- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-19.06.2015
സോളാര്‍ തട്ടിപ്പുകേസ്‌ അട്ടിമറിക്കാന്‍ ഇടപെട്ട മുഖ്യമന്ത്രി ഉമ്മന്‍ചാണ്ടിയെ പ്രതിയാക്കി ക്രിമിനല്‍ കേസ്‌ എടുക്കണം.
കുറ്റവാളികളുമായുള്ള കേവല ചങ്ങാത്തമല്ല, അതിനപ്പുറമുള്ള ബന്ധം മുഖ്യമന്ത്രിക്ക്‌ സോളാര്‍ തട്ടിപ്പുകേസില്‍ ഉണ്ടെന്നാണ്‌ പുതിയ വെളിപ്പെടുത്തലുകള്‍ ബോധ്യപ്പെടുത്തുന്നത്‌. ഒരു മന്ത്രിസഭ കാരണം കേരളത്തിന്റെ ശിരസ്സ്‌ അപമാനം കൊണ്ട്‌ താഴുന്ന ദുരവസ്ഥയാണ്‌ മുഖ്യമന്ത്രിയുടെ പങ്കാളിത്തത്തെപ്പറ്റിയുള്ള വെളിപ്പെടുത്തലുകളിലൂടെ സംജാതമായിരിക്കുന്നത്‌. സോളാര്‍ തട്ടിപ്പുകേസിലെ വാദികളെ പിന്മാറ്റാനും കേസ്‌ ഒത്തുതീര്‍ക്കാനും രഹസ്യങ്ങള്‍ പുറത്തുവിടാതിരിക്കാനും സരിതയ്‌ക്ക്‌ മുഖ്യമന്ത്രി പതിവായി വന്‍ തുക കൈമാറുന്നു എന്നാണ്‌ സരിതയുടെ മുന്‍ അഭിഭാഷകന്‍ ഫെനി ബാലകൃഷ്‌ണനെ ഒളിക്യാമറയില്‍ കുടുക്കി ടി.വി ചാനല്‍ പുറത്തുവന്നുകൊണ്ടിരിക്കുന്ന വിവരം. ഇതിലൂടെ മുഖ്യമന്ത്രിയുടെ തനിനിറം നാട്‌ അറിയുകയാണ്‌. കെ.പി.സി.സി വൈസ്‌ പ്രസിഡന്റ്‌ തമ്പാനൂര്‍ രവിയാണ്‌ മുഖ്യമന്ത്രിക്കുവേണ്ടി സരിതയ്‌ക്ക്‌ പണം എത്തിക്കുന്നതെന്നും, സരിത ജയിലില്‍ കിടന്നപ്പോള്‍ തനിക്കാണ്‌ പണം എത്തിച്ചതെന്നും ഫെനി വെളിപ്പെടുത്തിയിട്ടുണ്ട്‌. ഇതിന്റെ അടിസ്ഥാനത്തില്‍ തമ്പാനൂര്‍ രവിയെയും കേസില്‍ പ്രതിചേര്‍ത്ത്‌ അന്വേഷണം നടത്തണം. ക്രിമിനല്‍ നടപടി നിയമം, അഴിമതി നിരോധന നിയമം എന്നിവയുടെ അടിസ്ഥാനത്തിലാവണം മുഖ്യമന്ത്രിയെ പ്രതിചേര്‍ക്കേണ്ടത്‌. മന്ത്രിമാരായ ആര്യാടന്‍ മുഹമ്മദ്‌, അടൂര്‍ പ്രകാശ്‌, മുന്‍ കേന്ദ്രമന്ത്രി കെ.സി. വേണുഗോപാല്‍, എം.എല്‍.എമാരായ ബെന്നി ബെഹന്നാന്‍, അബ്‌ദുള്ളക്കുട്ടി എന്നിവരും സരിതയ്‌ക്ക്‌ പണം നല്‍കി എന്നാണ്‌ പുറത്തായിരിക്കുന്ന വിവരം. ഇതിന്റെ അടിസ്ഥാനത്തില്‍ ഇവര്‍ക്കെതിരെയും അന്വേഷണം വേണം.
പത്തനംതിട്ട മജിസ്‌ട്രേറ്റ്‌ കോടതി സോളാര്‍ തട്ടിപ്പുകേസില്‍ സരിതയെയും ബിജു രാധാകൃഷ്‌ണനെയും ശിക്ഷിച്ചത്‌ സര്‍ക്കാര്‍ നിലപാടുകൊണ്ടാണെന്ന മുഖ്യമന്ത്രിയുടെ പ്രതികരണം അപഹാസ്യമാണ്‌. ഒന്നേകാല്‍ കോടി രൂപയുടെ തട്ടിപ്പിനിരയായ ബാബുരാജ്‌ മുഖ്യമന്ത്രിയേയും അന്നത്തെ ആഭ്യന്തരമന്ത്രി തിരുവഞ്ചൂര്‍ രാധാകൃഷ്‌ണനെയും കണ്ട്‌ പരാതി പറഞ്ഞെങ്കിലും കേസ്‌ എടുക്കാന്‍ തയ്യാറായില്ല. അവസാനം കോടതിയില്‍ സ്വകാര്യ അന്യായം നല്‍കുകയും കോടതിയുടെ നിര്‍ദ്ദേശപ്രകാരം കേസ്‌ എടുക്കുകയുമായിരുന്നു. തട്ടിപ്പുകേസുകള്‍ പലതും ഒത്തുതീര്‍പ്പാക്കിയതിനു പിന്നിലെ പണസ്രോതസ്സ്‌ ഏതെന്ന്‌ ഹൈക്കോടതി ആരാഞ്ഞിരുന്നു. മുഖ്യസ്രോതസ്സ്‌ മുഖ്യമന്ത്രി ഉമ്മന്‍ചാണ്ടിയാണെന്ന്‌ തെളിഞ്ഞിരിക്കുകയാണ്‌. സരിതയും ബിജു രാധാകൃഷ്‌ണനും നടത്തിയ തട്ടിപ്പുകേസുകള്‍ ഒത്തുതീര്‍ക്കാനും അട്ടിമറിക്കാനും നടന്ന ഗൂഢാലോചനയെപ്പറ്റിയും അന്വേഷണം വേണം. ഇത്തരം കാര്യങ്ങളില്‍ മുഖ്യമന്ത്രിയുടെയും മന്ത്രിമാര്‍ ഉള്‍പ്പെടെയുള്ളവരുടെയും പങ്ക്‌ സമഗ്രമായ നിയമപരിശോധനയ്‌ക്ക്‌ വിധേയമാക്കണം. കോടതിയുടെ മേല്‍നോട്ടത്തില്‍ സ്വതന്ത്രമായ അന്വേഷണമാണ്‌ ആവശ്യം. ഇത്രയൊക്കെയായിട്ടും മുഖ്യമന്ത്രിസ്ഥാനം രാജിവയ്‌ക്കാതെ അധികാരത്തില്‍ കടിച്ചുതൂങ്ങുന്നത്‌ അപമാനകരമാണ്‌. സോളാര്‍ കേസ്‌ അന്വേഷിക്കുന്ന ജുഡീഷ്യല്‍ കമ്മീഷന്റെ പ്രവര്‍ത്തനം സ്വതന്ത്രമായി മുന്നോട്ടുപോകാനും ഉമ്മന്‍ചാണ്ടിയുടെ രാജി അനിവാര്യമാണ്.
തിരുവനന്തപുരം
19.06.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌