- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
പവര്‍കട്ടിനും ലോഡ്‌ഷെഡ്ഡിങ്ങിനുമെതിരെ സി.പി.ഐ (എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന
തിരുവനന്തപുരം
27.09.2012
യുഡിഎഫ്‌ സര്‍ക്കാരിന്റെ വൈദ്യുതിനയം കൊടിയ ജനദ്രോഹമാണെന്ന്‌ സി.പി.ഐ (എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ ചൂണ്ടിക്കാട്ടി. വൈദ്യുതിനിരക്ക്‌ വര്‍ദ്ധനവിന്റെ ആഘാതത്തില്‍നിന്നും ജനങ്ങള്‍ മോചിതമാകും മുമ്പ്‌ പവര്‍കട്ടും ലോഡ്‌ഷെഡ്ഡിങ്ങും ഏര്‍പ്പെടുത്തി നാടിനെ ദുരവസ്ഥയിലേക്കെടുത്തെറിഞ്ഞിരിക്കുകയാണ്‌ ഉമ്മന്‍ചാണ്ടി സര്‍ക്കാര്‍. കേരളത്തെ ഇരുട്ടിലാക്കിയിരിക്കുന്നത്‌ ആസൂത്രണത്തിലെ പിഴവും ഭരണത്തിലെ പിടിപ്പുകേടുംകൊണ്ടാണ്‌. രാത്രിയിലും പകലുമായി ഒരു മണിക്കൂര്‍ ലോഡ്‌ഷെഡ്ഡിങ്‌, വ്യവസായങ്ങള്‍ക്ക്‌ 25 ശതമാനം പവര്‍കട്ട്‌, 200 യൂണിറ്റിലധികമാകുന്ന വീടുകള്‍ക്ക്‌ അധികനിരക്കും ഏര്‍പ്പെടുത്താനുള്ള യുഡിഎഫ്‌ മന്ത്രിസഭാതീരുമാനം പ്രതിഷേധാര്‍ഹമാണ്‌. നാടിനെ ഇരുട്ടിലേക്കാഴ്‌ത്തുക എന്നത്‌ യുഡിഎഫ്‌ ഭരണത്തിലുണ്ടാകുന്ന വേളയില്‍ സംഭവിക്കുന്ന ദുരവസ്ഥയാണ്‌. 1996 ല്‍ യുഡിഎഫ്‌ സര്‍ക്കാര്‍ ഒഴിയുമ്പോള്‍ വ്യവസായശാലകള്‍ പൂര്‍ണ പവര്‍കട്ടിലും വീടുകളും കടകളും രാത്രിയിലും പകലുമായി മൂന്നരമണിക്കൂര്‍ ലോഡ്‌ഷെഡ്ഡിങ്ങിലുമായിരുന്നു. എന്നാല്‍ പിന്നീടു വന്ന എല്‍ഡിഎഫ്‌ സര്‍ക്കാര്‍ കേരളത്തെ വെളിച്ചത്തിലേക്ക്‌ നയിക്കാന്‍ ശോഭയാര്‍ന്ന അധ്യായം എഴുതിച്ചേര്‍ത്തു. 1086 മെഗാവാട്ട്‌ ഉല്‍പ്പാദനശേഷിയുള്ള പദ്ധതികള്‍ കൂട്ടിച്ചേര്‍ക്കപ്പെട്ടതിനൊപ്പം വൈദ്യുതി മിച്ച സംസ്ഥാനമെന്ന പദവിയിലേക്ക്‌ കേരളത്തെ എത്തിക്കുകയും ചെയ്‌തു. എന്നാല്‍ 2001 ല്‍ യുഡിഎഫ്‌ അധികാരത്തിലെത്തിയപ്പോള്‍ സ്ഥിതി മോശമാക്കി. ഇതിന്‌ മാറ്റം വരുത്താന്‍ 2006 ല്‍ അധികാരത്തിലേറിയ എല്‍ഡിഎഫ്‌ ഗവണ്‍മെന്റിന്‌ കഴിഞ്ഞു. പ്രതിദിന വൈദ്യുതി ഉപഭോഗം 390 ലക്ഷം യൂണിറ്റായിരുന്നത്‌ 500 ലക്ഷമായി വര്‍ധിച്ചിട്ടും പവര്‍കട്ടോ ലോഡ്‌ഷെഡ്ഡിങ്ങോ വേണ്ടിവന്നില്ല. എന്നാല്‍ കേന്ദ്രവിഹിതം മുമ്പൊരുകാലത്തും ലഭിക്കാത്തത്ര വിധത്തില്‍ കേരളത്തിന്‌ കിട്ടിയിട്ടും കേരളത്തെ ഇരുട്ടിലാക്കിയിരിക്കുകയാണ്‌ യുഡിഎഫ്‌ സര്‍ക്കാര്‍. വൈദ്യുതി ആസൂത്രണത്തിലെ ഗുരുതരമായ പാളിച്ചയാണ്‌ ഈ പ്രതിസന്ധിക്ക്‌ കാരണം. വരള്‍ച്ചയും ഉപഭോഗത്തിലെ വര്‍ധനവും എല്‍ഡിഎഫ്‌ ഭരണകാലത്തുണ്ടായിട്ടും പവര്‍കട്ടും ലോഡ്‌ഷെഡ്ഡിങ്ങും ഏര്‍പ്പെടുത്തിയില്ല. വേനല്‍ക്കാലത്ത്‌ ഉയര്‍ന്ന വൈദ്യുതി ആവശ്യകത നിറവേറ്റാന്‍ ജലസംഭരണികളില്‍ മഴക്കാലത്ത്‌ ലഭിക്കുന്ന നീരൊഴുക്ക്‌ പരമാവധി സംഭരിക്കുന്നതിനുപകരം മുല്ലപ്പെരിയാര്‍ പ്രശ്‌നത്തിന്റെ പശ്ചാത്തലത്തില്‍ അമിതമായി വൈദ്യുതി ഉല്‍പ്പാദിപ്പിച്ചതടക്കമുള്ള നടപടികള്‍ പ്രതിസന്ധി രൂക്ഷമാക്കാന്‍ കാരണമായി. സുലഭമായതും താരതമ്യേന കുറഞ്ഞ നിരക്കിലുള്ളതുമായ വൈദ്യുതിയാണ്‌ കേരളത്തിന്റെ വികസനത്തിന്റെ അടിസ്ഥാനഘടകം. അതിനെ അട്ടിമറിക്കുന്ന ഭരണനടപടികളാണ്‌ ഇപ്പോള്‍ സ്വീകരിക്കുന്നത്‌. നമ്മുടെ നാടിന്‌ ചേര്‍ന്ന സ്രോതസ്സുകളില്‍നിന്ന്‌ വൈദ്യുതി ഉല്‍പ്പാദിപ്പിക്കുന്നതിനുള്ള പദ്ധതികള്‍ ആരംഭിക്കുന്നതില്‍ സര്‍ക്കാര്‍ അമാന്തം കാണിക്കുകയാണ്‌. ഇത്തരത്തിലുള്ള യുഡിഎഫ്‌ സര്‍ക്കാരിന്റെ ജനവിരുദ്ധ വൈദ്യുതി നയത്തില്‍ അതിശക്തമായി പ്രതികരിക്കാന്‍ സി.പിഐ (എം) സംസ്ഥാന സെക്രട്ടേറിയേറ്റ്‌ എല്ലാ വിഭാഗം ജനങ്ങളോടും അഭ്യര്‍ത്ഥിച്ചു.
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌