- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-11.06.2015
കരിപ്പൂര്‍ വിമാനത്താവള സംഭവം കേരളത്തിന്‌ അപമാനവും നിയമവാഴ്‌ചയുടെ പരാജയവുമാണ്.
കേന്ദ്ര-സംസ്ഥാന സര്‍ക്കാരുകളുടെ കുറ്റകരമായ അനാസ്ഥയും പിടിപ്പുകേടുമാണ്‌ തെളിഞ്ഞത്‌. ആഭ്യന്തരയുദ്ധം നടക്കുന്ന ചില വിദേശരാജ്യങ്ങളില്‍ മാത്രം കാണുന്ന സംഭവമാണ്‌ കരിപ്പൂരില്‍ അരങ്ങേറിയത്‌. ഇതിന്‌ സമാനമായ ഒരു സംഭവം ഇന്ത്യയില്‍ മറ്റൊരിടത്തും ഇതിനുമുമ്പ്‌ ഉണ്ടായിട്ടില്ല. വിമാനത്താവളം സംരക്ഷിക്കേണ്ട സുരക്ഷാസേനയും ദൈനംദിന കൃത്യനിര്‍വ്വഹണം നടത്തേണ്ട സ്റ്റാഫും ചേരിതിരിഞ്ഞ്‌ അക്രമവും വെടിവെപ്പും നടത്തുകയും ഒരു ജവാന്‍ കൊല്ലപ്പെടുകയും ചെയ്‌തത്‌ ഞെട്ടിക്കുന്ന സംഭവമാണ്‌. തൊട്ടു മുകളില്‍ കറങ്ങി ഇറങ്ങാനെത്തിയ വിമാനങ്ങള്‍ക്ക്‌ വിമാനത്താവളം കലാപഭൂമിയായതിനെത്തുടര്‍ന്ന്‌ രക്ഷാര്‍ത്ഥം നെടുമ്പാശ്ശേരിയില്‍ ഇറങ്ങേണ്ടിവന്നു. പത്തുമണിക്കൂര്‍ വിമാനത്താവളം അടച്ചുപൂട്ടാനുമിടയായി.
ഇത്രയധികം സംഭവങ്ങള്‍ക്ക്‌ വഴിതെളിച്ചിട്ടും പ്രശ്‌നപരിഹാരത്തിന്‌ അടിയന്തരമായി ഇടപെടാന്‍ സംസ്ഥാന ഭരണത്തിന്‌ കഴിഞ്ഞില്ല എന്നത്‌ ഗുരുതരമായ വീഴ്‌ചയും പിടിപ്പുകേടുമാണ്‌. ഒരു ക്രൈസിസ്‌ മാനേജ്‌മെന്റ്‌ സര്‍ക്കാരിനില്ല. ക്രിമിനല്‍ നടപടി ചട്ടം അനുസരിച്ച്‌ പ്രശ്‌നത്തില്‍ ഇടപെടാനും ജില്ലാ കളക്‌ടര്‍ക്ക്‌ വിമാനത്താവളത്തിന്റെ ക്രമസമാധാനച്ചുമതല ഏറ്റെടുക്കാനും നിയമപരമായി കഴിയുമായിരുന്നു. അത്‌ ചെയ്‌തില്ല. വന്‍ നാശനഷ്‌ടമാണ്‌ വിമാനത്താവളത്തില്‍ ഉണ്ടായിരിക്കുന്നത്‌. എയര്‍ ട്രാഫിക്‌ കണ്‍ട്രോള്‍ യൂണിറ്റിലെ ചില്ലുവാതിലുകള്‍ മാത്രമല്ല, ഉപകരണങ്ങളും തകര്‍ക്കപ്പെട്ടു. വിമാനത്താവള വെടിവെപ്പിനെപ്പറ്റി കേന്ദ്ര ആഭ്യന്തരമന്ത്രി രാജ്‌നാഥ്‌ സിംഗ്‌ പ്രതികരിച്ചെങ്കിലും സംഭവത്തിന്റെ ഗൗരവം ഉള്‍ക്കൊണ്ടതായി കാണുന്നില്ല. ഗുരുതരമായ സുരക്ഷാ വീഴ്‌ച മാത്രമല്ല, സംഭവിക്കാന്‍ പാടില്ലാത്ത ക്രമസമാധാനലംഘനവും ഉണ്ടായിരിക്കുന്നു. കുറെക്കാലമായി അര്‍ദ്ധ സൈനിക വിഭാഗവും എയര്‍പോര്‍ട്ട്‌ ജീവനക്കാരും തമ്മില്‍ നിലനിന്നിരുന്ന തര്‍ക്കത്തിന്റെയും സ്‌പര്‍ദ്ധയുടെയും സംഘര്‍ഷത്തിന്റെയും അനന്തരഫലമാണ്‌ ഒരു ജവാന്‍ കൊല്ലപ്പെടുന്നതടക്കമുള്ള വന്‍ അനിഷ്‌ടസംഭവങ്ങള്‍ക്ക്‌ കാരണമായത്‌. മാസങ്ങളായി നിലനിന്നിരുന്ന ഈ പ്രശ്‌നത്തില്‍ ഇടപെടാന്‍ സര്‍ക്കാരുകള്‍ക്ക്‌ കഴിഞ്ഞില്ല. കരിപ്പൂര്‍ വിമാനത്താവള വെടിവെപ്പിനെയും അനുബന്ധ സംഭവങ്ങളെയും പറ്റി ഉന്നതല സമഗ്രാന്വേഷണം വേണം. എത്രയും വേഗം പ്രശ്‌നങ്ങള്‍ക്ക്‌ പരിഹാരം കാണാനും ഇത്തരം സംഭവങ്ങള്‍ ആവര്‍ത്തിക്കില്ല എന്ന്‌ ഉറപ്പുവരുത്താനും കേന്ദ്ര-സംസ്ഥാന സര്‍ക്കാരുകള്‍ അടിയന്തര നടപടി സ്വീകരിക്കണം. ളോട്‌ കോടിയേരി ബാലകൃഷ്‌ണന്‍ പ്രസ്‌താവനയില്‍ ആവശ്യപ്പെട്ടു.
തിരുവനന്തപുരം
11.06.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌