- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
നിയമസഭാ തെരഞ്ഞെടുപ്പില്‍ വ്യാപകമായ അക്രമം നടത്തി ജനങ്ങളെ ഭയപ്പെടുത്താനുള്ള ബി.ജെ.പിയുടെ പദ്ധതി
നിയമസഭാ തെരഞ്ഞെടുപ്പില്‍ വ്യാപകമായ അക്രമം നടത്തി ജനങ്ങളെ ഭയപ്പെടുത്താനുള്ള ബി.ജെ.പിയുടെ പദ്ധതിയാണ്‌ കാട്ടായിക്കോണത്ത്‌ നടന്ന അക്രമ പരമ്പരകളിലൂടെ പുറത്ത്‌ വന്നിരിക്കുന്നത്. തിരുവനന്തപുരത്ത്‌ കാട്ടായിക്കോണത്ത്‌ നടന്ന അക്രമങ്ങള്‍ക്ക്‌ ചുക്കാന്‍ പിടിച്ചത്‌ ബി.ജെ.പിയുടെ മുന്‍ സംസ്ഥാന പ്രസിഡന്റ്‌ വി.മുരളീധരനാണ്‌. സംസ്ഥാനത്തിന്റെ വിവിധ ഭാഗങ്ങളില്‍ നിന്ന്‌ ഇവിടെ എത്തിയിട്ടുള്ള ആര്‍.എസ്‌.എസ്‌ ക്രിമിനലുകളെ സംഘടിപ്പിച്ച്‌ അക്രമ സംഭവങ്ങള്‍ക്ക്‌ അദ്ദേഹം നേതൃത്വം നല്‍കുകയായിരുന്നു. അഖിലേന്ത്യാടിസ്ഥാനത്തില്‍ തന്നെ ഇവിടെ അക്രമമാണെന്ന്‌ പ്രചരിപ്പിച്ചുകൊണ്ടുള്ള പ്രവര്‍ത്തനങ്ങള്‍ ഉടന്‍ സംഘടിപ്പിച്ചതിലൂടെ ബി.ജെ.പി പ്ലാന്‍ ചെയ്‌ത രാഷ്ട്രീയ നാടകത്തിന്റെ ഭാഗമാണ്‌ അക്രമ പരമ്പരകളെന്ന്‌ വ്യക്തമായിരിക്കുകയാണ്‌. യു.ഡി.എഫ്‌ സര്‍ക്കാര്‍ നടപ്പിലാക്കാന്‍ ശ്രമിച്ച മാസ്റ്റര്‍ പ്ലാനിനെ സംബന്ധിച്ചുള്ള ജനങ്ങളുടെ ആശങ്ക എല്ലാ കാലത്തും നഗരസഭയും സി.പി.ഐ (എം) ഉം ഉയര്‍ത്തി പിടിച്ചിട്ടുള്ളതാണ്‌. മാസ്റ്റര്‍ പ്ലാന്‍ കൊണ്ടുവന്ന സംസ്ഥാന സര്‍ക്കാരിനെതിരെ സമരം നടത്തുന്നതിന്‌ പകരം അത്‌ സി.പി.ഐ (എം) നെതിരെ തിരിച്ചുവിടാനാണ്‌ ശ്രമിക്കുന്നത്‌. ഇത്‌ ആര്‍.എസ്‌.എസും ഉമ്മന്‍ചാണ്ടിയും തമ്മിലുള്ള കൂട്ടുകെട്ടിന്റെ ഭാഗമാണ്‌. നിയമസഭാ തെരഞ്ഞെടുപ്പ്‌ അടുത്തതോടെ സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള ആര്‍.എസ്‌.എസ്‌ ക്രിമിനലുകള്‍ ഇപ്പോള്‍ തിരുവനന്തപുരത്ത്‌ ക്യാമ്പ്‌ ചെയ്യുകയാണ്‌. ഈ ക്രിമിനലുകളാണ്‌ കാട്ടായിക്കോണത്തെ അക്രമത്തിന്‌ നേതൃത്വം കൊടുത്തത്‌. ഗുരുതരമായി പരിക്കേറ്റ്‌ ആശുപത്രിയില്‍ കഴിയുന്നു എന്നു പറയുന്നയാള്‍ ജില്ലയ്‌ക്ക്‌ പുറത്തുള്ളയാളാണ്‌. ഇത്തരം നിരവധി പേര്‍ ഒരേസമയം അക്രമം നടത്താനായി ഇവിടെ എത്തിച്ചേര്‍ന്നുവെന്നത്‌ ഇതുമായി ബന്ധപ്പെട്ട്‌ ഗൂഢാലോചനയിലേക്കാണ്‌ വിരല്‍ ചൂണ്ടുന്നത്‌. പോലീസാവട്ടെ അക്രമികള്‍ക്കെതിരെ നിലപാട്‌ സ്വീകരിക്കാന്‍ വേണ്ടി തയ്യാറായില്ല. പുറത്ത്‌ നിന്ന്‌ സംഘടിതമായി വന്ന്‌ പ്രദേശത്ത്‌ അക്രമം ഉണ്ടാക്കിയ ആര്‍.എസ്‌.എസ്‌ ക്രിമിനലുകളെ അറസ്റ്റ്‌ ചെയ്യുന്നതിന്‌ പകരം സി.പി.ഐ (എം) പ്രവര്‍ത്തകരുടെ വീടുകളില്‍ കയറി നിരപരാധികളെ അറസ്റ്റ്‌ ചെയ്യുന്ന സ്ഥിതിയാണ്‌ ഉണ്ടായത്‌. ആര്‍.എസ്‌.എസുമായി ചേര്‍ന്ന്‌ സി.പി.ഐ (എം) നെ തകര്‍ത്തുകളയാം എന്ന ഉമ്മന്‍ചാണ്ടിയുടെ രാഷ്‌ട്രീയനയമാണ്‌ ഇവിടെ പ്രകടമായിരിക്കുന്നത്‌. തദ്ദേശസ്വയംഭരണ സ്ഥാപന തെരഞ്ഞെടുപ്പില്‍ പരാജയപ്പെട്ട തന്ത്രം വീണ്ടും ആവര്‍ത്തിക്കാനാണ്‌ ഉമ്മന്‍ചാണ്ടി ഇവിടെ പരിശ്രമിക്കുന്നത്‌.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌