- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ദേശീയ ഗെയിംസ് അഴിമതി:സിപിഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന
ദേശീയ ഗെയിംസിന്റെ നടത്തിപ്പില്‍ ഗുരുതരമായ ക്രമക്കേടുകള്‍ ഉണ്ടായതായി സംസ്ഥാന ചീഫ്‌ സെക്രട്ടറി തന്നെ പരസ്യമായി സമ്മതിച്ച സാഹചര്യത്തില്‍ സംഘാടക സമിതികളില്‍ നിന്ന്‌ സി.പി.ഐ (എം) പ്രതിനിധികള്‍ രാജിവയ്‌ക്കാന്‍ തീരുമാനിച്ചു. ദേശീയ ഗെയിംസ് സെക്രട്ടറിയേറ്റിന്റെ എക്‌സിക്യൂട്ടീവില്‍ അനൗദ്യോഗിക അംഗമായ എം.വിജയകുമാറും, സംസ്ഥാന തലത്തിലും ജില്ലാ തലത്തിലുമുള്ള മറ്റു കമ്മിറ്റികളിലെ ഭാരവാഹികളായ സി.പി.ഐ (എം) എം.എല്‍.എമാര്‍ ഉള്‍പ്പെടെയുള്ള പ്രതിനിധികളും രാജിവയ്‌ക്കും. അഴിമതിയില്‍ പങ്കാളികളാകാതിരിക്കാനാണ്‌ ഈ നടപടി. എന്നാല്‍ ദേശീയ ഗെയിംസിന്റെ വിജയത്തിനായി എല്ലാ സഹകരണവും നല്‍കുന്നതാണ്‌. ദേശീയ ഗെയിംസിന്‌ കേരളം ആഥിത്യമരുളാനുള്ള തീരുമാനമുണ്ടായത്‌ എല്‍.ഡി.എഫ്‌ സര്‍ക്കാരിന്റെ കാലത്താണ്‌. ഗെയിംസ് നടത്തിപ്പിനുള്ള തയ്യാറെടുപ്പുകള്‍ അക്കാലത്തു തന്നെ ആരംഭിച്ചു. അന്നൊന്നും യാതൊരുവിധ ആക്ഷേപങ്ങളും ഉണ്ടായിരുന്നില്ല. യു.ഡി.എഫ്‌ സര്‍ക്കാരിന്റെ നേതൃത്വത്തില്‍ ഗെയിംസിന്റെ സംഘാടന പ്രവര്‍ത്തനം തൊട്ടതെല്ലാം വിവാദത്തിലായി. നിര്‍മാണ പ്രവര്‍ത്തനങ്ങളിലും ഉപകരണങ്ങള്‍ വാങ്ങുന്നതിലും ക്രമക്കേടുകളുള്ളതായി വ്യാപകമായി ആക്ഷേപങ്ങള്‍ ഉയര്‍ന്നു. ഗെയിംസിന്റെ ഉത്‌ഘാടന പരിപാടിയെ സംബന്ധിച്ചും അതിന്റെ ചെലവിനെ കുറിച്ചും ഭരണകക്ഷി നേതാക്കളായ എം.എല്‍.എമാരും സമൂഹത്തിലെ വിവിധ തുറകളിലുള്ളവരും മാധ്യമങ്ങളും ഗൗരവമായ ആക്ഷേപങ്ങളാണുയര്‍ത്തിയത്‌. ഒടുവില്‍ സംസ്ഥാന ചീഫ്‌ സെക്രട്ടറി തന്നെ ക്രമക്കേടുകള്‍ തുറന്നു സമ്മതിക്കുകയും അന്വേഷണം നടത്തുമെന്ന്‌ പ്രഖ്യാപിക്കുകയും ചെയ്‌തു. രാജ്യത്താകമാനമുള്ള കായികതാരങ്ങള്‍ മാറ്റുരക്കുന്ന കായിക മേളക്ക്‌ ആഥിത്യമരുളുന്ന കേരളത്തിനാകെ അപമാനകരമായ സാഹചര്യമാണ്‌ കായിക മന്ത്രി തിരുവഞ്ചൂര്‍ രാധാകൃഷ്‌ണനും സര്‍ക്കാരും സൃഷ്‌ടിച്ചിരിക്കുന്നത്‌. 1987 ലെ നായനാര്‍ സര്‍ക്കാരിന്റെ കാലത്ത്‌ കേരളത്തില്‍ നടന്ന ദേശീയ ഗെയിംസ്, യാതൊരു ആക്ഷേപത്തിനും ഇടനല്‍കാതെ മികച്ച നിലയില്‍ നടത്തിയിരുന്നു എന്ന കാര്യം ഇത്തരുണത്തില്‍ സ്‌മരണീയമാണ്‌. നാഷണല്‍ ഗെയിംസ് നടത്തിപ്പുമായി ബന്ധപ്പെട്ട്‌ ഉയര്‍ന്നുവന്ന എല്ലാ ആക്ഷേപങ്ങളെക്കുറിച്ചും സ്വതന്ത്രമായ അന്വേഷണം നടത്തണം. കേരളത്തിന്‌ നാണക്കേടുണ്ടാക്കിയ ധൂര്‍ത്തിനും അഴിമതിക്കും ഉത്തരവാദികളായവരെ കണ്ടെത്തി നടപടി കൈക്കൊള്ളണമെന്നും ആവശ്യപ്പെടുന്നു.
തിരുവനന്തപുരം
04.02.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌