- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
തൃശൂരിലെ എഫ്‌സിഐ ഗോഡൗണില്‍ സൂക്ഷിച്ചിരുന്ന അരി കത്തിച്ചും കുഴിച്ചുമൂടിയും നശിപ്പിച്ചതിനെക്കുറിച്ച്‌ സമഗ്ര അന്വേഷണം നടത്തണമെന്നാവശ്യപ്പെട്ട്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന
തിരുവനന്തപുരം
09.12.2012
തൃശൂരിലെ മുളങ്കുന്നത്തുകാവ്‌ എഫ്‌സിഐ ഗോഡൗണില്‍ സൂക്ഷിച്ചിരുന്ന 1500 ടണ്‍ അരി കത്തിച്ചും കുഴിച്ചുമൂടിയും നശിപ്പിച്ചതിനെപ്പറ്റി സമഗ്ര അന്വേഷണം നടത്തണമെന്ന്‌ സി.പി.ഐ (എം) സംസ്ഥാന സെക്രട്ടറിയറ്റ്‌ സര്‍ക്കാരിനോട്‌ ആവശ്യപ്പെട്ടു. ഇത്‌ മനഃസാക്ഷിയെ ഞെട്ടിപ്പിക്കുന്ന സംഭവമാണ്‌. എഫ്‌സിഐ ഗോഡൗണുകളില്‍ കെട്ടിക്കിടക്കുന്ന അരി പാവങ്ങള്‍ക്ക്‌ സൗജന്യമായി വിതരണം ചെയ്യണമെന്ന്‌ ജസ്റ്റിസ് അഹമ്മദി ചീഫ്‌ ജസ്റ്റിസ് ആയിരിക്കെ സുപ്രീം കോടതി നിര്‍ദേശിച്ചതാണ്‌. കേരളത്തിലെ ഏറ്റവും വലിയ രണ്ടാമത്തെ ഭക്ഷ്യധാന്യ സംഭരണകേന്ദ്രമായ തൃശൂരിലെ ഗോഡൗണില്‍ ആറുമാസമായി അരി നശിപ്പിക്കുന്നത്‌ പതിവാണ്‌. ഇതിനിടയാക്കിയത്‌ യുഡിഎഫ്‌ സര്‍ക്കാര്‍ പൊതുവിതരണസമ്പ്രദായം തകര്‍ത്തതുകൊണ്ടാണ്‌. റേഷന്‍കടകളിലൂടെയുള്ള അരിവിതരണം നാമമാത്രമായി. മാവേലി സ്റ്റോറുകള്‍ `സ്റ്റോക്കില്ലാ ബോര്‍ഡ്‌'' തൂക്കാനുള്ള കേന്ദ്രങ്ങളാക്കി. ഇതിന്റെയെല്ലാം ഫലമായി അരിക്ക്‌ പൊതുവിപണിയില്‍ കിലോയ്‌ക്ക്‌ 48 രൂപയായി. ഒന്നേമുക്കാല്‍വര്‍ഷംമുമ്പ്‌ നിത്യോപയോഗ സാധനങ്ങള്‍ക്ക്‌ ഉണ്ടായിരുന്ന വിലയുടെ പല മടങ്ങാണ്‌ ഇന്ന്‌. ചെറിയ ഉള്ളി, സവാള, പച്ചക്കറി എന്നിവയ്‌ക്കെല്ലാം തീവിലയാണ്‌.
എല്‍ഡിഎഫ്‌ സര്‍ക്കാര്‍ പൊതുവിതരണസമ്പ്രദായം ശക്തിപ്പെടുത്തിയും രണ്ടുരൂപയ്‌ക്ക്‌ സാധാരണക്കാര്‍ക്ക്‌ അരിവിതരണം ചെയ്‌തും പൊതുവിപണിയില്‍ വില നിയന്ത്രിച്ച്‌ നാടിന്‌ മാതൃകയായെങ്കില്‍ അതിന്‌ നേര്‍വിപരീതമായ ചിത്രമാണ്‌ ഉമ്മന്‍ചാണ്ടി സര്‍ക്കാര്‍ പ്രദാനംചെയ്‌തിരിക്കുന്നത്‌. മുന്‍വര്‍ഷങ്ങളില്‍ മാസം 1650 ലോഡ്‌ അരി തൃശൂരിലെ ഗോഡൗണില്‍നിന്ന്‌ സംസ്ഥാനത്തിന്റെ വിവിധ ഭാഗങ്ങളിലേക്ക്‌ അയയ്‌ക്കുമായിരുന്നെങ്കില്‍ അത്‌ ക്രമേണ കുറഞ്ഞ്‌ 200 മുതല്‍ 300 വരെ ലോഡായി ചുരുങ്ങി. രാജ്യത്ത്‌ പതിനാലായിരത്തിലധികം കര്‍ഷകര്‍ ഒരുവര്‍ഷം ആത്മഹത്യ ചെയ്യുന്നുണ്ട്‌. യുഡിഎഫ്‌ ഭരണകാലത്ത്‌ കേരളവും ഈ പട്ടികയെ പെരുപ്പിക്കുകയാണ്‌. കര്‍ഷകര്‍ മാത്രമല്ല, സാധാരണക്കാരും പട്ടികജാതി കോളനികളില്‍ താമസിക്കുന്നവരുമെല്ലാം പട്ടിണിയും ദുരിതവും നേരിടുകയാണ്‌. അങ്ങനെയുള്ള കേരളത്തിലാണ്‌ എഫ്‌സിഐയുടെ ഒരു ഗോഡൗണില്‍ മാത്രം 1500 ടണ്‍ അരി കത്തിച്ചും കുഴിച്ചുമൂടിയും നശിപ്പിച്ചത്‌. 15 ലക്ഷം പേര്‍ക്ക്‌ ഒരുനേരത്തെ ആഹാരത്തിന്‌ വകയാകാവുന്ന അരിയാണ്‌ ഇത്‌. അരിക്കുള്‍പ്പെടെയുള്ള സബ്‌സിഡി ബാങ്കുകളിലൂടെ വിതരണം ചെയ്യുമെന്ന ഉമ്മന്‍ചാണ്ടി സര്‍ക്കാരിന്റെ തീരുമാനം എത്രമാത്രം വിപല്‍ക്കരമായിരിക്കുമെന്ന മുന്നറിയിപ്പ്‌ ഈ സംഭവം നല്‍കുന്നു. പട്ടിണികിടന്ന്‌ ജനങ്ങള്‍ മരിക്കുന്ന രാജ്യത്ത്‌ കേന്ദ്ര സര്‍ക്കാര്‍ നിയന്ത്രണത്തിലുള്ള ഭക്ഷ്യസംഭരണ കേന്ദ്രത്തില്‍ അരി കേടായി കത്തിച്ചും കുഴിച്ചുമൂടിയും കളയുന്ന മനുഷ്യത്വരഹിതമായ അവസ്ഥയ്‌ക്കെതിരെ ശക്തമായ പ്രതിഷേധവും പ്രതികരണവും ഉയര്‍ന്നുവരണമെന്നും സി.പി.ഐ (എം) സംസ്ഥാന സെക്രട്ടറിയറ്റ്‌ പ്രസ്‌താവനയില്‍ അഭ്യര്‍ഥിച്ചു.
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌