- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന - 27.10.2015
ഡെല്‍ഹി കേരള ഹൗസില്‍ പൊലീസ്‌ നടത്തിയ ബീഫ്‌ റെയ്‌ഡില്‍ പ്രധാനമന്ത്രിയെ കേരളത്തിന്റെ പ്രതിഷേധം അറിയിക്കാത്ത മുഖ്യമന്ത്രിയുടെ നടപടി അപമാനമാണ്
ഡെല്‍ഹി സംഭവം കേരളീയരുടെ ആത്മാഭിമാനത്തിനേറ്റ മുറിവാണ്‌. കേരള ഹൗസിലെ ഭക്ഷണശാലയില്‍ എന്ത്‌ വേവണമെന്നും ഏത്‌ അടുപ്പ്‌ പ്രവര്‍ത്തിക്കണമെന്നും തീരുമാനിക്കാനുള്ള അധികാരം ഹിന്ദുസേനയുടേതല്ല. ഹിന്ദുസേനയുടെ താല്‍പര്യപ്രകാരം കേന്ദ്രസര്‍ക്കാരിന്റെ നിയന്ത്രണത്തിലുള്ള പൊലീസ്‌ ഡെല്‍ഹിയിലെ കേരള ഹൗസില്‍ അതിക്രമിച്ചുകയറി ഭക്ഷണപരിശോധന നടത്തിയത്‌ ധിക്കാരമാണ്‌.
കേരള സര്‍ക്കാരിന്റെ നിയന്ത്രണത്തിലുള്ള ഡെല്‍ഹിയിലെ കേരള ഹൗസിന്റെ ചുമതല മുഖ്യമന്ത്രി കൈകാര്യം ചെയ്യുന്ന പൊതുഭരണവകുപ്പിനാണ്‌. എന്നിട്ടും ബീഫ്‌ റെയ്‌ഡിനെപറ്റി പ്രതികരിക്കാന്‍ പന്ത്രണ്ട്‌ മണിക്കൂര്‍ വൈകിയത്‌ ആശ്ചര്യകരമാണ്‌. പ്രതികരിച്ചപ്പോഴാകട്ടെ അത്‌ വര്‍ഗീയശക്തികളോടുള്ള ലജ്ജാകരമായ കീഴടങ്ങലുമായി. ഡെല്‍ഹി പൊലീസ്‌ മിതത്വം പാലിക്കണമെന്ന മുഖ്യമന്ത്രിയുടെ അഭിപ്രായം കേന്ദ്രസര്‍ക്കാര്‍ നടപടിയോടുള്ള പ്രതിഷേധവികാരം ഒട്ടും ഉള്‍ക്കൊള്ളുന്നതല്ല. ഇതിനു തുടര്‍ച്ചയായി ബീഫ്‌ വിഭവങ്ങള്‍ ഡെല്‍ഹി കേരള ഹൗസില്‍നിന്നും ഒഴിവാക്കുകയും ചെയ്‌തിരിക്കുന്നു.
പശുമാംസവിഭവം വിതരണം ചെയ്യുന്നുവെന്ന തെറ്റായ വിവരം സംഘപരിവാര്‍ നല്‍കിയതുപ്രകാരം ഡെല്‍ഹി പൊലീസ്‌ കേരള ഹൗസില്‍ കടന്നുകയറിത്‌ തെറ്റാണെന്ന്‌ പറയാന്‍ മുഖ്യമന്ത്രി എന്തിന്‌ മടിക്കണം. അനേക പതിറ്റാണ്ടുകളായി കേരള ഹൗസില്‍ ഭക്ഷണത്തിനെത്തുന്നവര്‍ക്ക്‌ പോത്തിറച്ചി നല്‍കുന്നുണ്ടെന്നും ഡെല്‍ഹി സര്‍ക്കാരിന്റെ ലൈസന്‍സുള്ള കടയില്‍നിന്നും നല്‍കുന്ന ഇറച്ചിയാണ്‌ വാങ്ങുന്നതെന്നും കേരള ഹൗസ്‌ അധികൃതര്‍ അറിയിച്ചിട്ടും അത്‌ മാനിക്കാതെയാണ്‌ പൊലീസ്‌ റെയ്‌ഡ്‌ നടത്തിയത്‌. ഇക്കാര്യത്തില്‍ എന്തെങ്കിലും സന്ദേഹമുണ്ടെങ്കില്‍ മാംസം വിതരണം ചെയ്യുന്ന ഡെല്‍ഹിയിലെ ഷോപ്പില്‍ പോയി പരിശോധിക്കുകയായിരുന്നു ചെയ്യേണ്ടത്‌. രാജ്യതലസ്ഥാനത്തെ സംസ്ഥാന സര്‍ക്കാരുകളുടെ ആസ്ഥാനമന്ദിരം വിദേശ സ്ഥാനപതി കാര്യാലയങ്ങള്‍ക്ക്‌ എന്നതുപോലെ ചില പരിരക്ഷകള്‍ ഉള്ളതാണ്‌. കേരള സര്‍ക്കാരിന്റെ റസിഡന്റ്‌ കമ്മീഷണറുടെ അനുമതി കൂടാതെ 30 പൊലീസുകാര്‍ കേരള ഹൗസിലെ ഭക്ഷണശാല കുറേനേരം പിടിച്ചടക്കിയത്‌ കേന്ദ്രവും സംസ്ഥാനവും തമ്മിലുള്ള ഭരണഘടനാപരമായ ബന്ധത്തെ ഉലയ്‌ക്കുന്നതാണ്‌. ഈ അര്‍ത്ഥത്തില്‍ ഈ വിഷയത്തില്‍ ഇടപെടാനും ഉടനെതന്നെ പ്രധാനമന്ത്രിയെയും കേന്ദ്രസര്‍ക്കാരിനെയും പ്രതിഷേധം അറിയിക്കാനും മുഖ്യമന്ത്രി ഉമ്മന്‍ചാണ്ടി തയ്യാറാകണമായിരുന്നു. അത്‌ ചെയ്യാത്തത്‌ ഉചിതമല്ല. ഡെല്‍ഹിയില്‍ എത്തുന്ന കേരളീയര്‍ എന്ത്‌ കഴിക്കണമെന്ന്‌ മോഡിയും കൂട്ടരും തീരുമാനിക്കും എന്നാണ്‌ കേരള ഹൗസിലെ ബീഫ്‌ റെയ്‌ഡില്‍ തെളിയുന്നത്.
തിരുവനന്തപുരം
27.10.2015
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌