- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന - 03-12-2015
സോളാര്‍ കമ്മീഷനു മുമ്പാകെ ഉണ്ടായ വെളിപ്പെടുത്തലിന്റെ പശ്ചാത്തലത്തില്‍ ഉമ്മന്‍ചാണ്ടി മുഖ്യമന്ത്രി സ്ഥാനം ഉടന്‍ രാജിവയ്‌ക്കണം.
ജുഡീഷ്യല്‍ കമ്മീഷനു മുമ്പാകെ ബിജു രാധാകൃഷ്‌ണന്‍ നല്‍കിയ മൊഴിയില്‍ മുഖ്യമന്ത്രിക്ക്‌ 5.5 കോടി രൂപ കൈക്കൂലിയായി നല്‍കി എന്നും ലാഭവിഹിതത്തിന്റെ ഒരു പങ്ക്‌ മുഖ്യമന്ത്രിക്ക്‌ നല്‍കാമെന്ന കരാറും ഉണ്ടാക്കിയിരുന്നു എന്നും വ്യക്തമാക്കിയിരിക്കുകയാണ്‌. ഒപ്പം, സോളാര്‍ തട്ടിപ്പിന്‌ നേതൃത്വം കൊടുത്ത സരിതയ്‌ക്ക്‌ മുഖ്യമന്ത്രിയുമായി ശാരീരികമായ ബന്ധം ഉള്‍പ്പെടെ ഉണ്ടായിരുന്നു എന്ന കാര്യവും ഇതിലൂടെ പുറത്തു വന്നിരിക്കുകയാണ്‌. മറ്റു പല മന്ത്രിമാരുടേയും പേരുകളും ഇതുമായി ബന്ധപ്പെട്ട്‌ ഉയര്‍ന്നു വന്നിട്ടുണ്ട്‌. സോളാര്‍ അഴിമതിയുടെ എല്ലാ രഹസ്യങ്ങളും അറിയാവുന്ന ബിജു രാധാകൃഷ്‌ണനില്‍ നിന്നാണ്‌ ഈ മൊഴി ഉണ്ടായത്‌. മുഖ്യമന്ത്രി നേരിട്ട്‌ പണം കൈപ്പറ്റി എന്ന വസ്‌തുതയാണ്‌ ഇതിലൂടെ വെളിപ്പെടുന്നത്‌. മാത്രമല്ല, സോളാര്‍ തട്ടിപ്പിന്‌ നേതൃത്വം കൊടുത്ത സരിതയുമായി മുഖ്യമന്ത്രിക്കുള്ള ഈ വഴിവിട്ട ബന്ധം കേരളീയരെ ആകെ നാണം കെടുത്തിയിരിക്കുന്നു. ഇത്തരമൊരു സാഹചര്യത്തില്‍ മുഖ്യമന്ത്രി സ്ഥാനത്ത്‌ ഉമ്മന്‍ചാണ്ടി തുടരുന്നത്‌ കേരളീയര്‍ക്കാകെ അപമാനകരമാണ്‌.
സോളാര്‍ അഴിമതിയുമായി ബന്ധപ്പെട്ട്‌ ഉയര്‍ന്നുവന്ന സാമ്പത്തിക തട്ടിപ്പ്‌ കേരളത്തില്‍ ഏറെ ചര്‍ച്ച ചെയ്യപ്പെട്ടിട്ടുള്ളതാണ്‌. ഇതില്‍ മുഖ്യമന്ത്രിയുടെ പങ്കിനെ സംബന്ധിച്ച പല തരത്തിലുള്ള തെളിവുകള്‍ നേരത്തെ തന്നെ പുറത്തു വന്നിരുന്നു. ഈ പശ്ചാത്തലത്തിലാണ്‌ മുഖ്യമന്ത്രി രാജിവച്ച്‌ ജുഡീഷ്യല്‍ അന്വേഷണം നടത്തണമെന്ന്‌ ആവശ്യപ്പെട്ടു കൊണ്ട്‌ എല്‍.ഡി.എഫിന്റെ നേതൃത്വത്തില്‍ വമ്പിച്ച പ്രക്ഷോഭം നടന്നത്‌. അതിന്റെ ഭാഗമായാണ്‌ ജുഡീഷ്യല്‍ അന്വേഷണം പ്രഖ്യാപിക്കേണ്ട സ്ഥിതി സര്‍ക്കാരിനുണ്ടായത്‌. അന്വേഷണ കമ്മീഷന്റെ ടേംസ്‌ ഓഫ്‌ റഫറന്‍സ്‌ പ്രതിപക്ഷവുമായി ചര്‍ച്ച ചെയ്‌ത്‌ തീരുമാനിക്കുമെന്നായിരുന്നു സര്‍ക്കാര്‍ അന്ന്‌ പ്രഖ്യാപിച്ചിരുന്നത്‌. എന്നാല്‍ ആ പ്രഖ്യാപനം കാറ്റില്‍ പറത്തിക്കൊണ്ട്‌ മുഖ്യമന്ത്രിയേയും ഓഫീസിനേയും ഒഴിവാക്കിക്കൊണ്ടുള്ള ടേംസ്‌ ഓഫ്‌ റഫറന്‍സാണ്‌ പ്രഖ്യാപിച്ചത്‌.
ജുഡീഷ്യല്‍ കമ്മീഷനു മുമ്പാകെ ഇടതുപക്ഷ സംഘടനകള്‍ നടത്തിയ ഇടപെടലിന്റെ ഭാഗമായാണ്‌ മുഖ്യമന്ത്രിയേയും ഓഫീസിനേയും അന്വേഷണ പരിധിയില്‍ ഉള്‍പ്പെടുത്തുന്ന സ്ഥിതി ഉണ്ടായത്‌. ഇക്കാര്യത്തില്‍ മുഖ്യമന്ത്രിക്കുള്ള കള്ളക്കളികളാണ്‌ ഈ സംഭവങ്ങളിലൂടെയെല്ലാം വ്യക്തമാകുന്നത്‌. സോളാര്‍ കേസില്‍ മുഖ്യമന്ത്രി സ്ഥാനം രാജിവച്ച്‌ ജുഡീഷ്യല്‍ അന്വേഷണം നടത്തണമെന്ന എല്‍.ഡി.എഫിന്റെ ആവശ്യം അക്ഷരം പ്രതി ശരിയായിരുന്നു എന്ന കാര്യമാണ്‌ ഈ പുതിയ വെളിപ്പെടുത്തല്‍ അടിവരയിടുന്നത്‌.
തിരുവനന്തപുരം
03.12.2015
03.12.2015
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌