- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന 12.02.2016
തെരഞ്ഞെടുപ്പ്‌ ലാക്കാക്കി ജനങ്ങളുടെ കണ്ണില്‍ പൊടിയിടാനുള്ള ബജറ്റാണ്‌ ഉമ്മന്‍ചാണ്ടി അവതരിപ്പിച്ചത്.
ബജറ്റ്‌ അവതരിപ്പിക്കുന്നതിന്‌ മുമ്പ്‌ തന്നെ അത്‌ ചോര്‍ന്ന സ്ഥിതിയാണ്‌ ഉണ്ടായിട്ടുള്ളത്‌. ഇക്കാര്യത്തിലുള്ള രഹസ്യസ്വഭാവം പോലും സൂക്ഷിക്കാന്‍ കഴിയാത്തവിധം സര്‍ക്കാര്‍ സംവിധാനം കുത്തഴിഞ്ഞിരിക്കുന്നു എന്നാണ്‌ ഇത്‌ വ്യക്തമാക്കുന്നത്‌. കേരള സമ്പദ്‌ഘടന പാപ്പരായിരിക്കുന്നു എന്നതിന്റെ തെളിവുകളാണ്‌ ബജറ്റ്‌ രേഖകളില്‍ നിന്ന്‌ ലഭിക്കുന്നത്‌. കേരള സമ്പദ്‌ഘടനയുടെ വളര്‍ച്ച അഖിലേന്ത്യാ ശരാശരിയേക്കാള്‍ പിറകിലേക്ക്‌ ആയിരിക്കുകയാണ്‌. അടിസ്ഥാന മേഖലകളായ കാര്‍ഷിക-വ്യാവസായിക മേഖലകളും തകര്‍ന്നിരിക്കുകയാണ്‌. കേരളം കടുത്ത സാമ്പത്തിക പ്രതിസന്ധിയെ അഭിമുഖീകരിക്കുകയാണെന്ന്‌ ബജറ്റ്‌ രേഖകള്‍ വ്യക്തമാക്കുന്നു. എന്നാല്‍ അവ പരിഹരിക്കുന്നതിനുള്ള ക്രിയാത്മകമായ നിര്‍ദ്ദേശങ്ങളില്ലാത്ത ബജറ്റാണ്‌ ഇത്‌. ഇടതുപക്ഷ ജനാധിപത്യമുന്നണിയുടെ കാലത്ത്‌ തുടക്കം കുറിച്ച പദ്ധതികളുടെ അവകാശവാദമാണ്‌ ഈ ബജറ്റില്‍ യു.ഡി.എഫ്‌ മുന്നോട്ട്‌ വെച്ചിട്ടുള്ളത്.
പദ്ധതി നടപ്പിലാക്കുന്ന കാര്യത്തിലും സംസ്ഥാന സര്‍ക്കാര്‍ ഏറെ പിറകിലാണെന്ന്‌ കണക്കുകള്‍ വ്യക്തമാക്കുന്നു. ഇപ്പോള്‍ ബജറ്റില്‍ ഏറെ വാഗ്‌ദാനങ്ങള്‍ വാരിക്കോരി നല്‍കിയ പ്രതീതിയാണ്‌ സൃഷ്‌ടിച്ചിരിക്കുന്നത്‌. എന്നാല്‍ ഇവ നടപ്പിലാക്കുന്നതിനുള്ള പണം കണ്ടെത്തുന്നതിനുള്ള വഴികള്‍ ബജറ്റിലില്ല. കണക്കുകളാവട്ടെ യാഥാര്‍ത്ഥ്യവുമായി പൊരുത്തപ്പെടുന്നവയുമല്ല. വാഗ്‌ദാനങ്ങള്‍ നല്‍കുകയും അവ പ്രാവര്‍ത്തികമാക്കാതിരിക്കുകയും ചെയ്യുക എന്നത്‌ യു.ഡി.എഫിന്റെ എക്കാലത്തേയും തന്ത്രമാണ്‌. കഴിഞ്ഞ ബജറ്റ്‌ പ്രസംഗത്തില്‍ പുതുതായി പ്രഖ്യാപിച്ച ഒരു പദ്ധതി പോലും നടപ്പിലാക്കപ്പെട്ടിട്ടില്ല. അഞ്ചുവര്‍ഷക്കാലം ബജറ്റിലും നയപ്രഖ്യാപന പ്രസംഗത്തിലും പ്രഖ്യാപിച്ച കാര്യങ്ങളൊന്നും നടപ്പിലാക്കാതെ രണ്ടരമാസം കൊണ്ട്‌ ഇതൊക്കെ നടപ്പിലാക്കുമെന്ന്‌ പറഞ്ഞാല്‍ ആരെങ്കിലും വിശ്വസിക്കുമോ?
അഞ്ചുവര്‍ഷക്കാലത്തോളം അധികാരത്തിലിരുന്നിട്ട്‌ ക്ഷേമപെന്‍ഷനുകള്‍ പോലും കൃത്യമായി വിതരണം ചെയ്യാത്ത സര്‍ക്കാരാണ്‌ യു.ഡി.എഫിന്റേത്‌. വിലക്കയറ്റം അതിന്റെ എല്ലാ സീമകളേയും ലംഘിച്ച്‌ മുന്നേറുകയാണ്‌. എന്നാല്‍ അവ പരിഹരിക്കുന്നതിനുള്ള ക്രിയാത്മകമായ നടപടികളൊന്നും ബജറ്റില്‍ പ്രഖ്യാപിച്ചിട്ടില്ല. പ്രവാസി മലയാളികള്‍ ഉള്‍പ്പെടെ നേരിടുന്ന പ്രശ്‌നങ്ങള്‍ പരിഹരിക്കുന്നതിനുള്ള ക്രിയാത്മകമായ പദ്ധതികളൊന്നും തന്നെ ബജറ്റില്‍ ഇല്ല.
റബ്ബറിന്റേയും നാളികേരത്തിന്റേയും വിലയിടിവ്‌ തടയാന്‍ പദ്ധതികള്‍ നടപ്പിലാക്കുമെന്നാണ്‌ പ്രഖ്യാപനം. ഇത്തരം നിരവധി പ്രഖ്യാപനങ്ങള്‍ നിയമസഭയില്‍ പല തവണ ധനകാര്യമന്ത്രി തന്നെ പ്രസ്‌താവിച്ചിട്ടുണ്ട്‌ എന്നതാണ്‌ വസ്‌തുത. എന്നാല്‍ അവയൊന്നും നടപ്പിലാക്കപ്പെട്ടിട്ടില്ല. യു.ഡി.എഫിന്റെ പ്രകടനപത്രികയിലും വാഗ്‌ദാനങ്ങള്‍ നിരവധിയുണ്ടായിരുന്നു. അഞ്ചു വര്‍ഷം പൂര്‍ത്തിയാവുന്ന ഘട്ടത്തില്‍ അവ എത്രത്തോളം നടപ്പിലാക്കി എന്ന്‌ പരിശോധിച്ചാല്‍ വ്യക്തമാകുന്നതാണ്‌ യു.ഡി.എഫിന്റെ വാഗ്‌ദാനലംഘനങ്ങള്‍. അഞ്ചുവര്‍ഷം ഭരിച്ച്‌ കേരളത്തിന്റെ സമ്പദ്‌ഘടനയെ ഗുരുതര പ്രതിസന്ധിയിലാക്കിയതിന്റെ തെളിവ്‌ കൂടിയാണ്‌ ബജറ്റ്‌ രേഖകള്‍.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌