- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രേട്ടറിയറ്റ്‌ പുറപ്പെടുവിക്കുന്ന പ്രസ്‌താവന-15.06.2015
റബ്ബര്‍ വിലയിടിവിനെതിരെയും റബ്ബര്‍ കൃഷിയുടെ സബ്‌സിഡിയില്‍ നിന്ന്‌ കേരളത്തിലെ കര്‍ഷകരെ ഒഴിവാക്കിയ നടപടിയിലും പ്രതിഷേധിച്ചുകൊണ്ട്‌ ജില്ലാകളക്‌ട്രേറ്റുകള്‍ക്ക്‌ മുമ്പില്‍ ജൂണ്‍ 18-ാം തീയതി ധര്‍ണ്ണ സംഘടിപ്പിക്കും.
യു.ഡി.എഫ്‌ സര്‍ക്കാര്‍ അധികാരമേല്‍ക്കുമ്പോള്‍ റബ്ബറിന്റെ വില കിലോവിന്‌ 250-ഓളം രൂപയായിരുന്നു. ഇന്ന്‌ 120 രൂപ മാത്രമാണ്‌ ലഭിക്കുന്നത്‌. ഇതിന്റെ അടിസ്ഥാനത്തില്‍ കൃഷി മുന്നോട്ട്‌ കൊണ്ടുപോവാന്‍ കര്‍ഷര്‍ക്ക്‌ കഴിയാത്ത സ്ഥിതിയാണ്‌ ഉള്ളത്‌. ടാപ്പിംഗ്‌ തൊഴിലാളികള്‍ പലരും തൊഴില്‍രഹിതരായി മാറിക്കഴിഞ്ഞിരിക്കുന്നു. റബ്ബര്‍ മേഖലയിലെ സാമ്പത്തിക ക്രയവിക്രയങ്ങള്‍ തടസപ്പെട്ടിരിക്കുകയാണ്‌.
ആസിയാന്‍ കരാര്‍ ഒപ്പിട്ട ഘട്ടത്തില്‍ തന്നെ റബ്ബര്‍ ഇറക്കുമതി യഥേഷ്‌ടം നടക്കുമെന്നും അത്‌ റബ്ബര്‍ മേഖലയെ പ്രതിസന്ധിയിലാക്കുമെന്നും സി.പി.ഐ (എം) വ്യക്തമാക്കിയിരുന്നു. അതിനാല്‍ തന്നെ കേരളത്തിലെ ആബാല വൃദ്ധം ജനങ്ങളെ സംഘടിപ്പിച്ചുകൊണ്ട്‌ തിരുവനന്തപുരത്ത്‌ നിന്നും കാസര്‍ഗോഡ്‌ വരെ മനുഷ്യചങ്ങല സൃഷ്‌ടിച്ചു കൊണ്ട്‌ വന്‍പ്രതിഷേധം ഉയര്‍ത്തിക്കൊണ്ട്‌ വന്നിരുന്നു. കേരളത്തെ ഇതൊന്നും ബാധിക്കില്ലെന്നായിരുന്നു അന്ന്‌ യു.ഡി.എഫിന്റെ ന്യായവാദങ്ങള്‍. അത്തരം ന്യായവാദങ്ങള്‍ നിരത്തിയവര്‍ക്ക്‌ ഇപ്പോള്‍ മിണ്ടാട്ടമില്ലാതായിരിക്കുന്നു. റബ്ബര്‍ വിലയിടിവ്‌ തടയുന്നതിന്‌ വിവിധ നടപടികള്‍ സ്വീകരിക്കുമെന്ന പ്രഖ്യാപനങ്ങള്‍ നടത്തുകയല്ലാതെ ക്രിയാത്മകമായ യാതൊരു നീക്കവും സംസ്സഥാന സര്‍ക്കാരിന്റെ ഭാഗത്ത്‌ നിന്നും ഉണ്ടായിട്ടില്ല. റബ്ബര്‍ ഇറക്കുമതി അടിയന്തരമായി അവസാനിപ്പിക്കുന്നതിനും ന്യായവിലയ്‌ക്ക്‌ റബ്ബര്‍ സംഭരിക്കുന്നതിനും കേന്ദ്ര-സംസ്ഥാന സര്‍ക്കാരുകള്‍ തയ്യാറാവേണ്ടതുണ്ട്‌.
ഇന്ത്യയിലെ റബ്ബര്‍ ഉല്‍പാദനത്തിന്റെ 90 ശതമാനവും കേരളത്തിന്റെ വകയാണ്‌. എന്നിട്ടും റബ്ബര്‍ കൃഷിക്ക്‌ നല്‍കേണ്ട സബ്‌സിഡിയില്‍ നിന്ന്‌ കേരളത്തെ മാറ്റി നിര്‍ത്തുന്നതിനുള്ള തീരുമാനവും കേന്ദ്രസര്‍ക്കാര്‍ എടുത്തിരിക്കുകയാണ്‌. ഇത്‌ ഭാവിയിലെ റബ്ബര്‍ ഉല്‍പാദനത്തെ തന്നെ ബാധിക്കാന്‍ പോവുകയാണ്‌. പ്രായമായ റബ്ബര്‍ മരം വെട്ടിമാറ്റി പുതിയ ഇനങ്ങള്‍ കൃഷി ചെയ്യണമെന്ന്‌ റബ്ബര്‍ ബോര്‍ഡ്‌ പ്രചരണം നടത്തിക്കൊണ്ടിരിക്കുന്ന ഘട്ടത്തിലാണ്‌ ഇത്തരമൊരു നയം സ്വീകരിച്ചിട്ടുള്ളത്‌. കേരളത്തിന്റെ റബ്ബര്‍ ഉല്‍പാദനത്തെ തന്നെ ദുര്‍ബലപ്പെടുത്തുന്ന ഇത്തരം നടപടി അടിയന്തരമായും തിരുത്താന്‍ കേന്ദ്രസര്‍ക്കാര്‍ തയ്യാറാവേണ്ടതുണ്ട്‌.
തിരുവനന്തപുരം ജില്ല ഒഴിച്ചുള്ള മറ്റ്‌ ജില്ലകളിലാണ്‌ ഈ പ്രക്ഷോഭം നടക്കുക. പ്രക്ഷോഭത്തില്‍ നാടിനെ സ്‌നേഹിക്കുന്ന മുഴുവന്‍ ജനവിഭാഗങ്ങളും അണിചേരണമെന്ന്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ അഭ്യര്‍ത്ഥിക്കുന്നു.
തിരുവനന്തപുരം
15.06.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌