- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
റബ്ബര്‍ വിലയിടിവ്‌ തടയുന്നതിനുള്ള നടപടികള്‍ സ്വീകരിക്കണമെന്ന് ആവശ്യപ്പെട്ട് സിപിഐ(എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
റബ്ബര്‍ വിലയിടിവ്‌ കാരണം ദുരിതത്തിലായ റബ്ബര്‍ കര്‍ഷകരെ സഹായിക്കാന്‍ കേന്ദ്ര-സംസ്ഥാന സര്‍ക്കാരുകള്‍ അടിയന്തര നടപടി സ്വീകരിക്കണം. സംസ്ഥാന സര്‍ക്കാരും മന്ത്രിമാരും ബാര്‍ ഉടമകളില്‍ നിന്നടക്കം ഗുണ്ടാപിരിവ്‌ നടത്തുന്നതില്‍ വ്യാപൃതരായിരിക്കുന്നതിനാല്‍ റബ്ബര്‍ കര്‍ഷകര്‍ നട്ടം തിരിയുകയാണ്‌. ആഗോളതലത്തിലെ റബ്ബര്‍ വിലയിടവിന്റെ മറവിലാണ്‌ ഇവിടുത്തെ കര്‍ഷകരെ ദ്രോഹിക്കുന്നത്‌. റബ്ബര്‍ വിലയിടിവ്‌ തടയുന്നതിന്‌ സ്വാഭാവിക റബ്ബറിന്റെ ഉള്‍പ്പെടെ ഇറക്കുമതി തീരുവ വര്‍ദ്ധിപ്പിക്കണം. ആഭ്യന്തര റബ്ബര്‍ വില കുത്തനെ ഇടിയാന്‍ കാരണമായിരിക്കുന്നത്‌ കേന്ദ്രസര്‍ക്കാരിന്റെ ഇറക്കുമതി നയമാണ്‌. ഇത്‌ തിരുത്തിക്കുന്നതിന്‌ യു.പി.എ സര്‍ക്കാരിന്റെ കാലം മുതല്‍ ഉമ്മന്‍ചാണ്ടി സര്‍ക്കാരിന്‌ കഴിയുന്നില്ല. ഒന്നരവര്‍ഷം മുമ്പ്‌ 280 രൂപ വിലയുണ്ടായിരുന്ന റബ്ബറിന്‌ ഇന്ന്‌ 116 രൂപയാണ്‌. ഇതിനാല്‍ റബ്ബര്‍ കൃഷി ഉപജീവനമാര്‍ഗമായ 80 ലക്ഷത്തോളം പേരുടെ ജീവിതം കഷ്‌ടപ്പാടിലാണ്‌. 100 രൂപയ്‌ക്ക്‌ റബ്ബര്‍ വില്‍ക്കേണ്ടിവരുന്നു. കഴിഞ്ഞ അഞ്ചുവര്‍ഷത്തെ ഏറ്റവും കുറഞ്ഞ വിലയിലാണ്‌. ഉല്‍പാദനചെലവ്‌ പോലും കിട്ടാത്ത സ്ഥിതിയാണ്‌. ഇറക്കുമതി വര്‍ദ്ധിപ്പിച്ച്‌ കൃത്രിമ വിലയിടവ്‌ ടയര്‍ കമ്പനികള്‍ ഉള്‍പ്പെടെയുള്ള കോര്‍പ്പറേറ്റുകള്‍ സൃഷ്‌ടിക്കുകയാണ്‌. റബ്ബറിന്‌ കിലോയ്‌ക്ക്‌ 170 രൂപയെങ്കിലും നിശ്ചിത വില പ്രഖ്യാപിച്ച്‌ കര്‍ഷക സമൂഹത്തെ രക്ഷിക്കാന്‍ സര്‍ക്കാര്‍ മുന്നോട്ട്‌ വരണം. ഇതിനുവേണ്ടി റബ്ബര്‍ ബോര്‍ഡുമായി സഹകരിച്ച്‌ നടപടി സ്വീകരിക്കുന്നതിന്‌ കേന്ദ്രസര്‍ക്കാറിനെ സമീപിക്കണം സംസ്ഥാന സര്‍ക്കാര്‍. ഇതൊന്നും ചെയ്യാന്‍ ഒരു താല്‍പര്യവും കാട്ടാത്ത സംസ്ഥാന ഭരണക്കാര്‍ കമ്പോള വിലയേക്കാള്‍ 5 രൂപ കൂട്ടി മാര്‍ക്കറ്റിംഗ്‌ ഫെഡറേഷന്‍ മുഖാന്തിരം റബ്ബര്‍ സംഭരിക്കുമെന്ന്‌ പ്രഖ്യാപിച്ചിരിക്കുകയാണ്‌. ഇത്‌ വന്‍വിലത്തകര്‍ച്ചയെ നേരിടുന്ന റബ്ബര്‍ കര്‍ഷകര്‍ക്ക്‌ രക്ഷയാവില്ല. 5 രൂപ വര്‍ദ്ധിപ്പിച്ച്‌ റബ്ബര്‍ സംഭരിക്കുന്നതിന്‌ മൂന്നാഴ്‌ച മുമ്പ്‌ മന്ത്രിസഭ കൈക്കൊണ്ട തീരുമാനം ഉത്തരവായി ഇറങ്ങിയത്‌ കഴിഞ്ഞ ദിവസം മാത്രമാണ്‌. ഈ കാലവിളംബത്തില്‍ നിന്നുതന്നെ റബ്ബര്‍ കര്‍ഷകരോടുള്ള സംസ്ഥാന സര്‍ക്കാരിന്റെ ആഭിമുഖ്യം തെളിയുന്നു. കേരളത്തിന്റെ സമ്പദ്‌ഘടനയെ പ്രതിസന്ധിയിലാക്കുന്ന റബ്ബര്‍ വിലയിടിവ്‌ തടയുന്നതിനുള്ള നടപടികള്‍ സ്വീകരിക്കേണ്ടത്‌ അടിയന്തരാവശ്യമാണ്‌ അതിലൊന്നും ശ്രദ്ധിക്കാതെ മുംബൈ അധോലോകത്തിലെ ദാദാമാരെപ്പോലെ മദ്യമുതലാളിമാരില്‍ നിന്നടക്കം പണം പിടുങ്ങുന്നതില്‍ ശ്രദ്ധ കേന്ദ്രീകരിച്ചിരിക്കുന്നത്‌ കൊടിയ അപമാനമാണ്.
തിരുവനന്തപുരം
07.11.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌