- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന-29.10.2014
കാസര്‍കോട്‌ കുമ്പളയിലെ സി.പി.ഐ (എം) പ്രവര്‍ത്തകന്‍ പി. മുരളിയുടെ കൊലപാതകക്കേസ്‌ അന്വേഷണത്തില്‍ സംസ്ഥാന പൊലീസ്‌ അലംഭാവം കാട്ടുകയാണ്. ബിജെപി-ആര്‍എസ്‌എസ്‌ സംഘം നിഷ്‌ഠൂരമായി കൊലപ്പെടുത്തിയ സംഭവത്തിലെ പ്രതികളെയും ഗൂഢാലോചന നടത്തിയ കുറ്റവാളികളെയും നിയമത്തിനുമുമ്പില്‍ കൊണ്ടുവരാനുള്ള ഉത്തരവാദിത്തം പൊലീസിനുണ്ട്‌. എന്നാല്‍, മോഡി സര്‍ക്കാരിനെയും ആര്‍എസ്‌എസിനെയും തൃപ്‌തിപ്പെടുത്താന്‍ വേണ്ടി കേസ്‌ അന്വേഷണം ഉമ്മന്‍ചാണ്ടി സര്‍ക്കാര്‍ അട്ടിമറിക്കുകയാണ്‌. നിഷ്‌പക്ഷമായി നീതിനിര്‍വഹണം നടത്തുന്നതിനല്ല പൊലീസിനെ ഉപയോഗിക്കുന്നത്‌. ആര്‍എസ്‌എസ്‌ മനസ്സുള്ള രമേശ്‌ ചെന്നിത്തല ആഭ്യന്തരമന്ത്രിയും മോഡി സര്‍ക്കാരിനോട്‌ അമിതവിധേയത്വം കാണിക്കുന്ന ഉമ്മന്‍ചാണ്ടി മുഖ്യമന്ത്രിയും ആയിരിക്കുമ്പോള്‍ കൊലപാതക രാഷ്‌ട്രീയം തുടരുന്നതിന്‌ സംഘപരിവാറിന്‌ ധൈര്യവും സ്വാതന്ത്ര്യവും ലഭിച്ചിരിക്കുകയാണ്‌. അതുകൊണ്ടാണ്‌ ഒരു സംഘര്‍ഷവും ഇല്ലാതിരിക്കെ സി.പി.ഐ (എം) ന്റെയും ഡിവൈഎഫ്‌ഐയുടെയും സജീവ പ്രവര്‍ത്തകനായ പി. മുരളിയെ പട്ടാപ്പകല്‍ നടുറോഡിലിട്ട്‌ സംഘംചേര്‍ന്ന്‌ എത്തിയ ആര്‍എസ്‌എസ്‌-ബിജെപി ക്രിമിനലുകള്‍ വെട്ടിയും കുത്തിയും കൊലപ്പെടുത്തിയത്‌. മുരളിക്കെതിരെ നേരത്തെയും കാവിസംഘം ആക്രമണം നടത്തിയിരുന്നു. ഭാര്യയും എട്ടുമാസം പ്രായമുള്ള കുഞ്ഞുമുള്ള യുവാവിനെ വകവരുത്തി നാടിന്റെ സമാധാന ജീവിതത്തിന്‌ ഭംഗം വരുത്താനാണ്‌ ആര്‍എസ്‌എസ്‌- ബിജെപി ഉദ്യമം. സംഘപരിവാറിന്റെ കൊലപാതക രാഷ്‌ട്രീയത്തിനെതിരെ ജനങ്ങളെ അണിനിരത്തി ജനാധിപത്യപരമായും സമാധാനപരമായും പ്രതിഷേധിക്കാന്‍ എല്ലാ മനുഷ്യസ്‌നേഹികളോടും പിണറായി പ്രസ്‌താവനയില്‍ അഭ്യര്‍ഥിച്ചു. ആര്‍എസ്‌എസിന്റെ കൊലപാതക രാഷ്‌ട്രീയത്തിനും അതിനു ചൂട്ടുപിടിക്കുന്ന യുഡിഎഫ്‌ സര്‍ക്കാരിന്റെ നയത്തിനും എതിരെ അതിശക്തമായ പ്രതിഷേധം നാട്ടിലാകെ അടിക്കണം. അതിന്റെ ഭാഗമായി സംസ്ഥാനത്തെ എല്ലാ ഏരിയ കേന്ദ്രങ്ങളിലും നവംബര്‍ 6-ന്‌ വൈകുന്നേരം പ്രതിഷേധ കൂട്ടായ്‌മ സംഘടിപ്പിക്കാന്‍ എല്ലാ പാര്‍ടി ഘടകങ്ങളും മുന്നോട്ടുവരണം. സി.പി.ഐ (എം) പ്രവര്‍ത്തകരും അനുഭാവികളും മാത്രമല്ല എല്ലാ ജനാധിപത്യവാദികളും മനുഷ്യസ്‌നേഹികളും ഇത്‌ വിജയിപ്പിക്കാന്‍ അണിനിരക്കണമെന്ന്‌ അഭ്യര്‍ത്ഥിക്കുന്നു. കതിരൂരില്‍ ആര്‍എസ്‌എസ്‌ പ്രവര്‍ത്തകന്‍ കൊല്ലപ്പെട്ടപ്പോള്‍ മോഡി സര്‍ക്കാരിനെയും ആര്‍എസ്‌എസിനെയും പ്രീതിപ്പെടുത്തുന്നതിനുവേണ്ടി യുഡിഎഫ്‌ സര്‍ക്കാര്‍ സ്വീകരിച്ച നടപടികള്‍ ഈ വേളയില്‍ ഓര്‍ക്കേണ്ടതാണ്‌. ദേശദ്രോഹികളായ തീവ്രവാദികളെ കൈകാര്യം ചെയ്യാനായി കേന്ദ്രം കൊണ്ടുവന്ന ഏറെ വിവാദമായ യുഎപിഎ എന്ന കരിനിയമം കേസില്‍ പ്രതിചേര്‍ത്തവര്‍ക്കെതിരെ പൊലീസ്‌ ചുമത്തി. കതിരൂര്‍ കേസ്‌ പൊടുന്നനെ സിബിഐക്ക്‌ വിടുകയും കേന്ദ്ര സര്‍ക്കാര്‍ അതുപ്രകാരം സിബിഐ അന്വേഷണത്തിന്‌ ഉത്തരവിടുകയും ചെയ്‌തു. എന്നാല്‍, മുരളി വധക്കേസ്‌ അന്വേഷണത്തില്‍ തികച്ചും തണുപ്പന്‍ സമീപനമാണ്‌ കേരള സര്‍ക്കാരിന്റേത്‌. മതേതരമൂല്യങ്ങളോടുള്ള പ്രതിബദ്ധതയോ, കൊലപാതക രാഷ്‌ട്രീയത്തോടുള്ള വിപ്രതിപത്തിയോ അല്ല, കമ്യൂണിസ്റ്റ്‌ വിരോധമാണ്‌ കോണ്‍ഗ്രസ്‌ നേതൃത്വം നല്‍കുന്ന കേരളത്തിലെ ഭരണത്തെ നയിക്കുന്നതെന്ന്‌ ഈ ഇരട്ടത്താപ്പ്‌ വ്യക്തമാക്കുന്നു.
തിരുവനന്തപുരം
29.10.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌