- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ഇടതുപക്ഷ ജനാധിപത്യമുന്നണി പ്രവര്‍ത്തകര്‍ക്ക്‌ നേരെ ബി.ജെ.പി നടത്തുന്ന അക്രമങ്ങളില്‍ ശക്തമായി പ്രതിഷേധിക്കുക
ഇടതുപക്ഷ ജനാധിപത്യമുന്നണി പ്രവര്‍ത്തകര്‍ക്ക്‌ നേരെ ബി.ജെ.പി നടത്തുന്ന അക്രമങ്ങളില്‍ ശക്തമായി പ്രതിഷേധിക്കുക.
കണ്ണൂര്‍ ജില്ലയിലെ ധര്‍മ്മടം മണ്ഡലത്തിലെ പുത്തന്‍ കണ്ടത്തില്‍ ആഹ്ലാദപ്രകടനത്തിന്‌ നേറെ ബോംബ്‌ എറിയുകയും വാഹനമിടിച്ച്‌ സി.പി.ഐ (എം) പ്രവര്‍ത്തകനായ ചേരിക്കല്‍ രവിയെ കൊലപ്പെടുത്തുകയും ചെയ്‌തിരിക്കുകയാണ്‌. നിരവധി പേര്‍ക്ക്‌ ഇതില്‍ പരിക്കേറ്റു. രണ്ടുപേരുടെ നില അതീവ ഗുരുതരമാണ്‌. മട്ടന്നൂരിലെ കരയറ്റിയില്‍ ആഹ്ലാദ പ്രകടനത്തിന്‌ നേരെ ബോംബേറുണ്ടായി. പാര്‍ടി പ്രവര്‍ത്തകര്‍ക്ക്‌ ഈ ആക്രമണത്തില്‍ പരിക്കേറ്റിരിക്കുകയാണ്‌.
കാസര്‍ഗോഡ്‌ ജില്ലയിലെ കാഞ്ഞങ്ങാട്‌ മണ്ഡലത്തിലെ മാവുങ്കാലില്‍ ആഹ്ലാദപ്രകടനത്തിന്‌ നേരെ ആര്‍.എസ്‌.എസുകാര്‍ കല്ലെറിയുകയും കുപ്പിയേറ്‌ നടത്തുകയും ചെയ്‌തിരിക്കുന്നു. ഈ ആക്രമണത്തില്‍ വിജയിച്ച സ്ഥാനാര്‍ത്ഥി ഇ.ചന്ദ്രശേഖരന്‍, സി.പി.ഐ (എം) നേതാവ്‌ എ.കെ. നാരായണന്‍, എല്‍.ഡി.എഫ്‌ മണ്ഡലം സെക്രട്ടറി ടി.കെ.രവി, ഡ്രൈവര്‍ ഹക്കിം എന്നിവര്‍ക്ക്‌ പരിക്കേറ്റിരിക്കുകയാണ്‌.
തിരുവനന്തപുരം ജില്ലയിലും വ്യാപകമായ അക്രമമാണ്‌ ബി.ജെ.പി നടത്തിയിട്ടുള്ളത്‌. നേമത്തെ ഇടതുപക്ഷ ജനാധിപത്യമുന്നണിയുടെ തെരഞ്ഞെടുപ്പ്‌ കമ്മിറ്റി ഓഫീസ്‌ തന്നെ അടിച്ചു തകര്‍ത്തിരിക്കുന്നു. പാപ്പനംകോടും സമാനമായ സംഭവം തന്നെയാണ്‌ ഉണ്ടായിരിക്കുന്നത്‌. ഇത്തരത്തില്‍ സംസ്ഥാനത്തിന്റെ വിവിധ ഭാഗങ്ങളില്‍ ബി.ജെ.പി തുടര്‍ച്ചയായി അക്രമണം നടത്തികൊണ്ടിരിക്കുകയാണ്‌.
ഇടതുപക്ഷ ജനാധിപത്യമുന്നണിക്ക്‌ വമ്പിച്ച വിജയമാണ്‌ കേരളത്തിലെ ജനങ്ങള്‍ നല്‍കിയത്‌. ബി.ജെ.പി മുന്നോട്ട്‌ വെച്ച വര്‍ഗീയ അജണ്ടകളുടെ മുനയൊടിച്ചുകൊണ്ടുള്ള ഈ വിജയം ബി.ജെ.പിക്കാരെ രോഷാകുലരാക്കിയിരിക്കുകയാണ്‌. യു.ഡി.എഫുമായി ചേര്‍ന്ന്‌ കേരളത്തില്‍ വ്യാപകമായ മുന്നേറ്റമുണ്ടാക്കാമെന്ന പദ്ധതിയെയാണ്‌ തത്വാധിഷ്‌ഠിതമായ രാഷ്‌ട്രീയം ഉയര്‍ത്തി ജനങ്ങളെ അണിനിരത്തികൊണ്ട്‌ ഇടതുപക്ഷ ജനാധിപത്യമുന്നണി പ്രതിരോധിച്ചത്‌. ഈ കാഴ്‌ചപ്പാടിന്‌ പിന്നില്‍ ജനങ്ങള്‍ അണിനിരന്നതോടെ നിരാശരായ ബി.ജെ.പി ജനവിധി അംഗീകരിക്കാന്‍ തയ്യാറാവാതെ എല്‍.ഡി.എഫ്‌ പ്രവര്‍ത്തകരെ ആക്രമിക്കുന്ന രീതിയാണ്‌ സംസ്ഥാനത്ത്‌ നടന്നുകൊണ്ടിരിക്കുന്നത്‌.
ജനങ്ങളുടെ വിധി അംഗീകരിക്കുന്നതിന്‌ പകരം അക്രമങ്ങള്‍ വ്യാപകമായി സംഘടിപ്പിച്ച്‌ മുന്നോട്ട്‌ പോകുന്ന ബി.ജെ.പിയുടെ നയങ്ങള്‍ക്കെതിരെ അക്രമങ്ങള്‍ക്കെതിരെ ശക്തമായ പ്രതിഷേധം മുഴുവന്‍ ജനാധിപത്യവിശ്വാസികളുടേയും ഭാഗത്ത്‌ നിന്നും ഉയര്‍ന്ന്‌ വരേണ്ടതുണ്ട്‌. ജനങ്ങളെ അണിനിരത്തി കൊണ്ട്‌ ഇത്തരം അക്രമകാരികളെ സമൂഹത്തിന്‌ മുന്നില്‍ തുറന്നുകാട്ടുന്ന പ്രവര്‍ത്തനത്തിന്‌ സി.പി.ഐ (എം) നേതൃത്വം നല്‍കും.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌