- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച് അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന-31.08.2015
സംസ്ഥാനത്തിന്റെ വിവിധ ഭാഗങ്ങളില്‍ രാഷ്ട്രീയ ലക്ഷ്യത്തോടെ ആര്‍.എസ്‌.എസ്‌ നടത്തുന്ന നിന്ദ്യവും പൈശാചികവുമായ അക്രമപരമ്പരകളില്‍ ശക്തമായി പ്രതിഷേധിക്കുന്നു.
ആര്‍.എസ്‌.എസ്‌ ക്രിമിനല്‍ സംഘവും മറ്റും സംസ്ഥാനത്തിന്റെ വിവിധ ഭാഗങ്ങളില്‍ സി.പി.ഐ (എം) പ്രവര്‍ത്തകര്‍ക്ക്‌ നേരെ കിരാതമായ ആക്രമണമാണ്‌ അഴിച്ചുവിട്ടുകൊണ്ടിരിക്കുന്നത്‌. ഇത്തരം ആക്രമണങ്ങളുടെ ഫലമായി കഴിഞ്ഞ ഒരാഴ്‌ചക്കകത്തുതന്നെ രണ്ട്‌ സി.പി.ഐ (എം) പ്രവര്‍ത്തകര്‍ കൊല്ലപ്പെടുകയുണ്ടായി. കാസര്‍കോട്ടെ സി.നാരായണനെ തിരുവോണനാളിലാണ്‌ ആര്‍.എസ്‌.എസ്‌ പ്രവര്‍ത്തകര്‍ ആസൂത്രിതമായി കൊലപ്പെടുത്തിയത്‌. അനുജന്‍ അരവിന്ദനേയും ക്രൂരമായി ആക്രമിച്ചു. പട്ടാമ്പിയില്‍ നജീബ്‌ എന്ന പാര്‍ടി പ്രവര്‍ത്തകനെ ആശുപത്രിയില്‍ കയറിയാണ്‌ ക്രിമിനലുകള്‍ വെട്ടികൊലപ്പെടുത്തിയത്‌.
കാസര്‍ഗോഡ്‌ ജില്ലയില്‍ തന്നെ നാല്‌ സി.പി.ഐ (എം) പ്രവര്‍ത്തകരും ആര്‍.എസ്‌.എസ്‌ ആക്രമണത്തിന്‌ വിധേയമായി. കണ്ണൂര്‍ ജില്ലയിലെ അഴീക്കോട്ടും പരിസരപ്രദേശങ്ങളിലും ആര്‍.എസ്‌.എസ്‌ ക്രിമിനലുകള്‍ അഴിഞ്ഞാടിയതിന്റെ ഭാഗമായി പാര്‍ടി പ്രവര്‍ത്തകരുടെ 20-ഓളം വീടുകളും മൂന്ന്‌ സി.പി.ഐ (എം) ഓഫീസുകളുമാണ്‌ തകര്‍ക്കപ്പെട്ടത്‌. നിരവധി സി.പി.ഐ (എം) പ്രവര്‍ത്തകരേയും ആക്രമിച്ചു. കണ്ണൂര്‍ ജില്ലയിലെ നടുവനാട്‌ കോട്ടൂര്‍ഞ്ഞാലില്‍ വീട്ടില്‍ കയറി ഗര്‍ഭിണിയെ പോലും ആക്രമിക്കുകയും ചെയ്‌തു. നഗ്നചിത്രം പ്രദര്‍ശിപ്പിക്കുമെന്ന നെറികെട്ട ഭീഷണിയും അരങ്ങേറി.
ആലപ്പുഴ ജില്ലയിലെ കായംകുളത്ത്‌ ഒരു കുടുംബത്തിലെ നാല്‌ പാര്‍ടി പ്രവര്‍ത്തകരെ ആര്‍.എസ്‌.എസുകാര്‍ വെട്ടി പരിക്കേല്‍പിച്ചു. കോട്ടയം ജില്ലയിലെ അയര്‍കുന്നം മാലത്ത്‌ ഓണഘോഷത്തിനിടയിലാണ്‌ ആര്‍.എസ്‌.എസ്‌ സംഘം അക്രമം അഴിച്ചുവിട്ടത്‌. ഇടുക്കി ജില്ലയിലെ തൊടുപുഴ ഏരിയാകമ്മിറ്റി ഓഫീസ്‌ ആര്‍.എസ്‌.എസ്‌-ബി.ജെ.പി സംഘം ആക്രമിച്ചു.. തൃശൂര്‍ ജില്ലയിലെ കൊടകര, പുതുക്കാട്‌ എന്നിവിടങ്ങളില്‍ ആക്രമണ പരമ്പര തന്നെ സംഘടിപ്പിച്ചു. പാര്‍ടി സ്ഥാപനങ്ങള്‍ അടിച്ചു തകര്‍ത്തു എന്ന്‌ മാത്രമല്ല നിരവധി പ്രവര്‍ത്തകരെ ആക്രമിക്കുകയും ചെയ്‌തു. കൊല്ലം ജില്ലയിലെ പത്തനാപുരത്തെ നടുവന്നൂരില്‍ ആര്‍.എസ്‌.എസ്‌ ആക്രമണത്തില്‍ മൂന്ന്‌ സി.പി.ഐ (എം) പ്രവര്‍ത്തകര്‍ക്കാണ്‌ പരിക്കേറ്റത്‌.
യു.ഡി.എഫ്‌ സര്‍ക്കാരിന്റെ ഇപ്പോഴത്തെ ഭരണകാലത്ത്‌ ഇതിനകം 28 പാര്‍ടി പ്രവര്‍ത്തകരാണ്‌ കൊല ചെയ്യപ്പെട്ടത്‌. ഇതില്‍ 17 പേര്‍ ആര്‍.എസ്‌.എസ്‌ നടത്തിയ ആക്രമണത്തിലാണ്‌ കൊല്ലപ്പെട്ടത്‌. ആര്‍.എസ്‌.എസുകാര്‍ ഉള്‍പ്പെടുന്ന കേസുകള്‍ പിന്‍വലിച്ചുകൊണ്ട്‌ എന്ത്‌ അക്രമം ചെയ്‌താലും സംരക്ഷിക്കുമെന്ന മുഖ്യമന്ത്രിയുടെ സന്ദേശം ഇതിന്‌ സാഹചര്യമൊരുക്കി. ആര്‍.എസ്‌.എസ്‌ നടത്തുന്ന കൊലപാതക കേസുകളില്‍ ഫലപ്രദമായ അന്വേഷണം പോലും ഇല്ലാത്തത്‌ കൊലപാതക പരമ്പരകള്‍ക്ക്‌ പശ്ചാത്തലം സൃഷ്‌ടിക്കുകയാണ്‌.
സംസ്ഥാനത്തുടനീളം അടുത്ത ദിവസങ്ങളില്‍ നടന്ന ഈ ആക്രമണ പരമ്പര വിപുലമായ ആസൂത്രണത്തിന്റെ ഭാഗമാണെന്ന്‌ വ്യക്തമാണ്‌. സംസ്ഥാനത്താകമാനം ഭീകരാന്തരീക്ഷം സൃഷ്ടിച്ച് മാര്‍ക്‌സിസ്റ്റ്‌ അക്രമമെന്ന പ്രചരണം നടത്തി അതിലൂടെ യു.ഡി.എഫുമായി ബന്ധമുണ്ടാക്കുവാനുള്ള കുത്സിതശ്രമമാണ്‌ ഇതിന്‌ പിന്നിലുള്ളത്‌. ആര്‍.എസ്‌.എസ്‌ സര്‍ക്കാര്‍ ഒത്താശയോടെ നടത്തിക്കൊണ്ടിരിക്കുന്ന ഇത്തരം പ്രകോപനങ്ങളുടെ പിന്നിലുള്ള രാഷ്ട്രീയ താല്‍പര്യങ്ങളെ തിരിച്ചറിഞ്ഞ്‌ ഇടപെടുന്നതിന്‌ പാര്‍ടി സഖാക്കള്‍ക്ക്‌ കഴിയണം. ആര്‍.എസ്‌.എസ്‌ ക്രിമിനല്‍ സംഘത്തിനെതിരെയും അവര്‍ക്ക്‌ ഒത്താശ ചെയ്യുന്ന സര്‍ക്കാര്‍ നയത്തിനെതിരെയും ബഹുജനങ്ങളെ അണിനിരത്തി വിശാലമായ ജനകീയമുന്നേറ്റം സംഘടിപ്പിക്കാന്‍ കഴിയണം. ആര്‍.എസ്‌.എസിന്റെ ഈ അക്രമ പരമ്പരകള്‍ക്കെതിരെ ജനാധിപത്യ വിശ്വാസികള്‍ ഒന്നിക്കേണ്ടതുണ്ട്.
തിരുവനന്തപുരം
31.08.2015
***
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌