- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന- 23.12.2015
റബ്ബറിന്റെ സീസണായിരിക്കുന്ന ഈ ഘട്ടത്തില്‍ റബ്ബര്‍ വില കിലോയ്‌ക്ക്‌ 90 രൂപയില്‍ എത്തിനില്‍ക്കുകയാണ്‌. 250 രൂപയോളം വിലയുണ്ടായിരുന്ന സ്ഥാനത്താണ്‌ ഇത്തരമൊരു വിലയിടിവുണ്ടായിട്ടുള്ളത്‌. ഇതിന്റെ ഫലമായി റബ്ബര്‍ കര്‍ഷകര്‍ റബ്ബര്‍ വെട്ടുന്ന സ്ഥിതി തന്നെ ഇല്ലാതായിരിക്കുകയാണ്‌. ഇതു കാരണം മലയോരമേഖലയിലെ ജനജീവിതം തന്നെ സ്‌തംഭിച്ചിരിക്കുകയാണ്‌. വിവിധ ബാങ്കുകളില്‍നിന്ന്‌ വായ്‌പ ഉള്‍പ്പെടെ വാങ്ങിക്കൊണ്ടാണ്‌ കര്‍ഷകന്‍ കൃഷി ഇറക്കിയിരിക്കുന്നത്‌. സീസണ്‍ ഘട്ടത്തില്‍ പോലും അത്‌ തിരിച്ചടയ്‌ക്കാന്‍ കഴിയാതെ കര്‍ഷകര്‍ ബുദ്ധിമുട്ടുകയാണ്‌. ഇതിന്റെ ഭാഗമായി സഹകരണ ബാങ്കുകള്‍ ഉള്‍പ്പെടെ പ്രതിസന്ധിയിലാകുന്ന സാഹചര്യമാണ്‌ സംജാതമായിരിക്കുന്നത്‌.
ആസിയാന്‍ കരാര്‍ ഒപ്പിടുന്ന ഘട്ടത്തില്‍ തന്നെ ഇതിന്റെ ഫലമായി റബ്ബറിന്‌ ഉള്‍പ്പെടെ വന്‍ വിലയിടിവുണ്ടാകുമെന്ന്‌ പാര്‍ടി നേരത്തെ തന്നെ മുന്നറിയിപ്പ്‌ നല്‍കിയിട്ടുള്ളതാണ്‌. ഇതിന്റെ അടിസ്ഥാനത്തില്‍ പാര്‍ടിയുടെ നേതൃത്വത്തില്‍ തന്നെ വമ്പിച്ച പ്രക്ഷോഭങ്ങള്‍ക്ക്‌ കേരളം സാക്ഷ്യം വഹിക്കുകയും ചെയ്‌തിരുന്നു. അന്ന്‌ ഇതിന്റെ ആപത്തിനെ സംബന്ധിച്ച്‌ പറഞ്ഞപ്പോള്‍ പരിഹസിച്ചു നടന്നവര്‍ക്ക്‌ ഇപ്പോള്‍ എന്താണ്‌ പറയാനുള്ളത്‌ എന്നറിയാന്‍ കേരളീയര്‍ക്ക്‌ താല്‍പ്പര്യമുണ്ടാകും. ചില വ്യവസായ ലോബികളുടെ താല്‍പ്പര്യം സംരക്ഷിക്കുന്നതിനു വേണ്ടിയാണ്‌ റബ്ബര്‍ കര്‍ഷകനെ കുത്തുപാള എടുപ്പിക്കുന്ന നയം തുടരുന്നത്‌. ഇറക്കുമതി നയം മൂലം കര്‍ഷകര്‍ പ്രതിസന്ധിയിലാകുമ്പോള്‍ അവരെ സംരക്ഷിക്കേണ്ട ഉത്തരവാദിത്വം കേന്ദ്ര-സംസ്ഥാന സര്‍ക്കാരുകള്‍ക്കുണ്ട്‌. സംസ്ഥാന സര്‍ക്കാര്‍ വിവിധ പാക്കേജുകള്‍ നടപ്പിലാക്കുമെന്ന്‌ പ്രഖ്യാപിക്കുകയല്ലാതെ അതുകൊണ്ട്‌ കര്‍ഷകര്‍ക്ക്‌ ഒരു ഗുണവും ഉണ്ടായില്ലെന്ന്‌ അനുഭവങ്ങള്‍ വ്യക്തമാക്കുന്നു. 300 കോടി രൂപയുടെ സഹായ പാക്കേജ്‌ നടപ്പിലാക്കുമെന്ന്‌ സംസ്ഥാന സര്‍ക്കാര്‍ പ്രഖ്യാപിച്ചെങ്കിലും 50 കോടി രൂപ മാത്രമാണ്‌ ഇതുവരെ വിതരണം ചെയ്‌തത്‌. സര്‍ക്കാര്‍ പ്രഖ്യാപിച്ച 150 രൂപ നിരക്കില്‍ കര്‍ഷകരുടെ കൈയ്യില്‍ കെട്ടിക്കിടക്കുന്ന റബ്ബര്‍ സംഭരിക്കാന്‍ തന്നെ 3500 കോടി രൂപ വേണമെന്നിരിക്കെ സര്‍ക്കാര്‍ പ്രഖ്യാപിച്ച തുക അപര്യാപ്‌തമാണ്‌. കേരളത്തിന്റെ കാര്‍ഷിക മേഖലയുടെ നട്ടൊല്ലൊടിക്കുന്ന ഈ നയത്തിനെതിരെ ശക്തമായ പ്രതിഷേധം ഉയര്‍ന്നുവരേണ്ടതുണ്ട്‌. 200 രൂപയെങ്കിലും ഒരു കിലോയ്‌ക്ക്‌ ലഭിക്കാവുന്ന വിധം റബ്ബറിന്‌ താങ്ങുവില പ്രഖ്യാപിക്കാന്‍ കേന്ദ്ര-സംസ്ഥാന സര്‍ക്കാരുകള്‍ അടിയന്തരമായും തയ്യാറാകണം. ഇതുമൂലമുണ്ടാകുന്ന സാമ്പത്തിക ബാധ്യത കേന്ദ്ര സര്‍ക്കാര്‍ ഏറ്റെടുക്കണം.
കേരളത്തിന്റെ കാര്‍ഷിക മേഖലയിലെ മറ്റൊരു പ്രധാനപ്പെട്ട വിളയായ നാളികേരവും പ്രതിസന്ധിയിലാണ്‌. നാളികേര കര്‍ഷകരെ സംരക്ഷിക്കുന്നതിനുള്ള അടിയന്തര നടപടികള്‍ സ്വീകരിക്കാനും കേന്ദ്ര-സംസ്ഥാന സര്‍ക്കാരുകള്‍ തയ്യാറാകണം. കേരളത്തിന്റെ കാര്‍ഷിക പ്രശ്‌നങ്ങള്‍ ഉയര്‍ത്തിപ്പിടിച്ചുകൊണ്ട്‌ കര്‍ഷ സംഘടനകള്‍ ഒന്നിച്ചുചേര്‍ന്ന്‌ പ്രക്ഷോഭം ഉയര്‍ത്തിക്കൊണ്ടുവരണം.
പെട്രോളിയം വിലയിടിവിന്റെ കാര്യത്തിലും ജനങ്ങളെ കബളിപ്പിക്കുന്ന നിലപാടാണ്‌ കേന്ദ്ര സര്‍ക്കാര്‍ സ്വീകരിച്ചുകൊണ്ടിരിക്കുന്നത്‌. അന്താരാഷ്‌ട്ര മാര്‍ക്കറ്റില്‍ പെട്രോളിന്റെ വില അടുത്ത കാലത്തൊന്നും ഇല്ലാത്തവിധം വന്‍തോതില്‍ ഇടിഞ്ഞിരിക്കുകയാണ്‌. ഇതിന്റെ നേട്ടം ജനങ്ങള്‍ക്ക്‌ നല്‍കുന്നതിനു പകരം വന്‍തോതില്‍ നികുതി ചുമത്തിക്കൊണ്ടും ജനങ്ങള്‍ക്ക്‌ ലഭ്യമാവേണ്ട അര്‍ഹമായ വിലക്കുറവ്‌ നല്‍കാതെയും ജനങ്ങളെ കബളിപ്പിക്കുന്ന നിലപാടാണ്‌ സ്വീകരിച്ചുകൊണ്ടിരിക്കുന്നത്‌.
പെട്രോളിന്‌ ലിറ്ററിന്‌ 30 പൈസയും ഡീസലിന്‌ ലിറ്ററിന്‌ 1.17 രൂപയുമാണ്‌ എക്‌സൈസ്‌ തീരുവ ഇനത്തില്‍ കേന്ദ്രസര്‍ക്കാര്‍ കഴിഞ്ഞദിവസം വര്‍ദ്ധിപ്പിച്ചിരിക്കുന്നത്‌. ബി.ജെ.പി സര്‍ക്കാര്‍ അധികാരമേറ്റശേഷം ഏഴുതവണയാണ്‌ പെട്രോള്‍-ഡീസല്‍ തീരുവ കൂട്ടിയിരിക്കുന്നത്‌. ബി.ജെ.പി സര്‍ക്കാര്‍ അധികാരമേല്‍ക്കുമ്പോള്‍ പെട്രോളിന്റെ എക്‌സൈസ്‌ തീരുവ 9.45 രൂപയായിരുന്നു. അതാണ്‌ ഇപ്പോള്‍ 19.36 രൂപയായി വര്‍ദ്ധിച്ചിരിക്കുന്നത്‌. 3.65 രൂപയുണ്ടായിരുന്ന ഡീസലിന്റെ എക്‌സൈസ്‌ തീരുവ 11.83 രൂപയായും വര്‍ദ്ധിപ്പിച്ചിരിക്കുകയാണ്‌.
2010 ജനുവരിയില്‍ രാജ്യാന്തര വിപണിയില്‍ അസംസ്‌കൃത എണ്ണയുടെ വില വീപ്പയ്‌ക്ക്‌ 85 ഡോളറായിരുന്നു. അന്ന്‌ ഒരു ലിറ്റര്‍ ഡീസലിന്‌ 37.75 രൂപയും പെട്രോളിന്‌ 55.87 രൂപയുമായിരുന്നു. ഇപ്പോള്‍ രാജ്യാന്തര വിപണിയില്‍ അസംസ്‌കൃത എണ്ണയുടെ വില വീപ്പയ്‌ക്ക്‌ 35 ഡോളറായി. ഇപ്പോള്‍ ഡീസല്‍ 46.99 രൂപയും പെട്രോളിന്‌ 59.98 രൂപയും എന്ന നിലയിലേക്ക്‌ എത്തിയിരിക്കുകയാണ്‌. കോര്‍പ്പറേറ്റ്‌ കമ്പനികള്‍ക്ക്‌ വന്‍ ലാഭം കൊയ്യാനാണ്‌ ഇത്തരമൊരു നടപടി സ്വീകരിച്ചിരിക്കുന്നത്‌.
പെട്രോളിയം ഉല്‍പ്പന്നങ്ങള്‍ക്ക്‌ വില കുറയ്‌ക്കാതെ ജനങ്ങളെ പിഴിയുന്ന സര്‍ക്കാര്‍ നയത്തിനെതിരെ അതിശക്തമായ പ്രതിഷേധം ഉയരേണ്ടതുണ്ട്‌. ഇടതുപക്ഷ ജനാധിപത്യമുന്നണിയിലെ മറ്റു ഘടകകക്ഷികളുമായി ആലോചിച്ചുകൊണ്ട്‌ ഇക്കാര്യത്തില്‍ വമ്പിച്ച പ്രക്ഷോഭം ഉയര്‍ത്തിക്കൊണ്ടുവരുന്നതിന്‌ പാര്‍ടി നേതൃത്വം നല്‍കും.
__സി.പി.ഐ (എം) സംസ്ഥാന സെക്രട്ടേറിയറ്റ്‌
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌