- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ജില്ലാ സഹകരണ ബാങ്കുകളുടെ ഭരണം ജനാധിപത്യവിരുദ്ധമായി പിടിച്ചെടുക്കാനുള്ള യു.ഡി.എഫ്‌ സര്‍ക്കാരിന്റെ നീക്കത്തിനെതിര സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന
തിരുവനന്തപുരം
03.12.2012
ജില്ലാ സഹകരണ ബാങ്കുകളുടെ ഭരണം ജനാധിപത്യവിരുദ്ധമായി പിടിച്ചെടുക്കാനുള്ള യു.ഡി.എഫ്‌ സര്‍ക്കാരിന്റെ നീക്കത്തിനെതിരായി നടക്കുന്ന പ്രക്ഷോഭം വിജയിപ്പിക്കണമെന്ന്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ അഭ്യര്‍ത്ഥിച്ചു.
കേരളത്തിന്റെ വികസനത്തിന്‌ വലിയ സംഭാവന ചെയ്‌ത മേഖലയാണ്‌ സഹകരണമേഖല. ഗ്രാമീണ മേഖലയെ ഹുണ്ടികക്കാരുടെ കഴുത്തറുപ്പന്‍ പലിശയില്‍നിന്ന്‌ മോചിപ്പിച്ച്‌ സാധാരണക്കാര്‍ക്ക്‌ അത്താണിയായി മാറിയത്‌ ഈ മേഖലയാണ്‌. ഇന്ന്‌ ജീവിതത്തിന്റെ സമസ്‌ത മേഖലകളിലും ജനക്ഷേമകരമായ പ്രവര്‍ത്തനങ്ങള്‍ക്ക്‌ നേതൃത്വം നല്‍കുന്ന സഹകരണ പ്രസ്ഥാനത്തെ ആഗോളവല്‍ക്കരണനയങ്ങളുടെ ഭാഗമായി തകര്‍ക്കുന്നതിനാണ്‌ കേന്ദ്ര-സംസ്ഥാന സര്‍ക്കാരുകള്‍ തയ്യാറാകുന്നത്‌. ഇതിന്റെ ഭാഗമായി ഭരണഘടനാ ഭേദഗതി ഉള്‍പ്പെടെയുള്ള പദ്ധതികള്‍ ധനമൂലധന ശക്തികളുടെ താല്‍പര്യത്തിനുവേണ്ടി കേന്ദ്ര-സംസ്ഥാന സര്‍ക്കാരുകള്‍ നടപ്പിലാക്കുകയാണ്‌. ഇത്തരം പദ്ധതികളുടെ തുടര്‍ച്ചയായാണ്‌ ഈ ജനാധിപത്യ കശാപ്പ്‌ കേരളത്തിലെ സഹകരണമേഖലയിലും കൊണ്ടുവരുന്നത്‌.
ഇതിന്റെ ഏറ്റവും പ്രധാനപ്പെട്ട ഉദാഹരണമാണ്‌ ജില്ലാ സഹകരണബാങ്കുകളുടെ ജനറല്‍ബോഡി വിളിച്ചുചേര്‍ത്ത്‌ ബൈലോ ഭേദഗതി ചെയ്യാനുള്ള യു.ഡി.എഫ്‌ സര്‍ക്കാരിന്റെ നീക്കം. ഇതിന്റെ ഭാഗമായി ഡിസംബര്‍ 7-ന്‌ മുമ്പായി എല്ലാ ജില്ലാ ബാങ്കുകളുടെയും ജനറല്‍ബോഡി യോഗങ്ങള്‍ ചേരുവാനും ബൈലോ ഭേദഗതി അംഗീകരിക്കുവാനും തീരുമാനിച്ച്‌ ജോയിന്റ്‌ രജിസ്‌ട്രാര്‍മാര്‍ അറിയിപ്പ്‌ കൊടുത്തിരിക്കുകയാണ്‌. യു.ഡി.എഫിന്റെ കടലാസ്‌ സംഘങ്ങള്‍ക്കും മറ്റു സംഘങ്ങള്‍ക്കും അംഗത്വം നല്‍കി ജനറല്‍ബോഡിയില്‍ ബൈലോ ഭേദഗതി പാസ്സാക്കി ജില്ലാ ബാങ്കുകള്‍ പിടിച്ചെടുക്കാനാണ്‌ യു.ഡി.എഫിന്റെ ശ്രമം. കഴിഞ്ഞ ദിവസം തൃശൂരില്‍ വച്ചുചേര്‍ന്ന ജോയിന്റ്‌ രജിസ്‌ട്രാര്‍മാരുടെ യോഗത്തില്‍, പോലീസിനെ ഉപയോഗിച്ചുകൊണ്ടും മറ്റ്‌ എല്ലാ നടപടികള്‍ സ്വീകരിച്ചുകൊണ്ടും ജനറല്‍ബോഡി വിളിച്ചുചേര്‍ത്ത്‌ ബൈലോ ഭേദഗതി പാസ്സാക്കണമെന്നും, അതിന്‌ ഏതറ്റംവരെയും പോകാനുമുള്ള നിര്‍ദ്ദേശവും നല്‍കിയിരിക്കുകയാണ്‌.
കേരളത്തിന്റെ സഹകരണമേഖലയെ തകര്‍ക്കുന്ന ഈ ജനാധിപത്യ കശാപ്പിനെതിരായി ഡിസംബര്‍ 5-ന്‌ തിരുവനന്തപുരത്ത്‌ സഹകരണ രജിസ്‌ട്രാര്‍ ഓഫീസിനു മുന്നിലും മറ്റു ജില്ലകളില്‍ ജോയിന്റ്‌ രജിസ്‌ട്രാര്‍ ഓഫീസുകള്‍ക്കു മുന്നിലും സഹകാരികളുടെ സത്യാഗ്രഹസമരം നടക്കുകയാണ്‌. ജനങ്ങളുടെ പ്രസ്ഥാനമായി മുന്നോട്ട്‌ പോകുന്ന സഹകരണമേഖലയെ സംരക്ഷിക്കാനുള്ള ഈ സമരവുമായി നാടിനെ സ്‌നേഹിക്കുന്ന മുഴുവന്‍ ബഹുജനങ്ങളും ഐക്യപ്പെടണമെന്ന്‌ സംസ്ഥാന സെക്രട്ടേറിയറ്റ്‌ അഭ്യര്‍ത്ഥിച്ചു.
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌