- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സമ്മേളനം അംഗീകരിച്ച പ്രമേയം-കയര്‍ വ്യവസായം സംരക്ഷിക്കാനും തൊഴിലും കൂലിയും ഉറപ്പാക്കാനുള്ള കയര്‍ സമരം വിജയിപ്പിക്കുക
1. കേരളത്തിന്റെ തനത്‌ പരമ്പരാഗത വ്യവസായമാണ്‌ കയര്‍ വ്യവസായം, നാലുലക്ഷത്തോളം തൊഴിലാളികള്‍ പണിയെടുത്തിരുന്ന ഈ വ്യവസായം കേരളത്തിന്റെ 260-ല്‍പ്പരം തീരദേശ വില്ലേജുകളിലെ ജനങ്ങളുടെ ജീവിതോപാധിയായിരുന്നു. എന്നാല്‍, ഇന്ന്‌ 40,000-ത്തോളം തൊഴിലാളികള്‍ക്ക്‌ മാത്രമേ തൊഴിലുള്ളൂ. അവര്‍ക്കുതന്നെ വര്‍ഷത്തില്‍ 240 ദിവസം പോലും തൊഴില്‍ ലഭിക്കുന്നില്ല. കയര്‍വ്യവസായത്തെ ആശ്രയിച്ചുകഴിഞ്ഞ ആയിരങ്ങള്‍ തൊഴിലും കൂലിയും ഇല്ലാതെ പട്ടിണിയോട്‌ മല്ലിടുകയാണ്‌.
2. യു.ഡി.എഫ്‌ ഗവണ്‍മെന്റ്‌ അധികാരത്തില്‍ വന്നശേഷം ഏഴ്‌ കയര്‍ തൊഴിലാളികള്‍ തൊഴിലില്ലായ്‌മ മൂലം ആത്മഹത്യ ചെയ്‌തു. ഇന്ത്യയിലെ കയര്‍ കയറ്റുമതിയുടെ 90 ശതമാനവും കേരളത്തിന്റേതായിരുന്നു. എന്നാല്‍, ഇന്ന്‌ കയറ്റുമതിയില്‍ കേരളത്തിന്റെ വിഹിതം 14 ശതമാനമായി കുറഞ്ഞു. ഇത്‌ പ്രതിഫലിപ്പിക്കുന്നത്‌ രൂക്ഷമായ തൊഴിലില്ലായ്‌മയാണ്‌.
3. കൂനിന്മേല്‍ കുരുവെന്നവണ്ണം, കയറിന്റെ കയറ്റുമതിയുടെ നാടായിരുന്ന കേരളത്തിലേക്ക്‌ തമിഴ്‌നാട്ടില്‍ നിന്ന്‌ കയര്‍ ഇറക്കുമതി ചെയ്യുന്നു. ഇത്‌ ഉള്ള തൊഴില്‍ കൂടി നഷ്‌ടപ്പെടുത്തി. തൊഴില്‍രഹിതരായ തൊഴിലാളികള്‍ ഫെബ്രുവരി 1 മുതല്‍ ചരിത്രപ്രധാനമായ വൈക്കം സത്യാഗ്രഹഭൂമിയില്‍ അനിശ്ചിതകാല രാപ്പകല്‍ സത്യാഗ്രഹം ആരംഭിച്ച്‌ 20 ദിവസം പിന്നിടുകയാണ്‌. സമൂഹത്തില്‍ ഏറ്റവും ദുരിതപൂര്‍ണ്ണമായ ജീവിതം പേറുന്ന കയര്‍ തൊഴിലാളികളുടെ ജീവിത സമരത്തിന്‌ ബഹുജനങ്ങളുടെ നിര്‍ലോഭമായ പിന്തുണ ലഭിച്ചുകൊണ്ടിരിക്കുന്നു.
4. സമരം ആരംഭിച്ച്‌ ഒരുമാസം തികയുന്ന മാര്‍ച്ച്‌ 1-ന്‌ സത്യാഗ്രഹഭൂമിയില്‍ നിന്ന്‌ കേരള കയര്‍ വര്‍ക്കേഴ്‌സ്‌ സെന്റര്‍ സംസ്ഥാന പ്രസിഡന്റ്‌ ഡോ. തോമസ്‌ ഐസക്കിന്റെ നേതൃത്വത്തില്‍ 101 സന്നദ്ധഭടന്മാര്‍ നയിക്കുന്ന ബഹുജനമാര്‍ച്ച്‌ ആരംഭിക്കുകയാണ്‌. ആയിരങ്ങള്‍ മാര്‍ച്ചിനെ അനുധാവനം ചെയ്‌ത്‌ മാര്‍ച്ച്‌ 12-ന്‌ തലസ്ഥാനത്തെത്തും. മാര്‍ച്ച്‌ 13 മുതല്‍ സെക്രട്ടേറിയറ്റിനു മുന്നില്‍ അനിശ്ചിതകാല രാപ്പകല്‍ സമരം ആരംഭിക്കുകയാണ്‌. ഈ പശ്ചാത്തലത്തിലും തൊഴിലാളികളുടെ സഹകരണ സംഘങ്ങളെ സംരക്ഷിക്കാനോ, കെട്ടിക്കിടക്കുന്ന കയറും കയറുല്‍പ്പന്നങ്ങളും സംഭരിച്ച്‌ വിപണനം നടത്താനോ, സംഘങ്ങള്‍ക്ക്‌ നല്‍കാനുള്ള പണം നല്‍കാനോ, തൊഴിലും കൂലിയും ഉറപ്പുവരുത്തുന്ന നവീകരണ നടപടികള്‍ സ്വീകരിക്കാനോ, തൊണ്ടും ചകിരിയും സംഭരിച്ചു നല്‍കാനോ, തൊഴിലോ അല്ലെങ്കില്‍ തൊഴിലില്ലായ്‌മാ വേതനമോ നല്‍കാനോ യാതൊരു നടപടിയും സര്‍ക്കാര്‍ സ്വീകരിക്കുന്നില്ല. സംഘങ്ങള്‍ക്ക്‌ മൂന്നുകോടി രൂപ കയര്‍ വിലയായി കയര്‍ഫെഡ്‌ നല്‍കാനുണ്ട്‌. ക്രയവില സ്ഥിരതാ പദ്ധതി ഉപേക്ഷിച്ചതിന്റെ ഫലമായി ഫാക്‌ടറി മേഖലയില്‍ ചെറുകിടക്കാരും തൊഴിലാളികളും കഷ്‌ടപ്പാടിലാണ്‌. ഈ അവസരത്തിലും മേളകള്‍ സംഘടിപ്പിക്കാന്‍ 15 കോടിയിലധികം രൂപ ധൂര്‍ത്തടിച്ചിരിക്കുകയാണ്‌. ആ പണം തൊണ്ട്‌ വാങ്ങാനും സംഭരിക്കാനും കയറും കയറുല്‍പ്പന്നങ്ങള്‍ക്കും വില നല്‍കാനും ഉപയോഗിച്ചെങ്കില്‍ അത്രയെങ്കിലും ആശ്വാസമായേനെ.
5. ഇതൊന്നും ചെയ്യാത്ത, ബഡ്‌ജറ്റില്‍ വകയിരുത്തുന്ന പണം ധൂര്‍ത്തടിക്കുക മാത്രം ചെയ്യുന്ന യു.ഡി.എഫ്‌ സര്‍ക്കാര്‍, കയര്‍വ്യവസായത്തിന്റെ അന്ത്യകൂദാശ നടത്തുമെന്ന വാശിയിലാണ്‌. വ്യവസായത്തേയും തൊഴിലാളികളേയും രക്ഷിക്കാന്‍ ആവശ്യപ്പെട്ടുകൊണ്ടുള്ള സത്യാഗ്രഹ സമരവും ബഹുജനമാര്‍ച്ചും തുടര്‍ന്ന്‌ സെക്രട്ടേറിയറ്റ്‌ പടിക്കല്‍ ആരംഭിക്കുന്ന രാപ്പകല്‍ സമരവും വിജയിപ്പിക്കാന്‍ ഈ സമ്മേളനം പാര്‍ടി സഖാക്കളോടും വര്‍ഗ-ബഹുജന പ്രസ്ഥാനങ്ങളോടും ബഹുജനങ്ങളോടും അഭ്യര്‍ത്ഥിക്കുന്നു.
സ: പി. കൃഷ്‌ണപിള്ള നഗര്‍, ആലപ്പുഴ
22.02.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌