- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സിപിഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-28.07.2015
നെല്‍വയല്‍-തണ്ണീര്‍ത്തട സംരക്ഷണ നിയമം അട്ടിമറിക്കാനുള്ള യു.ഡി.എഫിന്റെ നിലപാട്‌ കേരളത്തില്‍ ഗുരുതരമായ സ്ഥിതിവിശേഷം സൃഷ്‌ടിക്കും.
കഴിഞ്ഞ എല്‍.ഡി.എഫ്‌ സര്‍ക്കാരാണ്‌ നെല്‍വയല്‍-നീര്‍ത്തട സംരക്ഷണനിയമം കൊണ്ടുവന്നത്‌. സാര്‍വദേശീയതലത്തില്‍ തന്നെ ചര്‍ച്ച ചെയ്യപ്പെടുകയും ശ്ലാഘിക്കപ്പെടുകയും ചെയ്‌ത നിയമമായിരുന്നു അത്‌. മറ്റ്‌ സംസ്ഥാനങ്ങളും ഇതിന്റെ ചുവടുപിടിച്ച്‌ നിയമങ്ങള്‍ നിര്‍മ്മിക്കുന്നതിനുള്ള ആലോചനയിലേക്ക്‌ നീങ്ങുന്ന ഘട്ടം കൂടിയാണ്‌ ഇത്‌. ഇത്തരമൊരു സാഹചര്യത്തിലാണ്‌ ഈ നിയമം അട്ടിമറിക്കപ്പെടാന്‍ പോകുന്നത്‌.
യു.ഡി.എഫ്‌ കൊണ്ടുവന്ന പുതിയ നിയമപ്രകാരം 2008 വരെ നികത്തിയ വയലുകള്‍ ന്യായവിലയുടെ 25 ശതമാനം സര്‍ക്കാരിന്‌ നല്‍കി പുരയിടമായി പ്രഖ്യാപിക്കാന്‍ സാധിക്കും. നിലം പുരയിടമായി പ്രഖ്യാപിക്കുന്നതിനുള്ള അവകാശം കളക്‌ടര്‍ക്ക്‌ നല്‍കിയിരിക്കുകയാണ്‌. 2008-ല്‍ എല്‍.ഡി.എഫ്‌ കൊണ്ടുവന്ന നിയമപ്രകാരം വയല്‍ നികത്തിയാല്‍ അവ പൂര്‍വ്വസ്ഥിതിയിലാക്കാനും പിഴ ശിക്ഷയ്‌ക്കും വ്യവസ്ഥ ചെയ്യുന്ന നിയമമായിരുന്നു ഉണ്ടായിരുന്നത്‌. അതേ സമയം വീടുവെയ്‌ക്കാന്‍ സ്ഥലമില്ലാത്തവര്‍ക്ക്‌ വീടുവെയ്‌ക്കുന്നതിനുള്ള അവകാശം ഉറപ്പ്‌ വരുത്തുന്നതിനും നിയമത്തില്‍ വ്യവസ്ഥ ഉണ്ടായിരുന്നു.
സംസ്ഥാനത്ത്‌ നെല്‍വയലുകളും തണ്ണീര്‍ത്തടങ്ങളും വന്‍തോതില്‍ നികത്തപ്പെടുന്നത്‌ സംസ്ഥാന താല്‍പര്യങ്ങള്‍ക്ക്‌ എതിരാണെന്നതുകൊണ്ടാണ്‌ എല്‍.ഡി.എഫ്‌ സര്‍ക്കാര്‍ ഇത്തരമൊരു നിയമം കൊണ്ടുവന്നത്‌. തണ്ണീര്‍ത്തടങ്ങളും നെല്‍പാടങ്ങളും മാനവരാശിയുടെ നിലനില്‍പിന്‌ തന്നെ അത്യന്താപേക്ഷിതമാണെന്ന്‌ പൊതുവില്‍ അംഗീകരിക്കപ്പെട്ടിട്ടുണ്ട്‌. നെല്‍വയല്‍ സംരക്ഷിക്കുക എന്നത്‌ കേരളത്തിന്റെ കാര്‍ഷികമേഖലയെ സംരക്ഷിക്കുന്നതിന്റെ ഭാഗമാണ്‌. കുടിവെള്ള സംരക്ഷണത്തിനും പ്രകൃതിയുടെ ആവാസവ്യവസ്ഥയുടെ സംരക്ഷണവും ഉറപ്പ്‌ വരുത്തുന്ന നിയമമാണ്‌ യു.ഡി.എഫ്‌ സര്‍ക്കാര്‍ അട്ടിമറിക്കുന്നത്‌.
റിയല്‍ എസ്റ്റേറ്റ്‌ താല്‍പര്യങ്ങള്‍ക്കായി ഭൂപരിഷ്‌കരണ നിയമങ്ങളില്‍ വെള്ളം ചേര്‍ക്കുകയും സര്‍ക്കാര്‍ ഭൂമി പതിച്ചുകൊടുക്കുകയും ചെയ്യുന്ന യു.ഡി.എഫ്‌ സര്‍ക്കാരിന്റെ നയത്തിന്റെ തുടര്‍ച്ചയായി ഇതിനെയും കാണേണ്ടതുണ്ട്‌. മാത്രമല്ല, എന്തിനും അഴിമതി കാണിക്കുന്ന സര്‍ക്കാര്‍ നിലപാടും ഇതില്‍ ദൃശ്യമാണ്‌. 2008-ന്‌ മുമ്പുള്ള നികത്തല്‍ മാത്രമേ അംഗീകരിക്കുകയുള്ളൂ എന്ന്‌ പറയുന്നുണ്ടെങ്കിലും ഫലത്തില്‍ കേരളത്തിലെ നെല്‍വയലുകളും നീര്‍ത്തടങ്ങളും തന്നെ അപ്രത്യക്ഷമാകുന്ന അവസ്ഥയിലേക്കാണ്‌ ഈ നിയമഭേദഗതി കേരളത്തെ കൊണ്ടുചെന്ന്‌ എത്തിക്കുക.
കേരളത്തിന്റെ കാര്‍ഷികമേഖലയേയും പരിസ്ഥിതിയേയും കുടിവെള്ളത്തേയും തകര്‍ക്കുന്ന ഈ നിയമഭേദഗതിക്കെതിരെ നാടിനെ സ്‌നേഹിക്കുന്ന മുഴുവന്‍ ജനതയും അണിനിരക്കണം.
തിരുവനന്തപുരം
28.07.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌