- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ജസ്‌റ്റിസ്‌ ബസന്തിന്റെ പരാമര്‍ശങ്ങള്‍ക്കെതിരെ സി.പി.ഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
തിരുവനന്തപുരം
09.02.2013
ജുഡീഷ്യറിയുടെ അന്തസിനുമേല്‍ വീണ കളങ്കമാണ്‌ ജസ്‌റ്റിസ്‌ ബസന്തിന്റെ വഴിപിഴച്ച പരാമര്‍ശങ്ങളെന്ന്‌ സിപിഐ (എം) സംസ്ഥാന സെക്രട്ടറി പിണറായി വിജയന്‍ പറഞ്ഞു. ഇതിനെതിരെ സ്‌ത്രീസംരക്ഷണ നിയമപ്രകാരം ക്രിമിനല്‍ കേസ്‌ എടുക്കണമെന്ന്‌ സംസ്ഥാന സര്‍ക്കാരിനോട്‌ പിണറായി വിജയന്‍ ആവശ്യപ്പെട്ടു. പീഡനക്കാരെ സംരക്ഷിച്ച ഹൈക്കോടതിവിധി റദ്ദാക്കിയ സുപ്രിംകോടതിയോടുള്ള അനിഷ്ടവും അമര്‍ഷവും ബസന്തിന്റെ അഭിപ്രായ പ്രകടനങ്ങള്‍ക്ക്‌ നിദാനമാണ്‌.
കോടതിക്കുപുറത്തു അഭിപ്രായം പ്രകടിപ്പിച്ചിരിക്കുന്ന ബസന്തിനെതിരെ നിയമ നടപടി സര്‍ക്കാര്‍ സ്വീകരിക്കണം. കേസില്‍ പ്രതികളായ 35 പേരെ വെറുതെവിട്ടതിനുപിന്നില്‍ രാഷ്ട്രീയ സ്ഥാപിത താല്‍പര്യശക്തികളുടെ വലിയ ഗൂഢപ്രവര്‍ത്തനമുണ്ടായിരുന്നു എന്ന ആക്ഷേപം അന്നേ ശക്തമായിരുന്നു. ഈ ശക്തികളുടെ നിഗൂഢ നീക്കങ്ങള്‍ ഇപ്പോഴും സജീവമാണ്‌ എന്നതിനു തെളിവാണ്‌ ദില്ലിയില്‍ കോണ്‍ഗ്രസിന്റെ കോര്‍കമ്മിറ്റി എടുത്ത തീരുമാനവും ബിജെപി ദേശീയ നേതാകളുടെ പ്രതികരണവും.
കേസില്‍ പ്രതിചേര്‍ക്കേണ്ട പി. ജെ. കുര്യനെയും ശിക്ഷിക്കപ്പെടേണ്ട മറ്റു പ്രതികളെയും സംരക്ഷിക്കുന്നതിനുവേണ്ടി ഗൂഢ ശക്തികളുടെ ഉച്ചഭാഷിണിയായി ഒരു ന്യായാധിപന്‍ തരംതാഴുന്നത്‌ നാടിന്‌ അപമാനമാണ്‌. പി. ജെ. കുര്യനെ സംരക്ഷിക്കുന്ന കോണ്‍ഗ്രസ്‌ ദേശീയ നേതൃത്വത്തിനെയും യുഡിഎഫ്‌ സര്‍ക്കാരിനെയും സന്തോഷിപ്പിക്കാന്‍ കൂടിയാണ്‌ ബസന്തിന്റെ അഭിപ്രായ പ്രകടനം.
ഇന്ത്യയിലെ 60 കോടിയിലധികം വരുന്ന സ്‌ത്രീകളുടെയും കുഞ്ഞുങ്ങളുടെയും മാനം രക്ഷിക്കാനുള്ള പോരാട്ടം കൂടിയാണ്‌ സൂര്യനെല്ലികേസിലെ ഇര നടത്തുന്നത്‌. കേസില്‍നിന്നും പിന്മാറാന്‍ കോടിക്കണക്കിനു രൂപയുടെ വാഗ്‌ദാനം ഉണ്ടായിട്ടും അതിനെയെല്ലാം നിരാകരിച്ചാണ്‌ ആ പെണ്‍കുട്ടി നീതിക്കുവേണ്ടി പോരാടുന്നത്‌. അതെല്ലാം വിസ്‌മരിച്ച്‌ കശ്‌മലന്മാര്‍ പിച്ചിച്ചീന്തിയ പെണ്‍കുട്ടിയെ അപമാനിക്കാന്‍ ജസ്‌റ്റിസ്‌ ബസന്ത്‌ തുനിഞ്ഞത്‌ മൃഗീയനടപടിയാണ്‌. ബാല്യ വേശ്യാവൃത്തിയെപ്പറ്റി ഒരു ന്യായാധിപന്‍ വിഡ്‌ഢിത്തമാവര്‍ത്തിക്കുന്നത്‌ നിയമസംഹിതയോടുള്ള അവഹേളനമാണ്‌. ഇതില്‍ ശക്തമായി പ്രതിഷേധിക്കാന്‍ കേരള സമൂഹത്തോട്‌ പിണറായി വിജയന്‍ അഭ്യര്‍ഥിച്ചു.
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌