- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
കരിമണല്‍ഖനനം സ്വകാര്യമേഖലയ്‌ക്ക്‌ വിട്ടുകൊടുക്കാന്‍ അനുവദിക്കില്ല: സിപിഐ (എം) സംസ്ഥാന സെക്രട്ടേറിയറ്റിന്റെ പ്രസ്‌താവന
രാജ്യത്തെ ധാതുസമ്പത്ത്‌ സ്വകാര്യകുത്തകകള്‍ക്ക്‌ തീറെഴുതിയ യു.പി.എ.സര്‍ക്കാറിന്റെ നവ-ഉദാരവല്‍ക്കരണ നയങ്ങളുടെ പ്രത്യാഘാതമാണ്‌ കരിമണല്‍ ഖനനത്തിന്‌ സ്വകാര്യമേഖലയ്‌ക്ക്‌ അനുമതി നല്‌കിയ ഹൈക്കോടതി ഉത്തരവിനു പിന്നിലുള്ളത്‌. ഇക്കാര്യത്തില്‍ തക്കസമയത്ത്‌ അപ്പീല്‍ സമര്‍പ്പിച്ച്‌, സംസ്ഥാന താല്‍പ്പര്യം സംരക്ഷിക്കുന്നതിനു പകരം ഈ രംഗത്തെ സ്വകാര്യലോബിയുമായി ഒത്തുകളിക്കുന്ന നിലപാടാണ്‌ യു.ഡി.എഫ്‌ സര്‍ക്കാര്‍ സ്വീകരിച്ചത്‌. സര്‍ക്കാരിന്റെ ഈ കടുത്ത വഞ്ചനയ്‌ക്കെതിരെ ശക്തമായ ജനരോഷം ഉയരേണ്ടതുണ്ട്‌. 2001-06 കാലത്തെ യു.ഡി.എഫ്‌ സര്‍ക്കാര്‍ കരിമണല്‍ ഖനനത്തിന്‌ സ്വകാര്യ സ്ഥാപനങ്ങള്‍ക്ക്‌ അനുമതി നല്‌കിയിരുന്നു. ഇതിനെതിരെ സംസ്ഥാനത്ത്‌ വലിയ ജനകീയ സമരം ഉയര്‍ന്നുവന്നു. ജനരോഷം ശക്തിപ്പെട്ടതിനാല്‍, യു.ഡി.എഫ്‌. സര്‍ക്കാരിന്റെ അനുമതി ലഭിച്ചിട്ടും സ്വകാര്യമേഖലയില്‍ ഖനനം നടത്താന്‍ കഴിയുന്ന സാഹചര്യമുണ്ടായില്ല. 2006-ല്‍ അധികാരത്തില്‍വന്ന എല്‍.ഡി.എഫ്‌ സര്‍ക്കാര്‍ അംഗീകരിച്ച വ്യവസായനയത്തിലാവട്ടെ കരിമണല്‍ ഖനനം പൊതുമേഖലയില്‍ മാത്രമേ നടത്തൂ എന്ന്‌ പ്രഖ്യാപിച്ചു. ഇത്തരത്തില്‍ കരിമണല്‍ ഖനനത്തിന്റെ കാര്യത്തില്‍ ആദ്യമായി സംസ്ഥാന സര്‍ക്കാര്‍ എന്ന നിലയില്‍ സുവ്യക്തമായ നിലപാട്‌ ഇതിലൂടെ നിലവില്‍ വരികയും ചെയ്‌തു. ഇതിനിടെ യു.പി.എ നേതൃത്വത്തിലുള്ള കേന്ദ്രസര്‍ക്കാര്‍, മറ്റ്‌ മേഖലകളെപ്പോലെ ധാതുമണല്‍ ഖനനമേഖലയും സ്വകാര്യമേഖലയ്‌ക്ക്‌ തുറന്നുകൊടുത്ത്‌ ഉത്തരവിറക്കി. സംസ്ഥാനസര്‍ക്കാറിന്റെ എതിര്‍പ്പ്‌ കേന്ദ്രം ചെവിക്കൊണ്ടില്ല. ഈ കേന്ദ്രനയത്തിന്റെ ചുവടുപിടിച്ചാണ്‌ ഏതാനും സ്വകാര്യകമ്പനികള്‍ സംസ്ഥാനത്തെ കടല്‍ത്തീരങ്ങളില്‍ കരിമണല്‍ ഖനനാനുമതിക്കായി ഹൈക്കോടതിയെ സമീപിച്ചത്‌. 2013-ല്‍ കേരള ഹൈക്കോടതിയുടെ സിംഗിള്‍ ബെഞ്ച്‌, സ്വകാര്യ സ്ഥാപനങ്ങളുടെ അപേക്ഷകളിന്മേല്‍ ആറുമാസത്തിനകം തീരുമാനമെടുക്കാന്‍ സര്‍ക്കാരിന്‌ ഉത്തരവ്‌ നല്‍കി. ഈ ഉത്തരവിനെതിരെ യഥാസമയം അപ്പീല്‍ നല്‍കാതെ, സര്‍ക്കാര്‍- സ്വകാര്യ വ്യവസായികളുമായി ഒത്തുകളിച്ചു. അവര്‍ക്കനുകൂലമായി അന്തിമവിധി ഉണ്ടാകാന്‍ യു.ഡി.എഫ്‌ സര്‍ക്കാര്‍ കൂട്ടുനില്‍ക്കുകയാണ്‌ ചെയ്‌തത്‌. സംസ്ഥാന താല്‍പര്യങ്ങള്‍ പൂര്‍ണമായും ബലികഴിക്കുന്ന നിലപാടാണ്‌ സംസ്ഥാന സര്‍ക്കാര്‍ സ്വീകരിച്ചത്‌. വളരെ വൈകി സര്‍ക്കാര്‍ സമര്‍പ്പിച്ച അപ്പീല്‍ ഹൈക്കോടതി ഡിവിഷന്‍ ബഞ്ച്‌ പരിഗണിച്ചതുമില്ല. അങ്ങനെയാണ്‌, സ്വകാര്യസ്ഥാപനങ്ങള്‍ക്ക്‌ ഖനനാനുമതി നല്‍കാന്‍ ഹൈക്കോടതി ഡിവിഷന്‍ ബഞ്ച്‌ ഉത്തരവ്‌ നല്‌കിയിരിക്കുന്നത്‌. കേന്ദ്ര സര്‍ക്കാരിന്‌ മാത്രമേ കരിമണല്‍ ഖനന വിഷയത്തില്‍ ഇടപെടാന്‍ അധികാരമുള്ളൂ എന്നാണ്‌ ഹൈക്കോടതി പറഞ്ഞിട്ടുള്ളത്‌. എന്നാല്‍ സംസ്ഥാനത്തെ കടല്‍തീരത്തെ ആവാസവ്യവസ്ഥയും നമ്മുടെ നാടിന്റെ അമൂല്യസമ്പത്തും സംരക്ഷിക്കേണ്ടതിന്റെ പ്രാധാന്യം കോടതിയെ ബോധ്യപ്പെടുത്തുന്നതില്‍ കുറ്റകരമായ വീഴ്‌ചയാണ്‌ സംസ്ഥാന സര്‍ക്കാര്‍ വരുത്തിയത്‌. ഹൈക്കോടതി വിധിക്കെതിരെ, സംസ്ഥാന സര്‍ക്കാര്‍ അടിയന്തിരമായ സുപ്രിംകോടതിയില്‍ അപ്പീല്‍ സമര്‍പ്പിക്കണം. ഒരു സാഹചര്യത്തിലും കേരള കടല്‍ത്തീരത്ത്‌ സ്വകാര്യകമ്പനികളുടെ ഖനനം അനുവദിച്ചുകൂടാ. യു.ഡി.എഫ്‌.സര്‍ക്കാരിന്റെ ഈ വഞ്ചനാപരമായ സമീപനത്തിനെതിരെ ജനങ്ങള്‍ ഒറ്റക്കെട്ടായി ശബ്‌ദമുയര്‍ത്താന്‍ മുന്നോട്ട്‌ വരണം.
തിരുവനന്തപുരം
30.11.2014
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌