- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന 30-1-2016
വിഷുവിന്‌ വിഷരഹിത പച്ചക്കറി എന്ന മുദ്രാവാക്യം പ്രായോഗികമാക്കാന്‍ നാടിനെ സ്‌നേഹിക്കുന്ന മുഴുവന്‍ ജനങ്ങളുടേയും പിന്തുണ ഉണ്ടാകണം.
കാര്‍ഷികമേഖല ശക്തിപ്പെടുത്തി മുന്നോട്ടുപോകുന്നതിനുള്ള സാമൂഹ്യമായ ഇടപെടല്‍ വര്‍ത്തമാനകാലത്ത്‌ ഏറെ അനിവാര്യമായിത്തീര്‍ന്നിരിക്കുന്നു. ഈ വസ്‌തുതകളെയെല്ലാം കണക്കിലെടുത്തുകൊണ്ടാണ്‌ ജനകീയ ജൈവപച്ചക്കറി ക്യാമ്പയിന് ശക്തമായി സംഘടിപ്പിക്കാന്‍ തീരുമാനിച്ചത്‌. വിഷകീടനാശിനികളുടെയും തെറ്റായ കൃഷിരീതികളുടേയും ഫലമായി ജനങ്ങള്‍ക്ക്‌ ആരോഗ്യപ്രശ്‌നങ്ങള്‍ ഉയര്‍ന്നുവരുന്നുണ്ട്‌ എന്നത്‌ യാഥാര്‍ത്ഥ്യമാണ്‌. ഇത്തരമൊരു സാഹചര്യത്തില്‍ കാര്‍ഷികമേഖലയെ സംരക്ഷിക്കാനുള്ള പ്രവര്‍ത്തനത്തില്‍ ജനങ്ങളെയാകെ അണിനിരത്തുകയാണ്‌ ഈ ക്യാമ്പയിന്റെ ലക്ഷ്യം. മറ്റ്‌ സംസ്ഥാനങ്ങളില്‍നിന്ന്‌ പച്ചക്കറി വന്നില്ലെങ്കില്‍ കേരളം പട്ടിണിയിലാകുന്നു എന്ന അവസ്ഥയാണ്‌ നിലനില്‍ക്കുന്നത്‌. ഈ അവസ്ഥ മറികടന്നുകൊണ്ട്‌ നമ്മുടെ സമ്പദ്‌ഘടനയേയും ആരോഗ്യത്തേയും സംരക്ഷിക്കുവാനുള്ള പ്രവര്‍ത്തനവും കൂടിയാണ്‌ ഈ ക്യാമ്പയിനിലൂടെ പാര്‍ടി വിഭാവനം ചെയ്യുന്നത്.
വാണിജ്യാടിസ്ഥാനത്തില്‍ ഉല്‌പാദിപ്പിക്കപ്പെടുന്ന പച്ചക്കറികളും പഴങ്ങളും വന്‍തോതില്‍ രാസകീടനാശിനികള്‍ ഉപയോഗിച്ച്‌ ഉല്‌പാദിപ്പിക്കുന്നവയാണ്‌. ഇത്തരം വിഷവസ്‌തുക്കള്‍ ക്യാന്‍സര്‍ ഉള്‍പ്പെടെയുള്ള മാരകമായ ഒട്ടേറെ ആരോഗ്യപ്രശ്‌നങ്ങള്‍ക്ക്‌ കാരണമാകുന്നു. 2014 നവംബറില്‍ കര്‍ഷകര്‍, കര്‍ഷകഗ്രൂപ്പുകള്‍, സഹകരണ പ്രസ്ഥാനം, ബഹുജനസംഘടനകള്‍ എന്നിവരെ പങ്കെടുപ്പിച്ചുകൊണ്ട്‌ ആരംഭിച്ച ഈ ക്യാമ്പയിന് പ്രവര്‍ത്തനത്തിന്റെ ഫലമായി 2015 ലെ വിഷുവിന്‌ സംസ്ഥാനത്താകെ 289 ജൈവപച്ചക്കറി വിപണികള്‍ ആരംഭിക്കുന്നതിന്‌ സാധിച്ചു. കഴിഞ്ഞ ഓണക്കാലത്ത്‌ പാര്‍ടിയുടെ നേതൃത്വത്തിലുള്ള പ്രവര്‍ത്തനത്തിലൂടെ 2800 ഏക്കറില്‍ ജൈവപച്ചക്കറി കൃഷി ചെയ്യുന്നതിനും ഏകദേശം 15000 ടണ്‍ ജൈവപച്ചക്കറി ഉല്‌പാദിപ്പിക്കുന്നതിനും കഴിഞ്ഞിട്ടുണ്ട്‌. ഓണക്കാലത്ത്‌ 850 ജനകീയ ജൈവപച്ചക്കറി വിപണികളാണ്‌ പ്രവര്‍ത്തിച്ചത്‌. പൊതുസമൂഹത്തില്‍ നിന്നും ക്യാമ്പയിന് ലഭിച്ച സ്വീകാര്യതയും മാധ്യമങ്ങള്‍ നല്‍കിയ പ്രാധാന്യവും ആവേശം നല്‍കുന്നതാണ്‌.
വിഷുക്കാല വിപണി ലക്ഷ്യമിട്ട്‌ വിഷുവിന്‌ വിഷരഹിത പച്ചക്കറി എന്ന മുദ്രാവാക്യമുയര്‍ത്തിയുള്ള പ്രവര്‍ത്തനങ്ങളാണ്‌ ഇപ്പോള്‍ നടന്നുവരുന്നത്‌. ജൈവപച്ചക്കറി കൃഷി ക്യാമ്പയിന് വിജയിപ്പിക്കുന്നതിന്‌ തദ്ദേശസ്വയംഭരണ സ്ഥാപനങ്ങളുടെ പങ്ക്‌ നിര്‍ണ്ണായകമാണ്‌. ഓണക്കാലത്തിന്റെ അനുഭവത്തിന്റെ അടിസ്ഥാനത്തില്‍ വായ്‌പ ലഭ്യമാക്കുന്നതിനും വിപണി ഒരുക്കുന്നതിലും സഹകരണ സ്ഥാപനങ്ങള്‍ക്ക്‌ മുന്‍കൈ എടുക്കാവുന്നതാണ്‌.
കേരളത്തിന്റെ കാര്‍ഷിക ചരിത്രത്തിലെ നാഴികക്കല്ലായി ജനകീയ ജൈവപച്ചക്കറി കൃഷി കാമ്പയിന്‍ മാറിക്കൊണ്ടിരിക്കുന്നു എന്നതാണ്‌ അനുഭവം. വിഷുവിന്‌ വിഷരഹിത പച്ചക്കറി എന്ന മുദ്രാവാക്യത്തിന്റെ പ്രായോഗികരൂപം നല്‍കണമെങ്കില്‍ ഇപ്പോള്‍ നടക്കേണ്ട നടീല്‍ പ്രവര്‍ത്തനങ്ങള്‍ പൂര്‍ണ്ണ തോതില്‍ സംഘടിപ്പിക്കണം. അതിനായുള്ള പ്രവര്‍ത്തനപദ്ധതികള്‍ക്ക്‌ നാടിനെ സ്‌നേഹിക്കുന്ന മുഴുവന്‍ ജനങ്ങളുടേയും പിന്തുണ അഭ്യര്‍ത്ഥിക്കുന്നു.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌