- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന - 18.11.2015
ഐശ്വരകേരളം പടുത്തുയര്‍ത്താനും സല്‍ഭരണം കാഴ്‌ചവയ്‌ക്കാനും എല്‍.ഡി.എഫിന്റെ പ്രാദേശിക സര്‍ക്കാരുകള്‍ ജാഗ്രതാപൂര്‍ണ്ണമായി പ്രവര്‍ത്തിക്കും.
ജനങ്ങള്‍ അര്‍പ്പിച്ചിരിക്കുന്ന വിശ്വാസം കാത്തുസൂക്ഷിക്കാന്‍ അധികാരമേല്‍ക്കുന്ന എല്ലാ എല്‍.ഡി.എഫ്‌ ജനപ്രതിനിധികളും പ്രതിബദ്ധതയോടെ പ്രവര്‍ത്തിക്കണം. ജാതി-മത-കക്ഷി രാഷ്ട്രീയ പരിഗണനകള്‍ക്കതീതമായ വികസനോന്മുഖ സല്‍ഭരണമാണ്‌ എല്‍.ഡി.എഫ്‌ വിഭാവനം ചെയ്യുന്നത്‌. ഇതിനൊത്ത രീതിയില്‍ ഭരണപക്ഷത്തായാലും പ്രതിപക്ഷത്തായാലും എല്‍.ഡി.എഫ്‌ പ്രവര്‍ത്തിക്കണം. അധികാര വികേന്ദ്രീകരണം ഫലവത്തായി നടപ്പാക്കാന്‍ പ്രാദേശിക സര്‍ക്കാരുകളെ പ്രയോജനപ്പെടുത്തണം. അതിനൊപ്പം അര്‍ഹതപ്പെട്ട അധികാരവും പണവും താഴേക്ക്‌ നല്‍കാന്‍ ഇനിയും മടിക്കുന്ന കേന്ദ്ര-സംസ്ഥാന സര്‍ക്കാരുകള്‍ക്കെതിരായ പോരാട്ടത്തെ ശക്തിപ്പെടുത്താനും ഈ സംവിധാനം പ്രയോജനപ്പെടണം.
യു.ഡി.എഫിന്റേയും ബി.ജെ.പി നേതൃത്വം നല്‍കിയ വര്‍ഗീയമുന്നണിയുടേയും വെല്ലുവിളികളേയും കള്ളപ്രചാരണങ്ങളേയും അതിജീവിച്ചാണ്‌ കേരള ജനത എല്‍.ഡി.എഫിന്‌ നഗര-ഗ്രാമ വ്യത്യാസമന്യേ വമ്പിച്ച വിജയം പ്രാദേശിക തെരഞ്ഞെടുപ്പില്‍ സമ്മാനിച്ചത്‌. കോര്‍പ്പറേഷനുകളിലും മുനിസിപ്പാലിറ്റികളിലും ഇന്ന്‌ നടന്ന അധ്യക്ഷ-ഉപാധ്യക്ഷസ്ഥാന തെരഞ്ഞെടുപ്പില്‍ വമ്പിച്ച വിജയമാണ്‌ എല്‍.ഡി.എഫിന്‌ ലഭിച്ചത്‌. ആറ്‌ കോര്‍പ്പറേഷനുകളില്‍ അഞ്ചിടത്തും 87 മുനിസിപ്പാലിറ്റികളില്‍ ഇന്ന്‌ തെരഞ്ഞെടുപ്പ്‌ നടന്ന 84ല്‍ 44ലും എല്‍.ഡി.എഫ്‌ വിജയം നേടി. യു.ഡി.എഫിന്‌ ഭരണം പിടിക്കാന്‍ ഉദ്ദേശിച്ച്‌ പുതുതായി രൂപീകരിച്ച കണ്ണൂര്‍ കോര്‍പ്പറേഷന്റെ പ്രഥമ മേയര്‍ എല്‍.ഡി.എഫ്‌ പ്രതിനിധിയായതും ശ്രദ്ധേയമാണ്‌. ഒരു കോര്‍പ്പറേഷന്റെയും 39 മുനിസിപ്പാലിറ്റിയുടെയും നിയന്ത്രണമാണ്‌ യു.ഡി.എഫിന്‌ ലഭിച്ചത്‌. രണ്ടിടത്ത്‌ നാളെയാണ്‌ തെരഞ്ഞെടുപ്പ്‌ നടക്കുക. ഇതിനു പുറമെ മട്ടന്നൂര്‍ മുനിസിപ്പാലിറ്റി നിലവില്‍ എല്‍.ഡി.എഫ്‌ ഭരണത്തിലാണ്‌.
കേരളം പിടിച്ചെടുക്കാന്‍ പോകുന്നു എന്ന പ്രചാരണം കേന്ദ്ര ഭരണത്തിന്റെയും ചില മാധ്യമ സ്ഥാപനങ്ങളുടെയും പിന്തുണയോടെ നടത്തിയ ബി.ജെ.പിയുടെ വര്‍ഗീയ മുന്നണിക്ക്‌ ഒരു മുനിസിപ്പാലിറ്റിയുടെ ഭരണം ലഭിച്ചതുപോലും കേവല ഭൂരിപക്ഷത്തിന്റെ അടിസ്ഥാനത്തിലല്ല. സംസ്ഥാനത്തെ എട്ടാമത്തെ തദ്ദേശസ്വയംഭരണ തെരഞ്ഞെടുപ്പാണ്‌ ഇപ്പോള്‍ കഴിഞ്ഞത്‌. എല്‍.ഡി.എഫ്‌ പൊതുവില്‍ വിജയം നേടിയ മുന്‍കാല പ്രാദേശിക തെരഞ്ഞെടുപ്പുകളില്‍ പോലും നഗരങ്ങളില്‍ യു.ഡി.എഫിനായിരുന്നു മുന്‍കൈ. അതാകെ തകര്‍ന്നു എന്നതിന്റെ പ്രതിഫലനമാണ്‌ നഗര ഭരണത്തില്‍ എല്‍.ഡി.എഫ്‌ നേടിയ വ്യക്തമായ മുന്‍കൈ.
കേന്ദ്ര-സംസ്ഥാന ഭരണങ്ങള്‍ക്കെതിരായ ജനവികാരം പ്രതിഫലിപ്പിക്കുന്നതാണ്‌ എല്‍.ഡി.എഫിന്റെ തെരഞ്ഞെടുപ്പ്‌ വിജയം. ഉമ്മന്‍ചാണ്ടി സര്‍ക്കാരിന്റെ ഭരണം കാരണം യു.ഡി.എഫിന്റെ രാഷ്ട്രീയ അടിത്തറ ഗ്രാമങ്ങളില്‍ മാത്രമല്ല, നഗരപ്രദേശങ്ങളിലും തകര്‍ന്നിരിക്കുന്നു എന്നതിന്റെ വിളംബരമാണ്‌ ഇന്നത്തെ നഗരസഭകളിലെ എല്‍.ഡി.എഫ്‌ വിജയം വിളിച്ചറിയിക്കുന്നത്‌. മതനിരപേക്ഷതയ്‌ക്കനുകൂലമായ ജനങ്ങളുടെ നിശ്ചയദാര്‍ഢ്യമാണ്‌ ഈ തെരഞ്ഞെടുപ്പിലൂടെ പുറത്തുവന്നിരിക്കുന്നത്‌; ഒപ്പം, അഴിമതി ഭരണം വച്ചുപൊറുപ്പിക്കില്ല എന്ന പ്രഖ്യാപനവും. എല്‍ഡിഎഫിനെ പിന്തുണച്ച എല്ലാ വിഭാഗം ജനങ്ങളേയും സി.പി.ഐ (എം) സംസ്ഥാന സെക്രട്ടേറിയറ്റ്‌ അഭിവാദ്യം ചെയ്യുന്നു.
18.11.2015
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌