- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന : 29.10.2015
ബാര്‍ കോഴ കേസില്‍ തുടരന്വേഷണത്തിന്‌ വിജിലന്‍സ്‌ കോടതി ഉത്തരവിട്ടതിനാല്‍ കെ.എം.മാണി അരനിമിഷം വൈകാതെ മന്ത്രിസ്ഥാനം രാജിവെക്കണം. മാണിയുടെ രാജി വേണ്ടെന്ന മുഖ്യമന്ത്രി ഉമ്മന്‍ചാണ്ടിയുടെ നിലപാട്‌ നിയമ വ്യവസ്ഥയോടും പാര്‍ലമെന്ററി ജനാധിപത്യത്തോടുമുള്ള വെല്ലുവിളിയാണ്‌. അടച്ചുപൂട്ടിയ ബാറുകള്‍ തുറക്കാന്‍ ധനമന്ത്രി കെ.എം.മാണി ബാറുടമകളില്‍ നിന്നും ഒരു കോടി രൂപ കോഴ വാങ്ങിയതാണ്‌ കേസ്‌. ആരോപണങ്ങള്‍ പ്രഥമദൃഷ്‌ട്യാ നിലനില്‍ക്കുന്നതാണെന്ന്‌ കോടതി വ്യക്തമാക്കിയിട്ടുണ്ട്‌. ഇതിന്റെ അടിസ്ഥാനത്തിലാണ്‌ തുടന്വേഷണത്തിന്‌ ഉത്തരവിട്ടത്‌. മന്ത്രി മന്ദിരവും സ്വകാര്യമന്ദിരവും കോഴ വാങ്ങാനുള്ള കേന്ദ്രമാക്കിയ മന്ത്രിയെ രക്ഷിക്കാന്‍ മുഖ്യമന്ത്രി ഇറങ്ങിയത്‌ അസാധാരണ നടപടിയാണ്‌. അഴിമതിയുടെ കൂട്ടുത്തരവാദിത്തമാണോ ഇതിന്‌ കാരണ?ആരോപണങ്ങള്‍ നിലനില്‍ക്കുന്നതാണെന്നും മാണിയെ കുറ്റവിമുക്തനാക്കാന്‍ ഇടപെട്ട വിജിലന്‍സ്‌ ഡയറക്‌ടറുടെ നടപടി തെറ്റാണെന്നും കോടതി ചൂണ്ടിക്കാട്ടിയിട്ടുണ്ട്‌. വിജിലന്‍സ്‌ ഡയറക്‌ടര്‍ വിന്‍സന്റ്‌.എം.പോളിനെ കൊണ്ട്‌ ചുടുചോറ്‌ വാരിച്ച മുഖ്യമന്ത്രിയും ആഭ്യന്തര മന്ത്രിയും ഇക്കാര്യത്തില്‍ കുറ്റക്കാരാണ്‌. മാണിക്കെതിരായ കോടതി വിധിയോട്‌ ഉമ്മന്‍ചാണ്ടി സര്‍ക്കാരിന്‌ തന്നെ അധികാരത്തില്‍ തുടരാനുള്ള ധാര്‍മ്മിക അവകാശം നഷ്‌ടമായിരിക്കുകയാണ്‌.
പാമോലിന്‍-ബാര്‍ കോഴകേസുകളെ താരതമ്യം ചെയ്‌ത്‌ മാണിയുടെ രാജി അപ്രസക്തമാണെന്ന മുഖ്യമന്ത്രിയുടെ നിലപാട്‌ അസംബന്ധമാണ്‌. പാമോലിന്‍ കേസിലെ കോടതി വിധി വന്നശേഷം ധാര്‍മ്മികത ഉയര്‍ത്തിപിടിക്കുന്നതില്‍ മുഖ്യമന്ത്രി പിന്നോട്ട്‌ പോവുകയായിരുന്നു. എങ്കിലും പാമോലിന്‍ കേസില്‍ നിന്നും വ്യത്യസ്‌തമാണ്‌ മാണി പ്രതിയായ ബാര്‍ കോഴ കേസ്‌. പാമോലിന്‍ കേസില്‍ കരുണാകര മന്ത്രിസഭയില്‍ ധനമന്ത്രിയായിരുന്ന ഉമ്മന്‍ചാണ്ടിയുടെ പാമോലിന്‍ ഇടപാടിലെ പങ്കിനെപ്പറ്റി പരിശോധിക്കുന്നത്‌ സംബന്ധിച്ച ഹര്‍ജിയായിരുന്നു. എന്നാല്‍ ബാര്‍ കോഴക്കേസില്‍ ക്വിക്‌ വെരിഫിക്കേഷനെ തുടര്‍ന്ന്‌ മാണിയെ പ്രതിചേര്‍ത്ത്‌ വിജിലന്‍സ്‌ അന്വേഷണം നടത്തുകയായിരുന്നു. അന്വേഷണ ഉദ്യോഗസ്ഥന്റെ വസ്‌തുതാവിവര റിപ്പോര്‍ട്ടില്‍ മാണി കുറ്റക്കാരനാണെന്ന്‌ കണ്ടെത്തിയപ്പോഴാണ്‌ അന്വേഷണത്തെ അട്ടിമറിക്കാന്‍ സര്‍ക്കാര്‍ സമ്മര്‍ദ്ദത്തെ തുടര്‍ന്ന്‌ വിജിലന്‍സ്‌ ഡയറക്‌ടര്‍ ഇടപെട്ടത്‌. ഇതിനെയാണ്‌ വിജിലന്‍സ്‌ കോടതി അസാധുവാക്കിയിരിക്കുന്നത്‌. അതുകൊണ്ട്‌ തന്നെ ബാര്‍ കോഴ കേസും ഉമ്മന്‍ചാണ്ടിക്കെതിരായ പാമോലിന്‍ കേസുമായി ബന്ധിപ്പിക്കുന്ന വിതണ്ഡതാവാദം കേരളത്തില്‍ വിലപ്പോകില്ല.
വിജിലന്‍സിന്റെ തലപ്പത്തിരുന്ന്‌ ഉദ്യോഗസ്ഥന്‍ സ്ഥാനമൊഴിഞ്ഞെങ്കിലും അഴിമതിക്കേസില്‍ പ്രതിയായ മാണി രാജിവെക്കാത്തത്‌ ജനാധിപത്യകേരളത്തെ അവഹേളിക്കുന്നതാണ്‌. മാണി രാജിവെക്കാന്‍ ആവശ്യപ്പെട്ട്‌ നിയമസഭയ്‌ക്ക്‌ അകത്തും പുറത്തും എല്‍.ഡി.എഫ്‌ നടത്തിയ പ്രക്ഷോഭ സമരങ്ങളുടെ വിശ്വാസ്യതയും ആവശ്യകതയും കോടതി വിധിയോടെ കൂടുതല്‍ സാധൂകരിച്ചിരിക്കുകയാണ്‌. തുടരന്വേഷണം കോടതിയുടെ മേല്‍നോട്ടത്തിലാവണം. കോടതി വിധിക്ക്‌ ശേഷവും മാണി പുറത്തുപോകാന്‍ തയ്യാറാകുന്നില്ലെങ്കില്‍ അതിശക്തമായ പ്രക്ഷോഭത്തിന്‌ എല്‍.ഡി.എഫ്‌ മുന്നോട്ട്‌ വരും. ഈ പ്രക്ഷോഭത്തിന്‌ പിന്തുണ നല്‍കാനും മാണിയുടെ രാജിക്കുവേണ്ടിയും മാണിയെ സംരക്ഷിക്കുന്ന ഉമ്മന്‍ചാണ്ടിയുടെ നിലപാടിനെതിരായും അതിശക്തമായ ജനാഭിപ്രായം ഉയരണം.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌