ മരുന്നു നിര്‍മ്മാണ കമ്പനിയായ കേരളാ സ്റ്റേറ്റ്‌ ഡ്രഗ്‌സ്‌ & ഫാര്‍മസ്യൂട്ടിക്കല്‍സിനെ കൂടുതല്‍ സജീവമാക്കി മരുന്നു വിപണിയില്‍ ഇടപെടുകയാണ്‌ വേണ്ടത്‌. എന്നാല്‍, ഈ കമ്പനിയില്‍ നിന്നും കേരള മെഡിക്കല്‍ സര്‍വ്വീസ്‌ കോര്‍പ്പറേഷന്‍ വാങ്ങിയ കോടിക്കണക്കിനു രൂപയുടെ മരുന്നിന്റെ വില കമ്പനിക്ക്‌ കൊടുക്കാതെ സംസ്ഥാന പൊതുമേഖലയിലെ മരുന്നുനിര്‍മ്മാണ കമ്പനിയെ തകര്‍ച്ചയിലേക്ക്‌ തള്ളുകയാണ്‌ യു.ഡി.എഫ്‌ സര്‍ക്കാര്‍. പൊള്ളുന്ന മരുന്നുവില വര്‍ദ്ധനയ്‌ക്ക്‌ അടിയന്തര പരിഹാരം വേണമെന്ന്‌ കേന്ദ്ര-സംസ്ഥാന സര്‍ക്കാരുകളോട്‌ ആവശ്യപ്പെടുന്നു.
തിരുവനന്തപുരം
09.10.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌