- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന-01.09.2015
സംസ്ഥാനത്തിന്റെ വിവിധ ഭാഗങ്ങളില്‍ ആര്‍.എസ്‌.എസ്‌ നടത്തിക്കൊണ്ടിരിക്കുന്ന അക്രമങ്ങളില്‍ പ്രതിഷേധിച്ച്‌ സെപ്‌റ്റംബര്‍ 7-ാം തീയതി ലോക്കല്‍ കേന്ദ്രങ്ങളില്‍ സായാഹ്ന ധര്‍ണ്ണ സംഘടിപ്പിക്കാന്‍ സി.പി.ഐ (എം) സംസ്ഥാന സെക്രട്ടേറിയറ്റ്‌ ആഹ്വാനം ചെയ്യുന്നു.
കേരളത്തിന്റെ വിവിധ ഭാഗങ്ങളില്‍ സംഘടിതമായ അക്രമമാണ്‌ ആര്‍.എസ്‌.എസ്‌ ക്രിമിനലുകളും മറ്റും നടത്തിക്കൊണ്ടിരിക്കുന്നത്‌. കാസര്‍കോട്‌ സി. നാരായണനെ ആസൂത്രിതമായി ആര്‍.എസ്‌.എസ്‌ സംഘം കൊലപ്പെടുത്തി. പട്ടാമ്പിയില്‍ നജീബിനെ ആശുപത്രിയില്‍ കയറിയാണ്‌ ക്രിമിനലുകള്‍ വെട്ടി കൊലപ്പെടുത്തിയത്‌. കാസര്‍ഗോഡ്‌ ജില്ലയില്‍ ഇതിന്റെ തുടര്‍ച്ചയായും അക്രമങ്ങള്‍ അരങ്ങേറി. കണ്ണൂര്‍ ജില്ലയിലെ അഴീക്കോട്ടും പരിസരപ്രദേശങ്ങളിലും പാര്‍ടി പ്രവര്‍ത്തകരുടെ വീടുകളും പാര്‍ടി ഓഫീസുകളും വാഹനങ്ങളും വ്യാപകമായി തകര്‍ക്കപ്പെട്ടു. നിരവധി പാര്‍ടി പ്രവര്‍ത്തകരും ആക്രമണത്തിന്‌ വിധേയമായി. കണ്ണൂര്‍ ജില്ലയില്‍ വീട്ടില്‍ കയറി ഗര്‍ഭിണിയെ പോലും ആക്രമിക്കുന്ന സ്ഥിതിയുണ്ടായി.
ആലപ്പുഴ ജില്ലയിലെ കായംകുളത്തും കോട്ടയം ജില്ലയിലെ അയര്‍കുന്നത്തും ആര്‍.എസ്‌.എസ്‌ നേതൃത്വത്തില്‍ ആക്രമണം സംഘടിപ്പിച്ചു. തൊടുപുഴ ഏരിയാകമ്മിറ്റി ഓഫീസും ആക്രമിക്കപ്പെട്ടു. തൃശൂര്‍ ജില്ലയിലെ കൊടകര, പുതുക്കാട്‌ പ്രദേശങ്ങളില്‍ ആര്‍.എസ്‌.എസുകാര്‍ അഴിഞ്ഞാടി. കൊല്ലം ജില്ലയിലെ പത്തനാപുരത്തെ നടുവന്നൂരില്‍ ആര്‍.എസ്‌.എസുകാര്‍ ആക്രമണം നടത്തി.
ആര്‍.എസ്‌.എസുകാരെ സംരക്ഷിക്കുന്ന യു.ഡി.എഫ്‌ നയം കൂടിയാണ്‌ ഇത്തരമൊരവസ്ഥ ഉണ്ടാക്കുന്നതിന്‌ സാഹചര്യമൊരുക്കിയത്‌. കാസര്‍കോട്ട്‌ കൊല്ലപ്പെട്ട നാരായണനെതിരെ വധശ്രമത്തിന്‌ കേസ്‌ എടുത്തുകൊണ്ട്‌ കേരളത്തിന്റെ ചരിത്രത്തില്‍ മറ്റൊരു കറുത്ത അധ്യായം കൂടി യു.ഡി.എഫ്‌ സര്‍ക്കാര്‍ എഴുതിച്ചേര്‍ത്തിരിക്കുകയാണ്‌. പ്രവീണ്‍ തൊഗാഡിയയ്‌ക്കെതിരെയുള്ള കേസ്‌ പിന്‍വലിച്ചും മറ്റു പല കേസുകളിലും ഇതേ നയം സ്വീകരിച്ചതിനു തുടര്‍ച്ചയാണ്‌ ഈ സംഭവവും അരങ്ങേറിയിട്ടുള്ളത്‌. യു.ഡി.എഫ്‌ സര്‍ക്കാര്‍ അധികാരത്തില്‍ വന്നശേഷം 28 പാര്‍ടി പ്രവര്‍ത്തകരാണ്‌ കൊല ചെയ്യപ്പെട്ടത്‌. ഇതില്‍ 17 പേരെ കൊലപ്പെടുത്തിയത്‌ ആര്‍.എസ്‌.എസ്‌ ക്രിമിനലുകളാണ്‌. ഈ കേസുകളില്‍ ശരിയായ അന്വേഷണം നടത്തി കുറ്റവാളികളെ നിയമത്തിനു മുന്നില്‍ കൊണ്ടുവരുന്നതില്‍ കാണിച്ച ഗുരുതരമായ അലംഭാവവും ഇപ്പോഴത്തെ സംഭവവികാസങ്ങള്‍ക്ക്‌ പ്രോത്സാഹനമായിട്ടുണ്ട്‌.
കേരളത്തിലുടനീളം അരങ്ങേറിക്കൊണ്ടിരിക്കുന്ന ആക്രമണ പരമ്പര വിപുലമായ ആസൂത്രണത്തിന്റെ ഫലമാണ്‌. മാര്‍ക്‌സിസ്റ്റ്‌ അക്രമം എന്ന പ്രചാരവേല നടത്തി യു.ഡി.എഫ്‌-ബി.ജെ.പി ബാന്ധവത്തിന്‌ പശ്ചാത്തലമൊരുക്കുന്നതിനാണ്‌ ഇത്തരം ആക്രമണങ്ങള്‍ സംഘടിപ്പിച്ചിട്ടുള്ളത്‌. രാഷ്ട്രീയ ലക്ഷ്യത്തോടെ സംസ്ഥാനത്തുടനീളം ഭീകരാന്തരീക്ഷം സൃഷ്‌ടിക്കുന്നതിനുള്ള ഈ നീക്കത്തിനെതിരെ നാട്‌ ഉണരേണ്ടതുണ്ട്‌. ഇതിന്റെ ഭാഗമായി പാര്‍ടി സംഘടിപ്പിക്കുന്ന സായാഹ്ന ധര്‍ണ്ണയില്‍ നാടിനെ സ്‌നേഹിക്കുന്ന മുഴുവന്‍ ജനങ്ങളും അണിനിരക്കണമെന്ന്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ അഭ്യര്‍ത്ഥിക്കുന്നു.
തിരുവനന്തപുരം
01.09.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌