- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ദേശീയ ഗെയിംസ്‌ നടത്തിപ്പിലെ ക്രമക്കേടും പിടിപ്പുകേടും നാടിന്‌ അപമാനം:സിപിഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
ദേശീയ ഗെയിംസ്‌ നടത്തിപ്പിലെ ക്രമക്കേടും പിടിപ്പുകേടും നാടിന്‌ അപമാനമാണ്. 7 വര്‍ഷത്തിനുശേഷം കേരളം ആതിഥ്യമേകുന്ന ദേശീയ ഗെയിംസ്‌ ഇന്ത്യക്കാകെ മാതൃകയും അഭിമാനവും ആകേണ്ടതായിരുന്നു. എന്നാല്‍, അതിനുള്ള അവസരവും ഉത്തരവാദിത്വവും സംസ്ഥാന സര്‍ക്കാര്‍ കളഞ്ഞുകുളിച്ചിരിക്കുകയാണ്‌. ഇതിനകം കായികമേളയുടെ മുന്നൊരുക്കത്തിനെതിരെ ഉയര്‍ന്നിട്ടുള്ള അഴിമതി ആക്ഷേപങ്ങള്‍ ഗൗരവകരമാണ്‌. ഇതിനെപ്പറ്റി സമഗ്രമായി അന്വേഷിക്കണം. പരാതി എഴുതിത്തന്നാല്‍ അന്വേഷിക്കുമെന്ന്‌ പറയുന്ന മുഖ്യമന്ത്രി ഇക്കാര്യത്തില്‍ എന്ത്‌ അന്വേഷണമാണ്‌ ഉദ്ദേശിക്കുന്നതെന്ന്‌ വ്യക്തമാക്കണം. അന്വേഷണം നിഷ്‌പക്ഷവും നീതിപൂര്‍വ്വകവുമാകണം. അതിന്‌ പര്യാപ്‌തമായ അന്വേഷണസംവിധാനമാകണം.
ഗെയിംസ്‌ തുടങ്ങാന്‍ മൂന്നാഴ്‌ച മാത്രം ശേഷിക്കേ പ്രധാന വേദിയായ കാര്യവട്ടത്തെ ഗ്രീന്‍ ഷെയ്‌ഡ്‌ സ്റ്റേഡിയം പോലും പൂര്‍ത്തിയായിട്ടില്ലെന്നാണ്‌ റിപ്പോര്‍ട്ട്‌. ഏഴ്‌ ജില്ലയിലെ 31 വേദികളില്‍ മിക്ക ഇടത്തും പണി തീര്‍ന്നിട്ടില്ല. 611 കോടി ചെലവാക്കുന്ന മേളയില്‍ ഗുരുതരമായ അലംഭാവവും ക്രമക്കേടുമാണ്‌ നടക്കുന്നത്‌. മത്സരത്തിന്‌ ആവശ്യമായ സ്‌പോര്‍ട്‌സ്‌ ഉപകരണങ്ങള്‍ പോലും എത്തുമോ എന്ന ആശങ്ക പ്രമുഖ കായികതാരങ്ങള്‍ തന്നെ പ്രകടിപ്പിച്ചിട്ടുണ്ട്‌. പല മേഖലകളിലേയും കരാറിനെയും പൊതു പണം ചെലവഴിച്ചതിനെയും പറ്റി ഉത്തരവാദപ്പെട്ട വ്യക്തികളും സംഘടനകളും ഇതിനകം തന്നെ ആക്ഷേപം ഉന്നയിച്ചിട്ടുണ്ട്‌. മുന്‍ സ്‌പോര്‍ട്‌സ്‌ മന്ത്രിയും ഭരണപക്ഷ എം.എല്‍.എയും ഉള്‍പ്പെടെ സംഘാടകസമിതിയില്‍ നിന്നും രാജിവച്ച്‌ പ്രതിഷേധിച്ചിരിക്കുകയാണ്‌. കോമണ്‍വെല്‍ത്ത്‌ ഗെയിംസ്‌ അഴിമതിയെ കടത്തിവെട്ടുംവിധം ഇവിടത്തെ കായിക മാമാങ്കം മാറും എന്ന ആശങ്ക മുന്‍ സ്‌പോര്‍ട്‌സ്‌ മന്ത്രി പ്രകടിപ്പിച്ചിരിക്കുകയാണ്‌. ഇതെല്ലാം അസാധാരണമായ സ്ഥിതിവിശേഷം സൃഷ്‌ടിച്ചിരിക്കുകയാണ്‌. ഗെയിംസ്‌ പ്രചാരണത്തിനായുള്ള കൂട്ടയോട്ട സംഘാടനത്തിന്‌ കരാര്‍ നല്‍കിയതും വിവാദത്തിലായിട്ടുണ്ട്‌. ഇത്തരം കാര്യങ്ങളില്‍ എല്ലാ മാധ്യമങ്ങളേയും സഹകരിപ്പിക്കാനുള്ള ഉത്തരവാദിത്വമാണ്‌ സര്‍ക്കാര്‍ കാണിക്കേണ്ടിയിരുന്നത്‌. അതിനു പകരം സങ്കുചിതമായി പെരുമാറുകയാണ്‌ സര്‍ക്കാര്‍ ചെയ്‌തത്.
തിരുവനന്തപുരം
04.01.2015
***
തിരുവനന്തപുരം
04.01.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌