- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന-18.03.2015
മാര്‍ച്ച്‌ 13 ന്‌ നിയമസഭയില്‍ പ്രതിപക്ഷം വനിതാ എം.എല്‍.എമാരെ ചാവേറാക്കി എന്ന മുഖ്യമന്ത്രിയുടെ പ്രസ്‌താവന സ്‌ത്രീത്വത്തെ അപമാനിക്കുന്നതും, മുഖ്യമന്ത്രി പദവിക്ക്‌ നിരക്കാത്തതുമാണ്‌. സഭയില്‍വെച്ച്‌ തങ്ങള്‍ അതിക്രൂരമായി കയ്യേറ്റത്തിന്‌ വിധേയരായി എന്ന വനിത എം.എല്‍.എമാരുടെ പരാതിയിന്മേല്‍ ഒരു നടപടിയും ഇതുവരെ സ്വീകരിക്കാത്ത സ്‌പീക്കറുടെ പക്ഷപാതപരമായ നിലപാടിനെതിരെ ഉയര്‍ന്നുവന്ന ജനരോഷത്തില്‍ നിന്നും ശ്രദ്ധ തിരിച്ചുവിടുകയാണ്‌ മുഖ്യമന്ത്രിയുടെ ലക്ഷ്യം.
മുഖ്യമന്ത്രിയുടെ കണ്‍മുമ്പില്‍ വെച്ചാണ്‌ ജമീലാ പ്രകാശം, ബിജിമോള്‍, ഗീത ഗോപി, കെ.കെ. ലതിക, സലീഖ എന്നീ എം.എല്‍.എമാര്‍, യു.ഡി.എഫിലെ പുരുഷ എം.എല്‍.എമാരുടെ കയ്യേറ്റത്തിന്‌ വിധേയരായത്‌. തന്റെ സാന്നിധ്യത്തില്‍ നടന്ന നികൃഷ്‌ടമായ അതിക്രമത്തെ കുറിച്ച്‌ നടപടി എടുപ്പിക്കുവാന്‍ മുഖ്യമന്ത്രിക്കും ഉത്തരവാദിത്തമുണ്ട്‌. സ്‌പീക്കറുടെ ഡയസിലെ ഉപകരണങ്ങള്‍ തകര്‍പ്പെട്ടു എന്ന പരാതിയിന്മേല്‍ പ്രതിപക്ഷ എം.എല്‍.എമാരുടെ പേരില്‍ കേസെടുക്കാന്‍ പോലീസിന്‌ നിര്‍ദ്ദേശം നല്‍കിയ സ്‌പീക്കര്‍, വനിതാ എം.എല്‍.എമാരുടെ പരാതി കണ്ടഭാവം നടിച്ചില്ല. മാര്‍ച്ച്‌ 13-ന്‌ സഭയില്‍ നടന്ന കാര്യങ്ങളുടെ വീഡിയോ ദൃശ്യങ്ങള്‍ പരിശോധിക്കുന്ന ആര്‍ക്കും, വനിതാ എം.എല്‍.എമാരുടെ പരാതി സത്യമാണെന്ന്‌ ബോധ്യമാവും. സ്വമേധയാ തന്നെ നടപടി സ്വീകരിക്കാന്‍ ബാധ്യസ്ഥനായ സ്‌പീക്കര്‍, ഭരണ കക്ഷിയുടെ ചട്ടുകമായി തരംതാഴുകയാണ്‌ ചെയ്‌തത്‌.
നിഷ്‌പക്ഷമായി പ്രവര്‍ത്തിക്കേണ്ട സ്‌പീക്കറുടെ നിലപാടില്‍ നിയമവിദഗ്‌ദ്ധന്മാര്‍ക്കിടയിലും പൊതുസമൂഹത്തിലും വ്യാപകമായ പ്രതിഷേധം ഉയര്‍ന്നു വന്നിരിക്കുകയാണ്‌. അഞ്ച്‌ പ്രതിപക്ഷ എം.എല്‍.എമാരെ സസ്‌പെന്റ്‌ ചെയ്യാന്‍ പ്രമേയം അവതരിപ്പിച്ച മുഖ്യമന്ത്രിയുടെ അതേവാദം തന്നെ ആവര്‍ത്തിക്കുന്ന സ്‌പീക്കര്‍, കേരള നിയമസഭയുടെ അന്തസ്സ്‌ കളഞ്ഞ്‌ കുളിച്ചു. യു.ഡി.എഫിന്‌ വേണ്ടി ചട്ടവിരുദ്ധമായ നിലപാട്‌ സ്വീകരിച്ച സ്‌പീക്കറുടെ നിലപാടിനെതിരായി ഉയര്‍ന്നുവന്ന ജനരോഷത്തില്‍നിന്ന്‌ ശ്രദ്ധ തിരിക്കാനുള്ള മുഖ്യമന്ത്രി ഉമ്മന്‍ചാണ്ടിയുടെ ശ്രമം വിലപ്പോവില്ല.
കെ.എം.മാണിയുടെ അഴിമതിക്കെതിരായും, സഭയില്‍വെച്ച്‌ വനിതാ എം.എല്‍.എമാര്‍ക്കെതിരെയുള്ള അതിക്രമങ്ങള്‍ക്കെതിരായും വ്യാപകമായ പ്രതിഷേധം ഉയര്‍ത്താന്‍ എല്ലാവരോടും അഭ്യര്‍ത്ഥിക്കുന്നു.
തിരുവനന്തപുരം
18.03.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌