- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-22.04.2015
കേരളത്തില്‍ ഏറ്റവും ഫലപ്രദമായും കൃത്യമായും പുറത്തുവന്നുകൊണ്ടിരുന്ന എസ്‌.എസ്‌.എല്‍.സി പരീക്ഷാഫലം അട്ടിമറിച്ചതിന്റെ ഉത്തരവാദിത്വം വിദ്യാഭ്യാസമന്ത്രി ഏറ്റെടുക്കണം.
വിദ്യാഭ്യാസരംഗത്ത്‌ ലോകശ്രദ്ധ തന്നെ ആകര്‍ഷിച്ച സംസ്ഥാനമാണ്‌ കേരളം. കേരളത്തിന്റെ ആ മഹത്തായ പാരമ്പര്യത്തെ അട്ടിമറിക്കുന്ന സംഭവമായി എസ്‌.എസ്‌.എല്‍.സി പരീക്ഷാഫലത്തിന്റെ ക്രമക്കേട്‌ മാറിയിരിക്കുകയാണ്‌. അതുകൊണ്ടുതന്നെ ഇതു സംബന്ധിച്ച്‌ ഫലപ്രദമായ അന്വേഷണം നടത്തി നാടിന്‌ അപമാനം സൃഷ്‌ടിച്ചവരെ വെളിച്ചത്ത്‌ കൊണ്ടുവരേണ്ടതുണ്ട്‌. അതിനായി വിദഗ്‌ദ്ധന്മാര്‍ ഉള്‍പ്പെടുന്ന ഒരു സമിതി രൂപീകരിച്ച്‌ അന്വേഷണം നടത്തുന്നതിന്‌ സര്‍ക്കാര്‍ അടിയന്തരമായും തയ്യാറാവണം.
സോഫ്‌ട്‌വെയറിനെ പഴിച്ച്‌ തടിയൂരാനാണ്‌ വിദ്യാഭ്യാസമന്ത്രി ഇപ്പോള്‍ ശ്രമിക്കുന്നത്‌. എന്നാല്‍, സോഫ്‌ട്‌വെയറിന്‌ ഒരു കുഴപ്പവുമില്ലെന്ന്‌ ഇത്‌ തയ്യാറാക്കിയ നാഷണല്‍ ഇന്‍ഫര്‍മേറ്റിക്‌ സെന്റര്‍ വ്യക്തമാക്കിയിട്ടുമുണ്ട്‌. ഇത്‌ കാണിക്കുന്നത്‌ എന്തുകൊണ്ട്‌ ഇത്തരമൊരു ഗുരുതരമായ സ്ഥിതിവിശേഷമുണ്ടായി എന്നത്‌ സംബന്ധിച്ച്‌ ജനങ്ങളെ ബോധ്യപ്പെടുത്തുന്ന തരത്തിലുള്ള ഉത്തരം സര്‍ക്കാരിന്‌ നല്‍കാനാവുന്നില്ല എന്നതാണ്‌. ഇത്‌ ജനാധിപത്യ സര്‍ക്കാരിന്‌ ഒട്ടും ഭൂഷണമായിട്ടുള്ളതല്ല. കുട്ടികളുടെ പഠനത്തിന്റെ കാര്യത്തില്‍ രക്ഷിതാക്കള്‍ ഏറെ ശ്രദ്ധിക്കുന്ന കേരളത്തില്‍ അവരോടുള്ള വെല്ലുവിളിയായും ഈ സംഭവം മാറുകയാണ്‌.
ഉന്നതപഠനത്തിന്‌ യോഗ്യത നേടിയ വിദ്യാര്‍ത്ഥി പുനഃപ്രസിദ്ധീകരണത്തിലൂടെ അതിന്‌ അര്‍ഹരല്ല എന്ന സ്ഥിതി ഉണ്ടാകുമ്പോള്‍ അത്‌ വിദ്യാര്‍ത്ഥികളില്‍ ഏല്‍പ്പിക്കുന്ന മാനസികാഘാതം വളരെ വലുതായിരിക്കും. അതിനാല്‍, വിദ്യാര്‍ത്ഥികളുടെ ജീവിതം കൊണ്ടുള്ള പന്താടലായി ഈ സംഭവം മാറിയിരിക്കുകയാണ്‌. ഒരു തലമുറയോട്‌ ചെയ്യുന്ന ഈ കൊടും പാതകത്തിന്റെ ഉത്തരവാദികള്‍ക്ക്‌ മാപ്പ്‌ നല്‍കാനാവില്ല. വിദ്യാര്‍ത്ഥികള്‍ക്ക്‌ ഉണ്ടാകാനിടയുള്ള മാനസിക പ്രശ്‌നങ്ങള്‍ പരിഹരിക്കുന്നതിനും ഗൗരവമായ ഇടപെടല്‍ ഉണ്ടാവേണ്ടതുണ്ട്‌.
എസ്‌.എസ്‌.എല്‍.സി പരീക്ഷാഫലം വീണ്ടും പ്രസിദ്ധീകരിക്കേണ്ട സാഹചര്യം രൂപപ്പെട്ട ഘട്ടത്തില്‍ അഴിമതിവീരന്മാരും രംഗത്തിറങ്ങിക്കഴിഞ്ഞിരിക്കുകയാണ്‌. പരീക്ഷാഫലം വീണ്ടും പ്രസിദ്ധീകരിക്കുമ്പോള്‍ വിദ്യാര്‍ത്ഥികള്‍ക്ക്‌ മാര്‍ക്കുകള്‍ കൂടുതല്‍ നല്‍കാമെന്ന്‌ പറഞ്ഞുകൊണ്ട്‌ പല ലോബികളും രംഗത്തിറങ്ങിയതായി വാര്‍ത്തയുണ്ട്‌. ഗ്രേസ്‌ മാര്‍ക്കും മറ്റും അനര്‍ഹര്‍ക്ക്‌ നല്‍കി അതിലൂടെ പണം കൊയ്യുന്നതിനുള്ള ലേലംവിളികളും ആരംഭിച്ചുകഴിഞ്ഞിരിക്കുകയാണ്‌. ഇത്തരം പ്രവണതകളേയും ഇല്ലാതാക്കുന്നതിന്‌ ശക്തമായ ജാഗ്രത ഉണ്ടാവേണ്ടതുണ്ട്‌.
കേരളത്തിലെ വിദ്യാഭ്യാസത്തിന്റെ മുഖം വികൃതമാക്കിയതിലുള്ള ഉത്തരവാദിത്വം വിദ്യാഭ്യാസമന്ത്രിക്കാണ്‌. കേരളത്തിന്റെ വിദ്യാഭ്യാസരംഗത്തെ പാരമ്പര്യങ്ങളെ കളഞ്ഞുകുളിച്ചുകൊണ്ട്‌ നാടിന്‌ അപമാനമുണ്ടാക്കിയ സംഭവത്തില്‍ ശക്തമായ പ്രതിഷേധം ഉയരണം.
തിരുവനന്തപുരം
22.04.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌