- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രേട്ടറിയറ്റ്‌ പുറപ്പെടുവിക്കുന്ന പ്രസ്‌താവന-12.08.2015
ചാവക്കാട്‌ ബ്ലോക്ക്‌ കോണ്‍ഗ്രസ്‌ കമ്മിറ്റിയുടെ ഭാരവാഹിയായ എ.സി ഹനീഫ സ്വന്തം മാതാവിന്റേയും പിഞ്ചുകുഞ്ഞുങ്ങളുടേയും കണ്‍മുന്നില്‍വെച്ച്‌ നിഷ്‌ഠൂരമായി കൊലചെയ്യപ്പെട്ടിട്ട്‌ ദിവസങ്ങള്‍ പലത്‌ കടന്നുപോയിരിക്കുന്നു. നാട്ടുകാരെയാകെ ഭീഷണിപ്പെടുത്തിയും ഭീകരാന്തരീക്ഷം സൃഷ്‌ടിച്ചും കൊലപാതകം നടത്തിയ ക്രിമിനല്‍ സംഘം ഇപ്പോഴും സുരക്ഷിതമായി കഴിയുകയാണ്‌. പോലീസിന്റ കൈയ്യില്‍ കിട്ടിയ മൂന്നുപേരില്‍ ഒരാള്‍ ജാമ്യം നേടി പുറത്തിറങ്ങിയതായിട്ടാണ്‌ മനസിലാകുന്നത്‌.
കോണ്‍ഗ്രസിന്റെ ഗ്രൂപ്പ്‌ കലഹത്തിന്റെ പേരില്‍ നടന്ന അതിക്രൂരമായ ഈ കൊലപാതകം കൈകാര്യം ചെയ്യുന്ന സമ്പ്രദായം നിയമവാഴ്‌ചയെ പരിഹസിക്കുന്ന വിധത്തിലായി മാറുകയാണ്‌.
കൊലപാതകത്തിന്‌ ഉത്തരവാദിയെന്ന്‌ കെ.പി.സി.സി തന്നെ കണ്ടെത്തി സംഘടനാ നടപടിക്ക്‌ വിധേയനാക്കിയ ബ്ലോക്ക്‌ കോണ്‍ഗ്രസ്‌ പ്രസിഡന്റ്‌ കേസില്‍ പ്രതി ചേര്‍ക്കപ്പെട്ടിട്ടില്ല. ഈ നേതാവിനെയും സംഘത്തേയും സഹായിക്കുന്നത്‌ തൃശൂര്‍ ജില്ലയില്‍ നിന്നുള്ള കോണ്‍ഗ്രസ്‌ മന്ത്രിയായ സി.എന്‍. ബാലകൃഷ്‌ണനാണെന്ന്‌ കൊല ചെയ്യപ്പെട്ട ഹനീഫയുടെ സഹോദരന്‍ ഉമ്മര്‍ പരസ്യമായി ആവലാതിപ്പെട്ടിട്ടും ആഭ്യന്തര വകുപ്പ്‌ ഒരു നടപടിയും സ്വീകരിച്ചിട്ടില്ല.
ഉമ്മന്‍ചാണ്ടിയുടെ ഭരണത്തില്‍ രമേശ്‌ ചെന്നിത്തലയുടെ ആഭ്യന്തര വകുപ്പിന്‌ കീഴില്‍ മന്ത്രിമാര്‍ തന്നെ കുറ്റവാളികളെ സംരക്ഷിക്കുന്ന സംഭ്രമജനകമായ ദൃശ്യമങ്ങളാണ്‌ കാണേണ്ടി വരുന്നത്‌. പൗരന്റെ ജീവനും സ്വത്തിനും സംരക്ഷണം നല്‍കാന്‍ ബാധ്യതപ്പെട്ടവര്‍ തന്നെ കൊലയാളി സംഘങ്ങളുടെ സംരക്ഷകരായി മാറിയ അപായകരമായ അവസ്ഥയാണ്‌ ഇപ്പോള്‍ കേരളത്തില്‍ നിലനില്‍ക്കുന്നത്‌.
ജനാധിപത്യ സംവിധാനത്തിന്റെ അടിത്തറ തകര്‍ക്കുന്ന യു.ഡി.എഫ്‌ സര്‍ക്കാരിന്റെ ഈ സമീപനം അങ്ങേയറ്റം പ്രതിഷേധാര്‍ഹമാണ്‌. മനുഷ്യ ജീവന്‌ വില കല്‍പിക്കാത്ത ഈ സമീപനത്തില്‍ പ്രതിഷേധമുയര്‍ത്താന്‍ എല്ലാ ജനാധിപത്യ വിശ്വാസികളും മനുഷ്യസ്‌നേഹികളും മുന്നോട്ട്‌ വരണമെന്ന്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ അഭ്യര്‍ത്ഥിക്കുന്നു.
അക്രമ രാഷ്‌ട്രീയത്തെപ്പറ്റി മുറവിളി കൂട്ടി നാടുനീളെ കോലഹലം സൃഷ്‌ടിക്കുന്ന മുഖ്യന്ത്രി പലവട്ടം ജില്ലയിലൂടെ കടന്നു പോയിട്ടും കൊല ചെയ്യപ്പെട്ട സ്വന്തം പാര്‍ടിക്കാരന്റെ കുടുംബത്തെ ഒന്നു സാന്ത്വനിപ്പിക്കാന്‍ പോലും തയ്യാറായില്ല എന്നതും ശ്രദ്ധേയമാണ്‌.
ഹനീഫയുടെ കൊലപാതകത്തിന്‌ ഉത്തരവാദികളായ മുഴുവന്‍ ക്രിമിനലുകളെയും ഉടന്‍ തന്നെ അറസ്റ്റ്‌ ചെയ്യണമെന്നും കുറ്റകൃത്യത്തിന്‌ പുറകിലുള്ള ഗൂഢാലോചന സംബന്ധിച്ചും അക്കാര്യങ്ങളില്‍ മന്ത്രിയായ സി.എന്‍.ബാലകൃഷ്‌ണനെ പ്രതിചേര്‍ത്ത്‌ വിശദമായ അന്വേഷണം നടത്തണമെന്നും സി.പി.ഐ (എം) ആവശ്യപ്പെടുന്നു.
തിരുവനന്തപുരം
12.08.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌