- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
ഷുക്കൂര്‍ വധക്കേസിന്റെ മറവില്‍ സി.പി.ഐ(എം) നേതാക്കള്‍ക്കെതിരെ കള്ളക്കേസെടുത്തതിനെപ്പറ്റി സമഗ്രാന്വേഷണം നടത്തണമെന്നാവശ്യപ്പെട്ട്‌ സി.പി.ഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
ഷുക്കൂര്‍ വധക്കേസിന്റെ മറവില്‍ സി.പി.ഐ(എം) നേതാക്കള്‍ക്കെതിരെ കള്ളക്കേസെടുത്തതിനെപ്പറ്റി നിഷ്‌പക്ഷവും സ്വതന്ത്രവും ഉന്നതതലത്തിലുള്ളതുമായ സമഗ്രാന്വേഷണം ഏര്‍പ്പെടുത്തണമെന്ന്‌ സി.പി.ഐ(എം) സംസ്ഥാനസെക്രട്ടറി പിണറായി വിജയന്‍ സംസ്ഥാനസര്‍ക്കാരിനോടാവശ്യപ്പെട്ടു.
മുസ്ലിംലീഗ്‌ പ്രവര്‍ത്തകന്‍ അരിയില്‍ അബ്‌ദുല്‍ ഷുക്കൂര്‍ മരണപ്പെട്ട കേസില്‍ സി.പി.ഐ(എം) നേതാക്കളെ പ്രതിയാക്കിയത്‌ കേരളപൊലീസ്‌ സൃഷ്ടിച്ച വ്യാജ തെളിവുകളുടെ അടിസ്ഥാനത്തിലാണെന്ന്‌ തളിപ്പറമ്പ്‌ മുന്‍സിഫ്‌ കോടതിയില്‍ സമര്‍പ്പിക്കപ്പെട്ട രേഖകള്‍ വ്യക്തമാക്കിയിരിക്കുകയാണ്‌. സി.പി.ഐ(എം) കണ്ണൂര്‍ ജില്ലാസെക്രട്ടറി പി. ജയരാജന്‍, ഡിവൈഎഫ്‌ഐ സംസ്ഥാന സെക്രട്ടറിയും നിയമസഭാംഗവുമായ ടി. വി. രാജേഷ്‌ എന്നിവരെ വധക്കേസില്‍ പ്രതികളാക്കിയത്‌ പൊലീസ്‌ സൃഷ്ടിച്ച വ്യാജത്തെളിവിന്റെ അടിസ്ഥാനത്തിലാണെന്ന്‌ ലീഗ്‌ പ്രവര്‍ത്തകര്‍ തന്നെ കോടതിയില്‍ സമര്‍പ്പിച്ച അന്യായത്തില്‍ വെളിപ്പെടുത്തിയിരിക്കുകയാണ്‌. ഇതിന്റെ അടിസ്ഥാനത്തില്‍ കേസ്‌ കെട്ടിച്ചമച്ച പൊലീസ്‌ ഉദ്യോഗസ്ഥരെ അടിയന്തിരമായി സര്‍വീസില്‍നിന്നും സസ്‌പെന്റ്‌ ചെയ്‌ത്‌ സമഗ്രാന്വേഷണം ഏര്‍പ്പെടുത്തണം. സി.പി.ഐ(എം) നേതാക്കളെ കള്ളക്കേസില്‍ ഉള്‍പ്പെടുത്തുന്നതിന്‌ പൊലീസിന്‌ പ്രേരണ നല്‍കിയ ഭരണത്തിലെ കറുത്തകരങ്ങളെയും പുറത്തുകൊണ്ടുവരണം. ജയരാജനെയും രാജേഷിനെയും പ്രതിയാക്കിയ നടപടി അസാധുവാക്കാന്‍ സര്‍ക്കാര്‍ അടിയന്തിര നിയമനടപടി സ്വീകരിക്കുകയും വേണം. ഇവരെ കള്ളക്കേസിലുള്‍പ്പെടുത്തുന്നതിന്‌ മുഖ്യമന്ത്രിയുടെ ഓഫീസും ഒരു വിഭാഗം മാധ്യമങ്ങളും വ്യാജവാര്‍ത്തകള്‍ സൃഷ്ടിച്ചിരുന്നു.
രാഷ്ട്രീയ ദുഷ്‌ടലക്ഷ്യം നടപ്പാക്കാന്‍ ഭരണസംവിധാനത്തെയും പൊലീസിനെയും യു.ഡി.എഫ്‌ സര്‍ക്കാര്‍ എങ്ങനെ ദുരുപയോഗപ്പെടുത്തുന്നു എന്നതിനെപ്പറ്റിയുള്ള ഞെട്ടിക്കുന്ന തെളിവാണ്‌ പുറത്തുവന്നിരിക്കുന്നത്‌. ഇതിലൂടെ മുഖ്യമന്ത്രി ഉമ്മന്‍ചാണ്ടിക്കും ആഭ്യന്തരമന്ത്രി തിരുവഞ്ചൂര്‍ രാധാകൃഷ്‌ണനും അധികാരത്തില്‍ തുടരാനുള്ള ധാര്‍മികാവകാശം നഷ്‌ടമായിരിക്കുകയാണ്‌.
ഷുക്കൂര്‍ കൊല്ലപ്പെടാനുള്ള ഗൂഢാലോചനയില്‍ ജയരാജനും രാജേഷും ഉള്‍പ്പെട്ടുവെന്നാണ്‌ പൊലീസ്‌ കോടതിയില്‍ നല്‍കിയ കുറ്റപത്രത്തില്‍ പറഞ്ഞത്‌. ഇതിന്‌ തെളിവായി പൊലീസ്‌ ഹാജരാക്കിയത്‌ ലീഗ്‌ പ്രവര്‍ത്തകരായ പി. പി. അബുവും മുഹമ്മദ്‌ സാബിറും കേട്ടു എന്നുപറയുന്ന വര്‍ത്തമാനമാണ്‌. ഷുക്കൂര്‍ കൊല്ലപ്പെടുന്നതിനു മുമ്പ്‌ അരിയില്‍ നടന്ന ആക്രമണത്തില്‍ പരിക്കേറ്റ്‌ പി. ജയരാജനും ടി. വി. രാജേഷും തളിപ്പറമ്പ്‌ സഹകരണാശുപത്രിയില്‍ ചികില്‍സയില്‍ കഴിയുമ്പോള്‍ പി. പി. അബുവും മുഹമ്മദ്‌ സാബിറും അവിടെയെത്തി ഇരുവരെയും കണ്ടുവെന്നും സി.പി.ഐ(എം) നേതാവ്‌ യു. വി. വേണു ഷുക്കൂറിനെ വകവരുത്താന്‍ ഫോണിലൂടെ നിര്‍ദേശം നല്‍കിയത്‌ കേട്ടുവെന്നും ഇത്‌ ജയരാജനും രാജേഷും ശ്രവിച്ചിരുന്നുവെന്നുമാണ്‌.
എന്നാല്‍ സിപിഎം നേതാക്കള്‍ പരിക്കേറ്റ്‌ ആശുപത്രിയില്‍ കിടന്നപ്പോള്‍ ലീഗ്‌ പ്രവര്‍ത്തകരായ ഞങ്ങള്‍ കാണാന്‍ ചെന്നുവെന്ന്‌ ചിത്രീകരിച്ചത്‌ തങ്ങളെപ്പറ്റി ലീഗ്‌ പ്രവര്‍ത്തകരില്‍ അവമതിപ്പുണ്ടാക്കുന്നതാണെന്ന്‌ അബുവും സാബിറും തളിപ്പറമ്പ്‌ കോടതിയെ അറിയിച്ചിരിക്കുകയാണ്‌. ആശുപത്രിയില്‍ ചെല്ലുകയോ ഷുക്കൂറിനെ വകവരുത്തുമെന്ന നിര്‍ദേശം സിപിഎം നേതാവ്‌ നല്‍കുന്നത്‌ കേള്‍ക്കുകയോ ചെയ്‌തിട്ടില്ലായെന്നും ഇത്തരം ആക്ഷേപം തികച്ചും അടിസ്ഥാനരഹിതമാണെന്നും ഇവര്‍ കോടതിയില്‍ നല്‍കിയിരിക്കുന്ന സത്യവാങ്‌മൂലത്തില്‍ ചൂണ്ടിക്കാട്ടിയിരിക്കുകയാണ്‌. ഇതിലൂടെ പൊലീസ്‌ സി.പി.ഐ(എം) നേതാക്കളെ കള്ളക്കേസില്‍ മനഃപൂര്‍വം ഉള്‍പ്പെടുത്തുകയായിരുന്നുവെന്ന്‌ തെളിഞ്ഞിരിക്കുകയാണ്‌. അതിനാല്‍ ഭരണസംവിധാനം ദുരുപയോഗപ്പെടുത്തി രാഷ്ട്രീയ പ്രതിയോഗികളെ വേട്ടയാടുന്ന നീചനയം ഇനിയെങ്കിലും ഉമ്മന്‍ചാണ്ടി സര്‍ക്കാര്‍ അവസാനിപ്പിക്കണം. ലീഗ്‌ പ്രവര്‍ത്തകരുടെതന്നെ വെളിപ്പെടുത്തലിന്റെ അടിസ്ഥാനത്തില്‍ സി.പി.ഐ(എം) നേതാക്കള്‍ക്കെതിരെ കള്ളക്കേസെടുത്തതിന്‌ ഉമ്മന്‍ചാണ്ടി സര്‍ക്കാര്‍ ജനങ്ങളോട്‌ പരസ്യമായി മാപ്പുപറയണമെന്നും പിണറായി വിജയന്‍ പ്രസ്‌താവനയില്‍ ആവശ്യപ്പെട്ടു.
തിരുവനന്തപുരം
14.02.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌