- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
വിമാന സര്‍വ്വീസുകള്‍ റദ്ദുചെയ്‌തതിനെതിരേ സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന
തിരുവനന്തപുരം
25.09.2012
കേരളത്തില്‍നിന്ന്‌ ഗള്‍ഫ്‌ രാജ്യങ്ങളിലേക്കുള്ള എയര്‍ ഇന്ത്യയുടെ 168 സര്‍വ്വീസുകള്‍ നിര്‍ത്തലാക്കിയ കേന്ദ്രസര്‍ക്കാരിന്റെ നടപടിക്കെതിരെ സെപ്‌തംബര്‍ 28 ന്‌ വിമാനത്താവളങ്ങളിലേക്ക്‌ ജനപ്രതിനിധികളുടെയും ബഹുജനങ്ങളുടെയും മാര്‍ച്ച്‌ സംഘടിപ്പിക്കാന്‍ സി.പി.ഐ (എം) സംസ്ഥാന സെക്രട്ടേറിയറ്റ്‌ തീരുമാനിച്ചു. എം.പിമാര്‍, എം.എല്‍.എമാര്‍, തദ്ദേശസ്വയംഭരണ സ്ഥാപനങ്ങളിലെ ജനപ്രതിനിധികള്‍ എന്നിവര്‍ ഈ സമരത്തില്‍ പങ്കെടുക്കും. തിരുവനന്തപുരം, കൊച്ചി, കോഴിക്കോട്‌ അന്താരാഷ്‌ട്ര വിമാനത്താവളങ്ങളിലേക്കാണ്‌ മാര്‍ച്ച്‌. യാതൊരു മുന്നറിയിപ്പുമില്ലാതെയാണ്‌, വ്യോമയാനവകുപ്പ്‌ മന്ത്രിയുടെ നിര്‍ദ്ദേശമനുസരിച്ച്‌ എയര്‍ ഇന്ത്യ 168 സര്‍വ്വീസുകള്‍ നിര്‍ത്തലാക്കിയത്‌. ഡിസംബര്‍ വരെ റദ്ദാക്കല്‍ തുടരുമെന്നാണ്‌ അറിയുന്നത്‌. റദ്ദ്‌ ചെയ്‌ത വിമാനസര്‍വ്വീസുകളില്‍ ഏറിയപങ്കും ഷാര്‍ജ, ദുബായ്‌, റിയാദ്‌, ബഹറിന്‍, ദോഹ എന്നിവിടങ്ങളിലേക്കുള്ളതാണ്‌. പ്രവാസികള്‍ ഏറ്റവും കൂടുതല്‍ ആശ്രയിക്കുന്ന എയര്‍ ഇന്ത്യ കേരളത്തില്‍ നിന്നുള്ള പ്രവാസികളോട്‌ കൊടുംക്രൂരതയാണ്‌ കാണിക്കുന്നത്‌. തിരുവനന്തപുരത്ത്‌ നിന്ന്‌ ആഴ്‌ചയില്‍ 36 സര്‍വീസുകളുണ്ടായിരുന്നത്‌ 7 ആക്കി ചുരുക്കി. കൊച്ചിയില്‍ നിന്ന്‌ 423 യാത്രക്കാരെ വീതം കൊണ്ടുപോകാന്‍ കഴിയുന്ന രണ്ട്‌ ജംബോജെറ്റും, കോഴിക്കോട്‌ കരിപ്പൂരില്‍ നിന്ന്‌ നാലും സര്‍വീസുകള്‍ പിന്‍വലിച്ചിട്ടുണ്ട്‌. ഇതിന്‌ പുറമെ മംഗ്‌ളുരുവില്‍ നിന്ന്‌ ശനിയാഴ്‌ച അബുദാബിക്കുള്ള സര്‍വീസും റദ്ദാക്കി. നേരത്തെ ടിക്കറ്റെടുത്ത ആയിരക്കണക്കിന്‌ യാത്രക്കാര്‍ പ്രതിസന്ധിയിലാണ്‌. സമയത്തിന്‌ ജോലിക്ക്‌ ഹാജരായില്ലെങ്കില്‍ ജോലി നഷ്‌ടപ്പെടും. യാത്രക്കാര്‍ വിമാനത്താവളത്തിലെത്തുമ്പോഴാണ്‌, വിമാനം റദ്ദാക്കിയ വിവരമറിയുന്നത്‌. ഗള്‍ഫ്‌ നാടുകളില്‍ ജോലി ചെയ്യുന്ന മലയാളികളായ പതിനായിരക്കണക്കിനാളുകളുടെ ജീവിതം കൊണ്ട്‌ പന്താടുകയാണ്‌ കേന്ദ്രസര്‍ക്കാര്‍. നാട്ടില്‍ ബന്ധുക്കളെ കാണാനും, നാട്ടില്‍ നിന്ന്‌ തിരിച്ച്‌ ജോലി സ്ഥലത്തേക്ക്‌ പോകാനുമാകാതെ കഷ്‌ടപ്പെടുന്ന മലയാളികളുടെ വേദന മനസ്സിലാക്കാന്‍ കേന്ദ്രസര്‍ക്കാരിനോ, എയര്‍ ഇന്ത്യാ മാനേജുമെന്റിനോ കഴിയുന്നില്ല. കഴിഞ്ഞ ഓണം-പെരുനാള്‍ സമയത്ത്‌, എയര്‍ ഇന്ത്യ സര്‍വീസ്‌ ചുരുങ്ങുകയും സ്വകാര്യവിമാനകമ്പികളും എയര്‍ ഇന്ത്യയും വിമാനചാര്‍ജ്ജ്‌ കുത്തനെ വര്‍ദ്ധിപ്പിക്കുകയും ചെയ്‌തിരുന്നു. പതിനായിരക്കണക്കിന്‌ പ്രവാസികള്‍ ഈ പകല്‍കൊള്ളയ്‌ക്കിരയായി. കേരളീയരുടെ ഈ യാതനകള്‍ കണ്ടിട്ടും യു.ഡി.എഫ്‌ സര്‍ക്കാര്‍ അനങ്ങുന്നില്ല. കേന്ദ്രമന്ത്രിസഭയില്‍ കേരളത്തില്‍നിന്ന്‌ അര ഡസന്‍ മന്ത്രിമാരും സംസ്ഥാനത്ത്‌ നിന്നുള്ള ഭൂരിപക്ഷം യു.ഡി.എഫ്‌ എം.പിമാരും, പ്രതിസന്ധിയില്‍ ഇടപെട്ട്‌ കേരളീയര്‍ക്ക്‌ ആശ്വാസം നല്‍കുന്നതില്‍ ദയനീയമായി പരാജയപ്പെട്ടിരിക്കുകയാണ്‌. പ്രവാസികള്‍ കേരള സമ്പദ്‌ഘടനയുടെ നട്ടെല്ലാണെന്ന്‌, എമര്‍ജിംഗ്‌ കേരളയുടെ ഉദ്‌ഘാടനവേദിയില്‍ പ്രസംഗിച്ച ഇന്ത്യന്‍ പ്രധാനമന്ത്രിയുടെ വാക്കുകളിലും ആത്മാര്‍ത്ഥതയുടെ കണികപോലുമില്ല. സംസ്ഥാനത്തോടുള്ള ഈ യുദ്ധപ്രഖ്യാപനത്തെ കയ്യുംകെട്ടി നോക്കി നില്‍ക്കാനാവില്ല. കേരള ജനതയുടെ കടുത്ത പ്രതിഷേധം ഉയര്‍ന്നുവരണം. ഈ പശ്ചാത്തലത്തിലാണ്‌ മൂന്ന്‌ വിമാനത്താവളങ്ങളിലേക്കുള്ള ബഹുജനമാര്‍ച്ച്‌ നടത്തുന്നത്‌. തിരുവനന്തപുരം, കൊല്ലം, പത്തനംതിട്ട ജില്ലകളില്‍ നിന്നുള്ളവര്‍ തിരുവനന്തപുരത്തും ആലപ്പുഴ, കോട്ടയം, ഇടുക്കി, എറണാകുളം, തൃശൂര്‍ ജില്ലകളില്‍ നിന്നുള്ളവര്‍ നെടുമ്പാശ്ശേരിയിലും, മലപ്പുറും, കോഴിക്കോട്‌, പാലക്കാട്‌, വയനാട്‌, കണ്ണൂര്‍, കാസര്‍ഗോഡ്‌ ജില്ലകളില്‍ നിന്നുള്ളവര്‍ കോഴിക്കോടുമാണ്‌ മാര്‍ച്ചില്‍ പങ്കെടുക്കേണ്ടത്‌. തിരുവനന്തപുരത്ത്‌ പിണറായി വിജയന്‍, നെടുമ്പാശ്ശേരിയില്‍ വി.എസ്‌. അച്യുതാനന്ദന്‍, കോഴിക്കോട്‌ കോടിയേരി ബാലകൃഷ്‌ണന്‍ എന്നിവര്‍ മാര്‍ച്ച്‌ ഉല്‍ഘാടനം ചെയ്യും.
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌