- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന - 30-11-2015
കേരളത്തില്‍ വര്‍ഗീയ സംഘര്‍ഷം സൃഷ്‌ടിക്കുന്ന പ്രസ്‌താവന നടത്തിയ വെള്ളാപ്പള്ളി നടേശനെതിരെ കേസ്‌ രജിസ്റ്റര്‍ ചെയ്‌ത്‌ അറസ്റ്റ്‌ ചെയ്യണം.
കഴിഞ്ഞ ദിവസം കോഴിക്കോട്‌ നടന്ന മാന്‍ഹോള്‍ ദുരന്തം മനഃസാക്ഷിയുള്ള ആരേയും വേദനിപ്പിക്കുന്ന ഒന്നാണ്‌. ഓട വൃത്തിയാക്കാന്‍ വേണ്ടി ഇറങ്ങിയ രണ്ട്‌ തൊഴിലാളികള്‍ മരണവുമായി മല്ലിടുന്നത്‌ നേരില്‍ കണ്ടപ്പോഴാണ്‌ കോഴിക്കോട്‌ നഗരത്തിലെ ഓട്ടോറിക്ഷാ തൊഴിലാളിയായ നൗഷാദ്‌ തന്റെ ജീവനെപ്പോലും തൃണവല്‍ഗണിച്ചു കൊണ്ട്‌ എതിര്‍പ്പുകളെ അവഗണിച്ച്‌ ഓടയിലേക്ക്‌ ഇറങ്ങിയത്‌. എന്നാല്‍ മറ്റ്‌ രണ്ടുപേര്‍ക്കൊപ്പം ആ മനുഷ്യ സ്‌നേഹിയുടേയും ജീവന്‍ നഷ്‌ടപ്പെടുകയാണ്‌ ഉണ്ടായത്‌. കേരളത്തിന്റെ മനഃസാക്ഷിയെ മുഴുവനും ഞെട്ടിച്ചതും എല്ലാം മറന്ന്‌ മനുഷ്യജീവന്‍ രക്ഷിക്കാനിറങ്ങിയ നൗഷാദിന്റെ പ്രവൃത്തിയില്‍ നാടുമുഴുവന്‍ അഭിമാനിക്കുകയും ചെയ്‌തു. അദ്ദേഹത്തിന്റെ കുടുംബത്തെ സഹായിക്കേണ്ടത്‌ നാടിന്റെ തന്നെ ഉത്തരവാദിത്തമാണ്‌ എന്ന വികാരമാണ്‌ കേരളത്തിലാകെ അലയടിച്ചത്‌. നൗഷാദിനെ കേരളത്തിന്റെ അഭിമാന പുത്രനായി നാട്‌ ഏറ്റുവാങ്ങുകയും ചെയ്‌തു.
മനുഷ്യ സ്‌നേഹത്തിന്റെ മഹത്തായ സന്ദേശം തന്റെ ജീവത്യാഗത്തിലൂടെ നാടിന്‌ നല്‍കിയ നൗഷാദിനെ ആദരിക്കുന്നതും കുടുംബത്തിന്‌ സഹായം നല്‍കുന്നതും മുസ്ലീം ആയതു കൊണ്ടാണെന്നും മറ്റുമുള്ള വെള്ളാപ്പള്ളിയുടെ പ്രസ്‌താവന സാമുദായിക സംഘര്‍ഷങ്ങള്‍ കുത്തിപ്പൊക്കുന്നതിനുള്ള ഗൂഢപദ്ധതികളുടെ ഭാഗമാണ്‌. നൗഷാദ്‌ എന്ന മനുഷ്യസ്‌നേഹിയെ അധിക്ഷേപിച്ചു എന്ന്‌ മാത്രമല്ല സംസ്ഥാനത്ത്‌ വര്‍ഗീയ ധ്രുവീകരണം സൃഷ്‌ടിക്കുന്ന തരത്തിലുള്ള പ്രചാരവേലയും വെള്ളാപ്പള്ളി നടത്തിയിരിക്കുകയാണ്‌. നഗരങ്ങളിലെ ദുരന്തങ്ങളില്‍ സഹായികളായി ഓടിയെത്തുന്ന തൊഴിലാളികളെ മുഴുവനും അപമാനിക്കുന്ന നടപടി കൂടിയാണ്‌ വെളളാപ്പള്ളി സ്വീകരിച്ചിരിക്കുന്നത്‌.
കേരളത്തിന്റെ മഹത്തായ മതസൗഹാര്‍ദ്ദത്തിന്റെ അന്തരീക്ഷം തകര്‍ക്കുന്നതിന്‌ ആഹ്വാനം ചെയ്‌ത വെള്ളാപ്പള്ളി നടേശനെതിരെ മതസൗഹാര്‍ദ്ദം തകര്‍ക്കാന്‍ ശ്രമിച്ചതിന്‌ കേസെടുക്കാന്‍ സര്‍ക്കാര്‍ അടിയന്തരമായി തയ്യാറാവണം. സംസ്ഥാനത്തെ മതസൗഹാര്‍ദ്ദം തകര്‍ക്കുന്നതിന്‌ ശ്രമിച്ച പ്രവീണ്‍ തൊഗാഡിയയ്‌ക്കെതിരെ പോലീസ്‌ എടുത്ത കേസ്‌ പിന്‍വലിച്ച പാരമ്പര്യമാണ്‌ ഉമ്മന്‍ചാണ്ടിക്കുള്ളത്‌. സംഘപരിവാറിന്റെ വര്‍ഗീയ നയങ്ങള്‍ക്ക്‌ അരുനില്‍ക്കുന്ന സര്‍ക്കാര്‍ നയം ഇക്കാര്യത്തിലും തുടര്‍ന്നാല്‍ മതനിരപേക്ഷ സംസ്‌കാരം നിലനില്‍ക്കുന്ന കേരള ജനതയുടെ ശക്തമായ പ്രതിഷേധം ഈ സര്‍ക്കാരിനെതിരെ ഉയര്‍ന്നു വരുമെന്ന്‌ ഉമ്മന്‍ചാണ്ടി ഓര്‍മ്മിക്കണം.
മതനിരപേക്ഷതയുടെ മഹത്തായ പാരമ്പര്യം സംസ്ഥാനത്ത്‌ വളര്‍ത്തിയെടുക്കുന്നതില്‍ നവോത്ഥാന പ്രസ്ഥാനങ്ങള്‍ നല്‍കിയ പങ്ക്‌ വിലമതിക്കാനാവാത്തതാണ്‌. "പല മതസാരവുമേകം'' എന്ന സന്ദേശമാണ്‌ ശ്രീനാരായണ ഗുരു ലോകത്തിന്‌ നല്‍കിയത്‌. സര്‍വമത സമ്മേളനം തന്നെ സംഘടിപ്പിച്ചുകൊണ്ട്‌ മതസൗഹാര്‍ദ്ദത്തിന്റെ മഹത്തായ കാഴ്‌ചപ്പാടാണ്‌ തന്റേതെന്ന്‌ ശ്രീനാരായണഗുരു തന്റെ ജീവിതം കൊണ്ട്‌ തന്നെ പ്രചരിപ്പിക്കുകയാണ്‌ ഉണ്ടായത്‌. ശ്രീനാരായണ സന്ദേശം പ്രചരിപ്പിക്കാനാണ്‌ എസ്‌.എന്‍.ഡി.പി പ്രസ്ഥാനം തന്നെ രൂപീകരിക്കപ്പെട്ടത്‌. എന്നാല്‍ ശ്രീനാരായണഗുരു മുന്നോട്ട്‌ വെച്ച കാഴ്‌ചപ്പാടുകളെ ആകമാനം തള്ളിക്കൊണ്ട്‌ വര്‍ഗീയമായ ധ്രുവീകരണം സൃഷ്‌ടിക്കാന്‍ രംഗത്തിറങ്ങിയിട്ടുള്ള വെള്ളാപ്പള്ളി നടേശന്‍ എസ്‌.എന്‍.ഡി.പി ജനറല്‍ സെക്രട്ടറി സ്ഥാനം രാജിവെച്ച്‌ ആര്‍.എസ്‌.എസ്‌ പ്രചാരകനായി രംഗത്തിറങ്ങുകയാണ്‌ വേണ്ടത്‌. ജനാധിപത്യ കേരളത്തിന്റെ മഹത്തായ പാരമ്പര്യത്തിന്‌ നേരെ നടത്തിയ ഈ കടന്നാക്രമണത്തിനെതിരെ കേരളീയര്‍ ഒന്നടങ്കം രംഗത്തിറങ്ങണം.
തിരുവനന്തപുരം
30.11.2015
30.11.2015
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌