- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന-23.09.2015
മുന്നണിക്ക്‌ പുറത്ത്‌ നീക്കുപോക്കുണ്ടാക്കുമെന്ന യു.ഡി.എഫ്‌ കണ്‍വീനറുടെ പ്രഖ്യാപനം ബി.ജെ.പിയുമായി സഖ്യമുണ്ടാക്കാനുള്ള പദ്ധതിയുടെ ഭാഗമാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ മുന്നണിക്ക്‌ പുറത്തുള്ള സംഘടനകളുമായി നീക്കുപോക്കുണ്ടാക്കുമെന്നാണ്‌ യു.ഡി.എഫ്‌ കണ്‍വീനര്‍ പി.പി.തങ്കച്ചന്‍ പ്രസ്‌താവിച്ചിരിക്കുന്നത്‌. ഇത്‌ കേരളത്തില്‍ ഒരു കാലത്ത്‌ കോണ്‍ഗ്രസ്‌ നേതൃത്വം നല്‍കി പരീക്ഷിച്ച ബി.ജെ.പി സഖ്യം ആവര്‍ത്തിക്കാനുള്ള നീക്കങ്ങളുടെ ഭാഗമാണ്‌. ഇതിനുള്ള പശ്ചാത്തലം ഒരുക്കാനുള്ള പ്രവര്‍ത്തനങ്ങളാണ്‌ കഴിഞ്ഞ കുറേ കാലമായി സംസ്ഥാനത്ത്‌ ബി.ജെ.പിയും കോണ്‍ഗ്രസും നടത്തിക്കൊണ്ടിരിക്കുന്നത്‌.
സംഘപരിവാറുമായി യോജിച്ചുകൊണ്ട്‌ തെരഞ്ഞെടുപ്പിനെ നേരിടുക എന്ന കാഴ്‌ചപ്പാട്‌ പ്രായോഗികമാക്കാനാണ്‌ എസ്‌.എന്‍.ഡി.പി നേതൃത്വത്തിലെ ഒരു വിഭാഗം ഇപ്പോള്‍ ശ്രമം നടത്തികൊണ്ടിരിക്കുകയാണ്‌.
സ്വതന്ത്രപരിവേഷം അണിഞ്ഞുകൊണ്ട്‌ ആര്‍.എസ്‌.എസുകാരെ സ്ഥാനാര്‍ത്ഥിയാക്കി പിന്തുണയ്‌ക്കാനാണ്‌ ഇവരുടെ നീക്കം. ഇങ്ങനെയുള്ള സ്ഥാനാര്‍ത്ഥികളെ പിന്തുണയ്‌ക്കുന്ന നയമാണ്‌ യു.ഡി.എഫ്‌ നടപ്പാക്കാന്‍ ശ്രമിക്കുന്നത്‌. ഇത്തരം നയം നടപ്പിലാക്കുന്നതിനുള്ള രാഷ്ട്രീയ പശ്ചാത്തലം ഒരുക്കുന്നതിനുള്ള ബോധപൂര്‍വ്വമായ ശ്രമം നേരത്തെ തന്നെ തുടങ്ങിയിട്ടുണ്ട്‌. ബി.ജെ.പിക്ക്‌ പ്രിയപ്പെട്ട ഒരു വ്യവസായി കേരളത്തിലെ കോണ്‍ഗ്രസുകാര്‍ക്കും പ്രിയപ്പെട്ടവനായി തീര്‍ന്നതും ഇത്തരത്തിലുള്ള ബാന്ധവത്തിന്റെ ഭാഗം തന്നെയാണ്‌.
പ്രവീണ്‍ തൊഗാഡിയ ഉള്‍പ്പെടെയുള്ളവരുടെ കേസുകള്‍ യു.ഡി.എഫ്‌ സര്‍ക്കാര്‍ പിന്‍വലിച്ചത്‌ ഇത്തരമൊരു അജണ്ടയുടെ ഭാഗം തന്നെയായിരുന്നു. തലശ്ശേരിയില്‍ ശ്രീനാരായണഗുരു പ്രതിമ തകര്‍ത്ത്‌ നാട്ടില്‍ കലാപം സൃഷ്‌ടിക്കാന്‍ ശ്രമിച്ച ആര്‍.എസ്‌.എസുകാരെ സ്റ്റേഷനില്‍ നിന്ന്‌ ജാമ്യം നല്‍കി വിട്ടതും ഈ യോജിപ്പിന്റെ മറ്റൊരു തെളിവാണ്‌.
കേരളത്തിന്റെ വിവിധ ഭാഗങ്ങളില്‍ ആര്‍.എസ്‌.എസുകാര്‍ സംഘടിതമായി സി.പി.ഐ (എം) ന്‌ നേരെ ശക്തമായ ആക്രമണമാണ്‌ ഇപ്പോള്‍ നടത്തിക്കൊണ്ടിരിക്കുന്നത്‌. ഇത്തരത്തില്‍ പ്രകോപനമുണ്ടാക്കി മാര്‍ക്‌സിസ്റ്റ്‌ അക്രമമെന്ന്‌ പ്രചരിപ്പിച്ച്‌ യു.ഡി.എഫിനെ പിന്തുണക്കുന്നതിനുള്ള പശ്ചാത്തലമാണ്‌ ഇതിലൂടെ സൃഷ്‌ടിക്കാന്‍ ശ്രമിക്കുന്നത്‌. ഈ സര്‍ക്കാരിന്റെ ഭരണകാലത്ത്‌ തന്നെ 16 സി.പി.ഐ (എം) പ്രവര്‍ത്തകരെ ആര്‍.എസ്‌.എസുകാര്‍ കൊലപ്പെടുത്തുകയുണ്ടായി. ഈ കേസുകള്‍ പോലും ഫലപ്രദമായി അന്വേഷിക്കാതെ ഒത്തുകളിച്ച സര്‍ക്കാര്‍ നടപടിയാണ്‌ കേരളത്തില്‍ അക്രമം വ്യാപിപ്പിക്കുന്നതിന്‌ ഇടയാക്കിയത്‌.
മതേതരത്വത്തിന്റേയും ജനാധിപത്യത്തിന്റേയും മഹത്തായ പാരമ്പര്യമുള്ള മണ്ണാണ്‌ കേരളത്തിന്റേത്‌. ഈ വളര്‍ച്ചയ്‌ക്ക്‌ ഒരു പങ്കും നല്‍കാത്ത സംഘപരിവാറിനെ ആനയിക്കാനുള്ള ശ്രമത്തിനെതിരെ ജനാധിപത്യവിശ്വാസികള്‍ രംഗത്തിറങ്ങണം. തദ്ദേശസ്വയംഭരണ സ്ഥാപനത്തിലേക്കുള്ള തെരഞ്ഞെടുപ്പില്‍ ഉണ്ടാക്കുന്ന ഐക്യത്തിലൂടെ കേരളത്തിലെ നിയമസഭയില്‍ അക്കൗണ്ട്‌ തുറക്കാനുള്ള ബി.ജെ.പിയുടെ ഇത്തരം ശ്രമങ്ങളെ തുറന്നുകാട്ടി മുന്നോട്ട്‌ പോവാന്‍ മതേതരവാദികള്‍ മുന്നോട്ട്‌ വരേണ്ടതുണ്ട്‌.
സംസ്ഥാനത്തിന്റെ മഹത്തായ പാരമ്പര്യങ്ങളെ അട്ടിമറിച്ച്‌ വര്‍ഗീയതയുടെ വിളഭൂമിയാക്കി മാറ്റുവാനുള്ള സംഘപരിവാറിന്റെ പദ്ധതികള്‍ക്ക്‌ പരവതാനി ഒരുക്കുന്ന യു.ഡി.എഫിന്റെ നയങ്ങള്‍ക്കെതിരെ ജനാധിപത്യ വിശ്വാസികള്‍ രംഗത്തിറങ്ങണമെന്ന്‌ കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
തിരുവനന്തപുരം
23.09.2015
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌