- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-16.03.2015
നിയമസഭയിലെ വനിതാ സാമാജികരെ അപമാനിച്ച ഭരണപക്ഷത്തെ കുറ്റവാളികളെ സംരക്ഷിക്കുകയും അഴിമതിക്കെതിരെ പോരാടിയ പ്രതിപക്ഷത്തെ അഞ്ച്‌ എം.എല്‍.എമാരെ സസ്‌പെന്റ്‌ ചെയ്യുകയും ചെയ്‌ത യു.ഡി.എഫ്‌ സര്‍ക്കാരിന്റെ ഇരട്ടത്താപ്പിനും നെറികേടിനുമെതിരെ ശക്തിയായി പ്രതിഷേധിക്കാന്‍ എല്ലാ ജനാധിപത്യസ്‌നേഹികളോടും അഭ്യര്‍ത്ഥിക്കുന്നു.
അഞ്ച്‌ എം.എല്‍.എമാരെ സഭാസമ്മേളനം തീരുംവരെ സസ്‌പെന്റ്‌ ചെയ്യാന്‍ ഉമ്മന്‍ചാണ്ടി സര്‍ക്കാര്‍ ഏകപക്ഷീയമായി തീരുമാനമെടുത്തത്‌ ജനങ്ങളോടുള്ള യുദ്ധപ്രഖ്യാപനമാണ്‌. ധാര്‍മ്മികബോധത്തിന്റെ രക്ഷാധികാരിയായി ചമഞ്ഞ്‌ പ്രതിപക്ഷത്തിനെതിരെ മുഖ്യമന്ത്രിയുടെ നേതൃത്വത്തില്‍ ഭരണപക്ഷം കൈക്കൊണ്ട ഏകപക്ഷീയമായ സസ്‌പെന്‍ഷന്‍ നടപടി പാര്‍ലമെന്ററി ജനാധിപത്യത്തെ അപമാനിക്കലാണ്‌. അധികാരം ഉപയോഗിച്ച്‌ ഭൗതിക നേട്ടങ്ങള്‍ വാരിക്കൂട്ടാനുള്ള ഒടുങ്ങാത്ത ആര്‍ത്തിയാണ്‌ ബഡ്‌ജറ്റ്‌ പോലും വില്‍ക്കുന്നതില്‍ ധനമന്ത്രി കെ.എം. മാണിയെ എത്തിച്ചത്‌. ഇത്തരത്തില്‍ കോഴ വാങ്ങുന്ന ഒരാള്‍ ബഡ്‌ജറ്റ്‌ അവതരണം നടത്താന്‍ പാടില്ല എന്നത്‌ ഭൂരിപക്ഷം കേരളീയരുടെയും പൊതു വികാരമാണ്‌. അത്‌ നടപ്പാക്കാനുള്ള അഴിമതിവിരുദ്ധ സമരമാണ്‌ നിയമസഭയില്‍ മാര്‍ച്ച്‌ 13-ന്‌ പ്രതിപക്ഷം നടത്തിയത്‌. മാണി ബഡ്‌ജറ്റ്‌ അവതരിപ്പിച്ചു എന്ന അവകാശവാദം നിയമസഭയില്‍ നിയമം ലംഘിച്ച്‌ വട്ടംകൂടി നിന്ന്‌ വാച്ച്‌ & വാര്‍ഡിന്റെ പിന്തുണയോടെ ഭരണപക്ഷത്തെ ഒരു സംഘത്തിന്റെ നടുവില്‍ നിന്ന്‌ നടത്തിയ അപഹാസ്യമായ നാടകം മാത്രമായിരുന്നു. ചന്തയില്‍ ലേലം വിളിക്കുന്നതുപോലെ ഒരു ധനമന്ത്രി ബഡ്‌ജറ്റ്‌ അവതരണം നടത്തിയതാണ്‌ കേരള ചരിത്രത്തിലെ ഏറ്റവും വലിയ കറുത്ത പാട്‌. അഴിമതിക്കാരനായ ധനമന്ത്രിയുടെ ബഡ്‌ജറ്റ്‌ അവതരണം മുടക്കിയ എല്‍.ഡി.എഫിന്റെ നിയമസഭയ്‌ക്കകത്തും പുറത്തുമുള്ള പ്രവര്‍ത്തനത്തെ അഴിമതിവിരുദ്ധരായ ജനകോടികള്‍ പിന്തുണയ്‌ക്കുകയാണ്‌. കേരളത്തിന്റെ വികാരം അഴിമതി സര്‍ക്കാരിനൊപ്പമല്ല, പ്രതിപക്ഷത്തിനൊപ്പമാണെന്ന്‌ മുഖ്യമന്ത്രി മനസ്സിലാക്കണം.
യു.ഡി.എഫ്‌ എം.എല്‍.എമാര്‍ സഭയില്‍ തെറ്റു ചെയ്‌തില്ല എന്നതുകൊണ്ടാണ്‌ അവര്‍ക്കെതിരെ നടപടി ഉണ്ടാകാതിരുന്നത്‌ എന്ന ഉമ്മന്‍ചാണ്ടിയുടെ വാദം സഭാനടപടികള്‍ കാണുകയും കേള്‍ക്കുകയും ചെയ്‌ത ജനങ്ങളെ അപഹസിക്കലാണ്‌. തെറ്റു ചെയ്യാത്തവരെ ബലിയാടാക്കണമെന്നല്ല, തെറ്റു ചെയ്‌തവരെ ശിക്ഷിക്കണമെന്നാണ്‌ പ്രതിപക്ഷത്തിന്റെ ആവശ്യം. വനിതാ എം.എല്‍.എമാരെ ദുരുദ്ദേശപരമായി സ്‌പര്‍ശിക്കുകയും അപമാനിക്കുകയും ചെയ്‌ത ഭരണപക്ഷ സാമാജികര്‍ക്കെതിരെ നടപടി എടുത്തേ മതിയാവൂ. സഭയില്‍ നടന്ന സംഭവങ്ങളുടെ പേരില്‍ ഏകപക്ഷീയമായി പോലീസിനെ ഇടപെടുവിച്ച സ്‌പീക്കറുടെ നടപടി നിഷ്‌പക്ഷമല്ല. യു.ഡി.എഫ്‌ സര്‍ക്കാര്‍ നിയമസഭയ്‌ക്കകത്തും പുറത്തും അധികാരദണ്ഡ്‌ ഉപയോഗിച്ച്‌ പ്രതിപക്ഷത്തെ ഏകാധിപത്യപരമായി അടിച്ചമര്‍ത്താനുള്ള ശ്രമമാണ്‌ നടത്തുന്നത്‌. ഇതുകൊണ്ടൊന്നും കോഴ വാങ്ങിയ മന്ത്രിയെ രാജിവയ്‌പ്പിക്കാനുള്ള പ്രക്ഷോഭത്തെ അവസാനിപ്പിക്കാനാവില്ല. ധനമന്ത്രി കെ.എം. മാണിയെ പുറത്താക്കുന്നതുവരെ ഈ പ്രക്ഷോഭം തുടരുക തന്നെ ചെയ്യും. ഈ അഴിമതിവിരുദ്ധ പോരാട്ടത്തിന്‌ കേരളത്തിലെ മുഴുവന്‍ ജനങ്ങളുടെയും പിന്തുണ ഉണ്ടാകണമെന്ന് അഭ്യര്‍ത്ഥിക്കുന്നു.
തിരുവനന്തപുരം
16.03.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌