- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രേട്ടറിയറ്റ്‌ പുറപ്പെടുവിക്കുന്ന പ്രസ്‌താവന -16.07.2015
വെളിച്ചെണ്ണ ഇറക്കുമതിയിലൂടെ നാളികേര കൃഷിക്കാരുടെ നട്ടെല്ല്‌ ഒടിക്കുന്ന കേന്ദ്ര സര്‍ക്കാര്‍ നയം അടിയന്തരമായി തിരുത്തണമെന്നും ഇക്കാര്യത്തില്‍ സംസ്ഥാന സര്‍ക്കാര്‍ കാണിക്കുന്ന അനാസ്ഥ അവസാനിപ്പിക്കണം.
കേരളത്തിന്റെ കാര്‍ഷികമേഖലയിലെ പ്രധാനപ്പെട്ട ഉല്‍പന്നങ്ങളില്‍ ഒന്നാണ്‌ നാളികേരം. മൂന്ന്‌ മാസം മുമ്പ്‌ ഒരു നാളികേരത്തിന്‌ ലഭിച്ചതിന്റെ പകുതി വില മാത്രമാണ്‌ ഇന്ന്‌ കര്‍ഷകര്‍ക്ക്‌ ലഭിക്കുന്നത്‌. ഇത്തരമൊരു സ്ഥിതിവിശേഷം സൃഷ്‌ടിച്ചത്‌ സ്റ്റേറ്റ്‌ ട്രേഡിങ്‌ കോര്‍പ്പറേഷന്‍ വഴി 2000 ടണ്‍ വെളിച്ചെണ്ണ ഇറക്കുമതി ചെയ്യാനുള്ള കേന്ദ്രസര്‍ക്കാന്‍ നടപടിയാണ്‌.
കാര്‍ഷികമേഖലയിലെ എല്ലാവിധ സബ്‌സിഡികളും വെട്ടിക്കുറച്ചുകൊണ്ട്‌ കാര്‍ഷിക ചെലവ്‌ ഉയര്‍ത്തുന്ന നയം കേന്ദ്രസര്‍ക്കാര്‍ നടപ്പിലാക്കുകയാണ്‌. ഇതിന്റെ ഫലമായി കാര്‍ഷിക ചെലവ്‌ വര്‍ദ്ധിച്ചതിന്‌ പുറമെ വിലക്കയറ്റവും കര്‍ഷകരുടെ ജീവിതം ദുരിതപൂര്‍ണ്ണമാക്കിയിരിക്കുന്നു. ഈ ഘട്ടത്തിലാണ്‌ നാളികേര കര്‍ഷകന്‌ കൂനിന്മേല്‍ കുരു എന്ന പോലെയുള്ള സര്‍ക്കാരിന്റെ തീരുമാനം വന്നിരിക്കുന്നത്‌. കര്‍ഷകരുടെ താല്‍പര്യത്തേക്കാള്‍ കോര്‍പ്പറേറ്റ്‌ കമ്പനികളുടെ താല്‍പര്യങ്ങള്‍ക്കാണ്‌ സര്‍ക്കാര്‍ പ്രാധാന്യം നല്‍കുന്നതെന്ന്‌ ഈ നടപടിയിലൂടെ കേന്ദ്രസര്‍ക്കാര്‍ ഒരിക്കല്‍ കൂടി വ്യക്തമാക്കിയിരിക്കുകയാണ്‌. നാളികേരത്തിന്‌ വില കുറയുമ്പോള്‍ സോപ്പിനോ, റബ്ബറിന്‌ വില കുറയുമ്പോള്‍ റബ്ബര്‍ ഉല്‍പന്നങ്ങള്‍ക്കോ വില കുറയുന്നില്ല എന്നതും ഇതിലേക്കാണ്‌ വിരല്‍ ചൂണ്ടുന്നത്‌.
നാളികേരത്തെ ആശ്രയിച്ച്‌ ജീവിക്കുന്ന 30 ലക്ഷത്തോളം വരുന്നവരുടെ ജീവിതമാണ്‌ ഈ നടപടിയിലൂടെ ദുരന്തത്തിലേക്ക്‌ നീങ്ങുന്നത്‌. ഈ വിലയിടിവ്‌ തുടര്‍ന്നാല്‍ ഒരു വര്‍ഷം 4000 കോടി രൂപയുടെ നഷ്‌ടം നാളികേര കര്‍ഷകര്‍ക്ക്‌ ഉണ്ടാകും. കേന്ദ്രസര്‍ക്കാരിന്റെ ഇറക്കുമതി നയത്തിലൂടെ റബ്ബറിന്റെ വില കിലോവിന്‌ 248 രൂപ എന്നതില്‍ നിന്ന്‌ 125 ഓളം രൂപയായി ഇപ്പോള്‍ മാറിയിരിക്കുകയാണ്‌. അതിനുപുറമെയാണ്‌ നാളികേരത്തിന്റെ വിലയും പകുതിയോളമായി കുറഞ്ഞിരിക്കുന്നത്‌. ഇത്‌ സംസ്ഥാനത്തിന്റെ സമ്പദ്‌ഘടനയ്‌ക്ക്‌ കനത്ത ആഘാതം സൃഷ്‌ടിക്കും.
കേരളത്തിന്റെ സമ്പദ്‌ഘടനയെ ഗുരുതരമായി ബാധിക്കുന്ന ഇത്തരം പ്രശ്‌നങ്ങള്‍ക്കെതിരെ ശക്തമായ നിലപാടെടുത്തുകൊണ്ട്‌ ഇടപെടുന്നതിന്‌ സംസ്ഥാന സര്‍ക്കാര്‍ തയ്യാറായിട്ടില്ല. ദുരിതം അനുഭവിക്കുന്ന കേരളത്തിലെ കര്‍ഷകരെ സംരക്ഷിക്കുന്നതിന്‌ സംസ്ഥാന സര്‍ക്കാരിന്റെ സാധ്യതകള്‍ക്കകത്തുനിന്ന്‌ ഇടപെടുന്നതിനുള്ള ശ്രമങ്ങളും ഉണ്ടായിട്ടില്ല. കോണ്‍ഗ്രസും ബി.ജെ.പി ഒരേ സാമ്പത്തിക നയത്തിന്റെ വക്താക്കളാണെന്ന്‌ ഇക്കാര്യം ഒരിക്കല്‍ കൂടി ഓര്‍മ്മപ്പെടുത്തുകയാണ്‌. ബി.ജെ.പിയോടുള്ള മൃദുസമീപനം കാര്‍ഷികമേഖലയിലെ നയങ്ങളിലും സ്വീകരിക്കുകയാണ്‌.
കേരളത്തിലെ കര്‍ഷകരുടെ നട്ടെല്ല്‌ ഒടിക്കുന്ന ഇറക്കുമതി നയത്തിനെതിരെ ശക്തമായ പ്രതിഷേധം ഉയര്‍ന്നുവരേണ്ടതുണ്ട്‌. കേരളത്തിലെ എല്ലാ കര്‍ഷകരേയും കൂട്ടിയോജിപ്പിച്ചുകൊണ്ടുള്ള വമ്പിച്ച പ്രക്ഷോഭം വളര്‍ന്നുവരേണ്ടതുണ്ട്.
തിരുവനന്തപുരം
16.07.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌