- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്ണന് അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സെക്രട്ടറി കോടിയേരി ബാലകൃഷ്ണന് പുറപ്പെടുവിക്കുന്ന പ്രസ്‌താവന- 18.03.2015
കുറ്റപത്രം ഉണ്ടായാലും രാജിവയ്‌ക്കില്ല എന്ന ധനകാര്യമന്ത്രിയുടെ പ്രഖ്യാപനം നിയമവാഴ്‌ചയോടുള്ള വെല്ലുവിളിയാണ്‌. ബാര്‍ കോഴക്കേസില്‍ വിജിലന്‍സിന്‌ മാണി കോഴ വാങ്ങിയത്‌ സംബന്ധിച്ച്‌ വ്യക്തമായ തെളിവുകള്‍ ലഭിച്ചു എന്ന്‌ ഉറപ്പായപ്പോഴാണ്‌ മാണി ഇത്തരമൊരു നിലപാട്‌ സ്വീകരിച്ചിരിക്കുന്നത്‌.
മൂന്നുമാസം മുമ്പ്‌ കേസ്‌ രജിസ്റ്റര്‍ ചെയ്‌ത സന്ദര്‍ഭത്തില്‍ തന്നെ കോടതിയില്‍ സമര്‍പ്പിച്ച എഫ്‌.ഐ.ആറില്‍ മാണിക്കെതിരായ തെളിവുകള്‍ അക്കമിട്ട്‌ നിരത്തിയിട്ടുണ്ട്‌. മന്ത്രിക്ക്‌ കൈക്കൂലി കൊടുക്കാനായി അവരുടെ വിഹിതം അസോസിയേഷന്‍ ഭാരവാഹികള്‍ നല്‍കിയിട്ടുണ്ട്‌ എന്ന്‌ ബാര്‍ ഉടമകളായ സാക്ഷികളും, കോഴപ്പണം മാണിക്ക്‌ കൈമാറുന്നത്‌ കണ്ടിട്ടുണ്ട്‌ എന്ന്‌ മറ്റു ചില സാക്ഷികളും, പണം കൈമാറുമ്പോള്‍ മാണിയുടെ വസതിയില്‍ ഉണ്ടായിരുന്ന ചില സാക്ഷികളും മൊഴി നല്‍കിയ കാര്യം എഫ്‌.ഐ.ആറില്‍ തന്നെ വ്യക്തമാക്കിയിരുന്നു. 42 ദിവസത്തെ അന്വേഷണത്തിനുശേഷമാണ്‌ വിജിലന്‍സ്‌ ഈ റിപ്പോര്‍ട്ട്‌ സമര്‍പ്പിച്ചത്‌. മൂന്നുമാസത്തിലേറെയായി വിജിലന്‍സ്‌ തുടര്‍ന്ന്‌ നടത്തിവന്ന അന്വേഷണത്തിലൂടെ ഒട്ടേറെ പുതിയ തെളിവുകളും ലഭിച്ചു എന്ന്‌ മന്ത്രിക്ക്‌ മനസ്സിലായപ്പോഴാണ്‌ താന്‍ പിടിക്കപ്പെടും എന്ന്‌ വ്യക്തമായപ്പോള്‍ വിജിലന്‍സിനെ ഭയപ്പെടുത്താനും വെല്ലുവിളിക്കാനും മന്ത്രി ഇറങ്ങി പുറപ്പെട്ടിട്ടുള്ളത്‌. കുറ്റപത്രം നല്‍കിയാല്‍ ഒമ്പത്‌ എം.എല്‍.എമാരുടെ പിന്തുണ ഇല്ലാതാകുമെന്നും ഭരണം തന്നെ പോകുമെന്നും മുഖ്യമന്ത്രിക്ക്‌ മുന്നറിയിപ്പ്‌ നല്‍കി ഭയപ്പെടുത്തി കേസ്‌ അട്ടിമറിക്കാനാണ്‌ മന്ത്രി മാണി ശ്രമിക്കുന്നത്‌.
കുറ്റപത്രം ലഭിച്ചാലും രാജിവയ്‌ക്കില്ല, തന്നെ പുറത്താക്കാന്‍ മുഖ്യമന്ത്രിക്ക്‌ ധൈര്യമുണ്ടോ എന്ന്‌ മുഖ്യമന്ത്രിയേയും, കുറ്റപത്രം നല്‍കാന്‍ തന്റേടമുണ്ടോ എന്ന്‌ ആഭ്യന്തരമന്ത്രിയേയും വെല്ലുവിളിക്കുകയാണ്‌ മാണി ചെയ്യുന്നത്‌. എഫ്‌.ഐ.ആര്‍ എടുക്കേണ്ട കാര്യമില്ലായിരുന്നു എന്നും ആഭ്യന്തരമന്ത്രിയുടെ നടപടി ജനങ്ങള്‍ മനസ്സിലാക്കുമെന്നുമാണ്‌ മാണി പ്രസ്‌താവിച്ചിരിക്കുന്നത്‌. തന്റെ സര്‍ക്കാരിന്റെ നടപടിയെ മന്ത്രി തന്നെ വിമര്‍ശിക്കുകയാണ്‌. ആരോപണത്തിനു പിന്നില്‍ ഗൂഢാലോചന ഉണ്ടെന്ന്‌ വ്യക്തമാക്കിയ മാണി ആരാണ്‌ തനിക്കെതിരെ ഗൂഢാലോചന നടത്തിയത്‌ എന്ന്‌ വ്യക്തമാക്കണം. മുഖ്യമന്ത്രി ഉമ്മന്‍ചാണ്ടിയെ ആണോ, ആഭ്യന്തരമന്ത്രി ചെന്നിത്തലയെ ആണോ ഉദ്ദേശിക്കുന്നത്‌. ബാര്‍ കോഴ പങ്ക്‌ പറ്റിയ ഉമ്മന്‍ചാണ്ടിയും ചെന്നിത്തലയും കോണ്‍ഗ്രസ്‌ നേതാക്കളും ചേര്‍ന്ന്‌ തന്നെ പ്രതിയാക്കി എന്നാണ്‌ മാണി ഉദ്ദേശിക്കുന്നതെങ്കില്‍ അത്‌ തുറന്നുപറയാനുള്ള ആര്‍ജ്ജവം മാണി കാണിക്കണം. തൊടുന്യായങ്ങള്‍ പറഞ്ഞ്‌ അധികാരത്തില്‍ കടിച്ചുതൂങ്ങാതെ മന്ത്രിസ്ഥാനത്തുനിന്ന്‌ ഇറങ്ങിപ്പോകാന്‍ മാണി തയ്യാറാകണം. കുറ്റപത്രം നല്‍കുന്നതുവരെ കാത്തിരുന്നാല്‍ മാണി കൂടുതല്‍ പരിഹാസ്യനാകും.
തിരുവനന്തപുരം
18.03.2015
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌