- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-16.06.2015
പാഠപുസ്‌തകത്തിന്റെ അച്ചടി സ്വകാര്യപ്രസിന്‌ നല്‍കിയതുമായി ബന്ധപ്പെട്ട്‌ ഉയര്‍ന്നുവന്നിട്ടുള്ള അഴിമതിയെ സംബന്ധിച്ച്‌ സമഗ്രമായ അന്വേഷണം നടത്തണം. കുട്ടികള്‍ക്ക്‌ പാഠപുസ്‌തകം എത്തിക്കാനുള്ള അടിയന്തരനടപടി സ്വീകരിക്കണം.
60 ലക്ഷം പാഠപുസ്‌തകങ്ങളുടെ അച്ചടിയാണ്‌ മൂന്ന്‌ സര്‍ക്കാര്‍ പ്രസുകളെ നേരത്തെ ഏല്‍പിച്ചത്‌. എന്നാല്‍ അച്ചടിക്ക്‌ ആവശ്യമായ സാമഗ്രികള്‍ എത്തിക്കുന്നതിനുള്ള അടിയന്തര നടപടികള്‍ സര്‍ക്കാരിന്റെ ഭാഗത്ത്‌ നിന്നും സ്വീകരിച്ചതുമില്ല. സ്വകാര്യപ്രസുകള്‍ക്ക്‌ ഈ ടെന്‍ഡര്‍ നല്‍കുന്നതിനായി അച്ചടി നിര്‍ത്തിവെപ്പിക്കുന്ന സ്ഥിതിയും ഉണ്ടായി. എന്നിട്ടും 11 ലക്ഷം പുസ്‌തകങ്ങള്‍ സര്‍ക്കാര്‍ പ്രസുകളില്‍ നിന്ന്‌ അച്ചടിക്കുകയുണ്ടായി. സര്‍ക്കാര്‍ തലത്തില്‍ ഇത്തരമൊരു സാഹചര്യം സൃഷ്‌ടിച്ചത്‌ സ്വകാര്യ പ്രസുകാര്‍ക്ക്‌ കമ്മീഷന്‍ വാങ്ങി ടെന്‍ഡര്‍ നല്‍കുന്നതിന്‌ വേണ്ടിയാണെന്ന്‌ സര്‍ക്കാരിന്റെ ഇപ്പോഴത്തെ നടപടികളിലൂടെ വ്യക്തമായിരിക്കുകയാണ്‌.
സംസ്ഥാനത്ത്‌ പാഠപുസ്‌തക അച്ചടി ഏറ്റെടുത്തിരുന്ന കെ.ബി.പി.എസില്‍ അച്ചടിക്കാന്‍ ചെലവാകുന്നതിനേക്കാള്‍ ആറിരട്ടി ഉയര്‍ന്ന തുകയ്‌ക്കാണ്‌ കര്‍ണ്ണാടകത്തിലെ മണിപ്പാല്‍ പ്രസിന്‌ ഇപ്പോള്‍ അച്ചടി കരാര്‍ നല്‍കിയിരിക്കുന്നത്‌. നേരത്തെ നല്‍കിയ കരാര്‍ പ്രകാരം ഒരു പുസ്‌തകം അച്ചടിക്കാന്‍ രണ്ടര രൂപ മുതല്‍ മൂന്ന്‌ രൂപവരെയാണ്‌ കെ.ബി.പി.എസിന്‌ നല്‍കിയിരുന്നത്‌. എന്നാല്‍ പുതിയ നിരക്ക്‌ പ്രകാരം ഒന്‍പതര രൂപ മുതല്‍ 17.50 രൂപവരെയാണ്‌ സ്വകാര്യപ്രസിന്‌ നല്‍കേണ്ടി വരുന്നത്‌. ഇതിലൂടെ ഏകദേശം നാലര കോടി രൂപയാണ്‌ സര്‍ക്കാര്‍ ഖജനാവില്‍ നിന്ന്‌ അധികമായി ചെലവഴിക്കേണ്ടി വരിക.
സ്വകാര്യപ്രസുകള്‍ക്കായുള്ള ടെന്‍ഡര്‍ നടപടികളും സുതാര്യതമല്ലെന്ന ആരോപണവും ഉയര്‍ന്നുവന്നിട്ടുണ്ട്‌. അതിന്റെ ഫലമായി ഈ ടെന്‍ഡറില്‍ കുറഞ്ഞ തുക രേഖപ്പെടുത്തിയിട്ടും തഴയപ്പെട്ട അച്ചടി സ്ഥാപനം ഹൈക്കോടതിയെ സമീപിച്ചിരിക്കുകയാണ്‌. ഹൈക്കോടതി സര്‍ക്കാരിനോട്‌ വിശദീകരണവും ആവശ്യപ്പെട്ട്‌ കഴിഞ്ഞു. അഴിമതി കാണിക്കാന്‍ വേണ്ടി സര്‍ക്കാര്‍ നടത്തിയ ഇടപെടല്‍ പാഠപുസ്‌തകങ്ങളുടെ അച്ചടി തന്നെ നടക്കാത്ത സാഹചര്യം കേരളത്തില്‍ സൃഷ്‌ടിക്കുകയാണ്‌. ഇന്നത്തെ സ്ഥിതിയില്‍ അടുത്ത കാലത്തൊന്നും പാഠപുസ്‌തകം ലഭിക്കുന്ന നില ഉണ്ടാകാന്‍ പോകുന്നില്ല. നേരത്തെ പ്ലസ്‌ വണ്‍, പ്ലസ്‌ടു പാഠപുസ്‌തക അച്ചടി 20 കോടി രൂപയ്‌ക്ക്‌ നല്‍കിയതിലും അഴിമതി ഉണ്ടെന്ന ആക്ഷേപവും ഉയര്‍ന്ന്‌ വന്നിട്ടുണ്ട്‌.
പാഠപുസ്‌തകമില്ലാതെ വിദ്യാര്‍ത്ഥികള്‍ പാഠങ്ങളുടെ ഫോട്ടോസ്റ്റാറ്റ്‌ എടുത്ത്‌ പഠിക്കേണ്ട അവസ്ഥയാണ്‌ പൊതുവിദ്യാഭ്യാസ സ്ഥാപനങ്ങളില്‍ ഈ വര്‍ഷം നിലനില്‍ക്കുന്നത്‌. എസ്‌.എസ്‌.എല്‍.സി പരീക്ഷാഫലം അട്ടിമറിച്ചുകൊണ്ട്‌ പൊതുവിദ്യാഭ്യാസത്തെ തകര്‍ക്കുന്നതിന്‌ സാഹചര്യം സൃഷ്‌ടിച്ച സര്‍ക്കാര്‍ പാഠപുസ്‌തക കാര്യത്തിലും ഇത്‌ ആവര്‍ത്തിക്കുകയാണ്‌. പൊതുവിദ്യാഭ്യാസരംഗത്ത്‌ സര്‍ക്കാര്‍ കാണിക്കുന്ന അലംഭാവത്തിന്റെ മറ്റൊരു ഉദാഹരണമാണ്‌ ഈ നടപടികള്‍.
തിരുവനന്തപുരം
16.06.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌