- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സമ്മേളനം അംഗീകരിച്ച പ്രമേയം-കേരളത്തിലെ സഹകരണ മേഖലയെ സംരക്ഷിക്കുക
1. ഇരുപതാം നൂറ്റാണ്ടില്‍ കേരളീയ സമൂഹത്തിന്റെ സര്‍വ്വതോമുഖമായ വളര്‍ച്ചയില്‍ നിര്‍ണ്ണായകമായ പങ്കു വഹിച്ചത്‌ സഹകരണ പ്രസ്ഥാനവും വിവിധ മേഖലകളിലെ സഹകരണ സംഘങ്ങളും ആയിരുന്നു. നമ്മുടെ ഗ്രാമങ്ങളിലെയും പട്ടണങ്ങളിലെയും സാധാരണക്കാരെ കൊള്ളപ്പലിശക്കാരുടെ പിടിയില്‍ നിന്ന്‌ മോചിപ്പിച്ചതും പരമ്പരാഗത ഉല്‍പ്പാദനമേഖലയില്‍ ലക്ഷക്കണക്കിന്‌ ചെറുകിട ഉല്‍പ്പാദകരുടെയും തൊഴിലാളികളുടെയും ഉപജീവനം ഉറപ്പാക്കിയതും സഹകരണ സംഘങ്ങളാണ്‌. നവലിബറല്‍ ശക്തികളുടെ താല്‍പ്പര്യങ്ങള്‍ക്ക്‌ യോജിച്ച വിധത്തില്‍ ഇടപെടലുകള്‍ കേരളത്തിലെ സഹകരണ മേഖലയുടെ മരണമൊഴി മുഴക്കുന്നു. സങ്കുചിത രാഷ്ട്രീയ ലക്ഷ്യങ്ങളോടെ യു.ഡി.എഫ്‌ സര്‍ക്കാര്‍ കൈക്കൊള്ളുന്ന നടപടികള്‍ സ്ഥിതിഗതികള്‍ ഗുരുതരമാക്കുന്നു.
2. കേരളത്തിലെ പ്രാഥമിക കാര്‍ഷിക വായ്‌പാസംഘങ്ങള്‍, ജില്ല-സംസ്ഥാന സഹകരണ ബാങ്കുകള്‍, അര്‍ബന്‍ ബാങ്കുകള്‍ എന്നിവയിലായി ഇപ്പോള്‍ 80,000-ത്തില്‍പ്പരം കോടി രൂപയുടെ നിക്ഷേപമുണ്ട്‌. അതിലേറെ തുക അവ വായ്‌പയായി നല്‍കുന്നു. കേരളത്തിലെ മൊത്തം ബാങ്ക്‌ നിക്ഷേപത്തിന്റെ 34 ശതമാനം വരുന്ന ഈ തുക കേരളത്തിലെ ജനജീവിതത്തെ ഭദ്രമാക്കുന്നതില്‍ ഗണ്യമായ പങ്ക്‌ വഹിക്കുന്നു. കാര്യക്ഷമമായി ഇത്‌ വിനിയോഗിക്കുന്നപക്ഷം കേരളത്തിന്റെ സമഗ്രവികസനത്തില്‍ സാരമായ പങ്ക്‌ വഹിക്കുന്ന ഘടകമാക്കി സഹകരണ മേഖലയെ മാറ്റാന്‍ കഴിയും.
3. രണ്ടാം യു.പി.എ ഗവണ്‍മെന്റിന്റെ കാലത്താണ്‌ സഹകരണ മേഖലയുടെ നിയന്ത്രണം പൂര്‍ണ്ണമായി സംസ്ഥാന ഗവണ്‍മെന്റില്‍നിന്ന്‌ എടുത്തുമാറ്റുകയും എല്ലാ സഹകരണ ബാങ്കുകളെയും റിസര്‍വ്‌ ബാങ്കിന്റെ പരിപൂര്‍ണ്ണ നിയന്ത്രണത്തിലാക്കുകയും ചെയ്യുന്ന നിയമഭേദഗതികള്‍ കൊണ്ടുവരികയുണ്ടായി. റിസര്‍വ്‌ ബാങ്കാകട്ടെ, സഹകരണ ബാങ്കുകളുടെ സവിശേഷമായ പങ്ക്‌ അവഗണിച്ചുകൊണ്ട്‌ അവയുടെമേല്‍ വിവേചനപരമായ നിബന്ധനകള്‍ ഏര്‍പ്പെടുത്തി. അതോടെ, സഹകരണ ബാങ്കുകള്‍ക്ക്‌ നിക്ഷേപകരുടെയും വായ്‌പ എടുക്കുന്നവരുടെയും താല്‍പ്പര്യങ്ങള്‍ ഇതേവരെ ചെയ്‌തിരുന്നതുപോലെ സംരക്ഷിക്കാന്‍ കഴിയാത്ത സ്ഥിതി വരുന്നു. ഈ നില തുടര്‍ന്നാല്‍ അവയില്‍ പലതും അധികം താമസിയാതെ അടച്ചുപൂട്ടേണ്ടതായി വരും. സഹകരണ ബാങ്കുകളുമായി ബന്ധപ്പെടുന്ന ലക്ഷക്കണക്കിന്‌ സാധാരണക്കാര്‍ കൊള്ളപ്പലിശക്കാരുടെ പിടിയില്‍ വീണ്ടും അമരും.
4. ഇത്‌ തടയുന്നതിന്‌ ആവശ്യമായ നടപടികള്‍ കേന്ദ്രസര്‍ക്കാര്‍ ഇതുവരെ കൈക്കൊണ്ടിട്ടില്ല. പ്രശ്‌നത്തിന്റെ ഗൗരവം അവരുടെ ശ്രദ്ധയില്‍ പെടുത്തിയിട്ടും അനുകൂലമായ പ്രതികരണം ഉണ്ടായിട്ടില്ല. അത്‌ ഉണ്ടാക്കുന്നതിന്‌ ആവശ്യമായ സമ്മര്‍ദ്ദം ചെലുത്തുന്നതിന്‌ യു.ഡി.എഫ്‌ ഫലപ്രദമായി ഇടപെടുന്നതായി കാണുന്നില്ല. അതിനു പകരം സഹകരണ ബാങ്കുകളടക്കം പല സഹകരണ സ്ഥാപനങ്ങളെയും അധികാരം ഉപയോഗിച്ചും ജനാധിപത്യവിരുദ്ധമായും കയ്യടക്കുന്നതിന്‌ യു.ഡി.എഫുകാരെ സഹായിക്കുന്ന പ്രവര്‍ത്തനത്തിലാണ്‌ സംസ്ഥാന സര്‍ക്കാര്‍ ഏര്‍പ്പെട്ടുകാണുന്നത്‌. നവലിബറല്‍ ശക്തികളുടെ നിയന്ത്രണത്തിനു വിധേയമായി പ്രവര്‍ത്തിക്കുന്ന ഈ ഗവണ്‍മെന്റുകളുടെ സമീപനങ്ങളിലും തീരുമാനമെടുക്കുന്നതിലുമുള്ള അനിശ്ചിതത്വം അവസാനിപ്പിച്ച്‌ കേരളത്തിലെ സഹകരണ മേഖലയെ സംരക്ഷിക്കുന്നതിനും ജനങ്ങള്‍ക്ക്‌ അതിന്റെ സേവനം തുടര്‍ന്നും അടിയന്തര നടപടികള്‍ കൈക്കൊള്ളണമെന്ന്‌ സി.പി.ഐ (എം) ന്റെ 21-ാം പാര്‍ടി കോണ്‍ഗ്രസ്സിനോട്‌ അനുബന്ധിച്ചുള്ള സംസ്ഥാന സമ്മേളനം ആവശ്യപ്പെടുന്നു.
സ: പി. കൃഷ്‌ണപിള്ള നഗര്‍, ആലപ്പുഴ
22.02.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌