- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ് നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ് അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
കമ്മ്യൂണിസ്റ്റ് പാര്‍ടി ഓഫ്‌ ഇന്ത്യ (മാര്‍ക്സിസ്റ്റ്) കേരള സംസ്ഥാന കമ്മിറ്റി പുറപ്പെടുവിക്കുന്ന പ്രസ്താവന
സി.പി.ഐ (എം) സംസ്ഥാന കമ്മിറ്റി യോഗം സ: എ.വിജയരാഘവന്റെ അധ്യ
ക്ഷതയില്‍ എ.കെ.ജി സെന്ററില്‍ ചേര്‍ന്നു. പാര്‍ട്ടി പോളിറ്റ്‌ ബ്യൂറോ അംഗങ്ങളായ പ്രകാശ്‌ കാരാട്ട്‌, പിണറായി വിജയന്‍, എം.എ ബേബി, കോടിയേരി ബാലകൃഷ്‌ണന്‍ എന്നിവര്‍ യോഗത്തില്‍ പങ്കെടുത്തു.
മോഡി ഗവണ്‍മെന്റിന്റെ ജനവിരുദ്ധനയങ്ങള്‍ക്കെതിരെ ശക്തമായ പ്രക്ഷോഭം ഉയര്‍ത്തിക്കൊുവരാന്‍ സംസ്ഥാന കമ്മിറ്റി തീരുമാനിച്ചു.
ഇന്ത്യയിലെ മഹാഭൂരിപക്ഷം വരുന്ന ജനങ്ങളേയും ഏറെ ബാധിക്കുന്ന വിലക്കയറ്റവും തൊഴിലില്ലായ്‌മയും മുഖ്യ മുദ്രാവാക്യമായി എടുത്ത്‌ പ്രതിഷേധ പരിപാടികള്‍ സംഘടിപ്പിക്കാനാണ്‌ പാര്‍ട്ടി കേന്ദ്ര കമ്മിറ്റി ആഹ്വാനം ചെയ്‌തത്‌. ഇതിന്റെ ഭാഗമായി സംസ്ഥാനത്തെ 206 ഏരിയ കേന്ദ്രങ്ങളിലും ജൂലൈ 12 ന്‌ തെരഞ്ഞെടുത്ത കേന്ദ്ര ഗവണ്‍മെന്റ്‌ ഓഫീസിനു മുന്നില്‍ മാര്‍ച്ചും ധര്‍ണ്ണയും സംഘടിപ്പിക്കും.
മോഡി അധികാരത്തില്‍ വന്നതിനു ശേഷം ഭക്ഷ്യസാധനങ്ങളുടെ വില
കളുള്‍പ്പെടെ അവശ്യസാധന വിലകള്‍ വീണ്ടും കുതിച്ചുയരുകയാണ്‌. പരിപ്പിന്റെ വിലയാകട്ടെ വാനംമുട്ടെ ഉയര്‍ന്നിരിക്കുകയാണ്‌. വിപണിയില്‍ പച്ചക്കറികളുടെ വില കഴിഞ്ഞ 3 മാസത്തിനിടയില്‍ അസാധരണമായ
നിരക്കിലാണ്‌ വര്‍ദ്ധിച്ചിരിക്കുന്നത്‌. മാധ്യമ റിപ്പോര്‍ട്ടുകള്‍ പറയുന്നത്‌ ഉപഭോക്തൃ ഭക്ഷ്യവിലക്കയറ്റം മുന്‍ വര്‍ഷം മെയ്‌ മുതല്‍ ഈ വര്‍ഷം മെയ്‌ വരെ 7.55% എന്നതാണ്‌. ഇത്‌ 21 മാസത്തിനിടയിലെ ഏറ്റവും ഉയര്‍ന്ന നിരക്കാണ്‌. കഴിഞ്ഞ 6 ആഴ്‌ചയ്‌ക്കിടയില്‍ പെട്രോളിയം ഉത്‌പന്നങ്ങളുടെ വില 4 തവണയാണ്‌ വര്‍ദ്ധിപ്പിച്ചത്‌. ജനങ്ങള്‍ക്കുമേല്‍ കടുത്ത ബാധ്യത അടിച്ചേല്‍പ്പിച്ചുകൊണ്ട് ഗവണ്‍മെന്റ്‌ വരുമാനം വര്‍ദ്ധിപ്പിക്കുന്നത്‌.
പ്രധാനമന്ത്രിയായി മോഡിയെ ഉയര്‍ത്തിക്കാട്ടി കൊണ്ടുള്ള കഴിഞ്ഞ തെരഞ്ഞെടുപ്പ് പ്രചരണത്തില്‍ 2 കോടി പുതിയ തൊഴിലവസരങ്ങള്‍ സൃഷ്ടിക്കുമെന്നാണ്‌ ബി.ജെ.പി വാഗ്‌ദാനം ചെയ്‌തിരുന്നത്‌. എന്നാല്‍ തൊഴില്‍ സാധ്യത കൂടിയ 8 വ്യവസായങ്ങളില്‍ പുതിയ തൊഴിലുകള്‍ കഴിഞ്ഞ 6 വര്‍ഷത്തിനിടയില്‍ ഏറ്റവും കുറവാണ്‌ രേഖപ്പെടുത്തിയിരിക്കുന്നത്‌. തൊഴിലവസരങ്ങളുടെ കാര്യത്തില്‍ നിഷേധവളര്‍ച്ചയാണ്‌ രേഖപ്പെടുത്തിയിരിക്കുന്നത്‌. ഓരോ വര്‍ഷവും പുതുതായി 1.3 കോടി
ഇന്ത്യന്‍ ചെറുപ്പക്കാര്‍ പൊതുവിപണിയിലേക്ക്‌ വന്നുകൊണ്ടിരിക്കുകയാണ്‌.
ഈഘട്ടത്തില്‍പ്പോലും പൊതുമേഖലാ സ്ഥാപനങ്ങളുടെ സ്വകാര്യവത്‌കരണത്തിലേക്കും ഓഹരികള്‍ വിറ്റഴിക്കുന്നതിലേക്കുമാണ്‌ മോഡി ഗവണ്‍മെന്റ്‌ കടന്നിരിക്കുന്നത്‌. ഇതില്‍ ശക്തമായ പ്രതിഷേധം ഉയര്‍ത്തിക്കൊുവരാന്‍ സംസ്ഥാന കമ്മിറ്റി തീരുമാനിച്ചു.
തെരഞ്ഞെടുപ്പ് ഫലപ്രഖ്യാപനത്തിന്‌ ശേഷം പശ്ചിമ ബംഗാളില്‍ വ്യാപകമായ അക്രമപ്രവര്‍ത്തനങ്ങളാണ്‌ പ്രതിപക്ഷ പാര്‍ട്ടി പ്രവര്‍ത്തകര്‍ക്കു നേരെ ടി.എം.സി നടത്തിക്കൊണ്ടിരിക്കുന്നത്‌. നിരവധി സി.പി.ഐ (എം) പ്രവര്‍ത്തകരാണ്‌ കൊല ചെയ്യപ്പെട്ടത്‌. പ്രതിപക്ഷ പാര്‍ട്ടികളുടേയും ബഹുജന സംഘടനകളുടേയും ഓഫീസുകള്‍ കൈയ്യേറുകയോ, തീയിട്ട്‌ നശിപ്പിക്കുകയോ ചെയ്‌തു. ക്രൂരമായ അതിക്രമങ്ങളിലും ജനാധിപത്യനിഷേധത്തിലും പ്രതിഷേധിക്കുന്നതിനും പശ്ചിമ ബംഗാളിലെ സഖാക്കളോട്‌ ഐക്യദാര്‍ഢ്യം പ്രഖ്യാപിക്കുന്നതിനും ആഗസ്റ്റ്‌ 1 മുതല്‍ 7 വരെ ബംഗാള്‍ ഐക്യദാര്‍ഢ്യവാരം ആചരിക്കും. ഇതിന്റെ ഭാഗമായി ഈ തീയതികളില്‍ എല്ലാ ജില്ലാ കേന്ദ്രങ്ങളിലും വമ്പിച്ച പ്രതിഷേധ പരിപാടി സംഘടിപ്പിക്കും. ഈ പരിപാടിയില്‍ പാര്‍ട്ടി കേന്ദ്ര നേതാക്കള്‍ പങ്കെടുക്കും
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌