- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന
പ്രളയക്കെടുതിയുമായി ബന്ധപ്പെട്ട്‌ പ്രതിപക്ഷ നേതാവ്‌ തുടര്‍ച്ചയായി നിരുത്തരവാദിത്തപരമായി നടത്തിക്കൊണ്ടിരിക്കുന്ന പ്രസ്‌താവനകളില്‍ നിന്നും പിന്മാറണം. നാടൊന്നാകെ ഏക മനസ്സായി പ്രളയാനന്തര കേരളത്തെ പുനര്‍നിര്‍മ്മിക്കുന്നതിനുള്ള തീവ്രശ്രമത്തില്‍ ഏര്‍പ്പെട്ടിരിക്കെ സങ്കുചിത രാഷ്ട്രീയ താത്‌പര്യങ്ങള്‍ മുന്‍നിര്‍ത്തി നടത്തുന്ന ഇത്തരം പ്രസ്‌താവനകള്‍ തികച്ചും പരിഹാസ്യമാണ്‌. പ്രളയക്കെടുതി നേരിടാന്‍ സര്‍ക്കാര്‍ നടത്തിയ പ്രവര്‍ത്തനങ്ങളെ ലോകമെങ്ങും പുകഴ്‌ത്തുമ്പോഴാണ്‌ ചെന്നിത്തല പുതിയ കഥകളുമായി വരുന്നത്‌. രക്ഷാപ്രവര്‍ത്തനം ശക്തമായി പുരോഗമിക്കുന്നതിനിടെയാണ്‌ രക്ഷാപ്രവര്‍ത്തനത്തിന്റെ ചുമതല സൈന്യത്തെ ഏല്‍പ്പിക്കണമെന്ന്‌ ചെന്നിത്തല മുറവിളി കൂട്ടിയത്‌. ഇത്‌ പാടെ പൊളിഞ്ഞപ്പോഴാണ,്‌ മുന്‍കരുതല്‍ നല്‍കിയല്ലെന്ന ആരോപണം പൊടിതട്ടിയെടുത്തു കൊണ്ടുവന്നത്‌. മുഖ്യമന്ത്രിയുടെ ശക്തമായ മറുപടിയോടെ അതും ചീറ്റിപ്പോയി. എന്നിട്ടും വീണിടത്ത്‌ കിടന്ന്‌ ഉരുളുകയാണ്‌.
ലോകത്ത്‌ ആദ്യമായാണ്‌ പ്രളയത്തെക്കുറിച്ച്‌ ജുഡീഷ്യല്‍ അന്വേഷണം ആവശ്യപ്പെടുന്നത്‌. ഇത്തരം വാദങ്ങളുയര്‍ത്തി ജനങ്ങള്‍ക്ക്‌ മുന്നില്‍ പരിഹാസ്യനായി ഒറ്റപ്പെടുന്നതിന്‌ പകരം സര്‍ക്കാരും കേരളീയ സമൂഹമാകെയും നടത്തുന്ന പുനരധിവാസ പ്രവര്‍ത്തനങ്ങളില്‍ പങ്കാളിയാവുകയും അണികളെ പ്രേരിപ്പിക്കുകയുമാണ്‌ വേണ്ടത്‌. സംസ്ഥാന സര്‍ക്കാര്‍ നടത്തിയ രക്ഷാപ്രവര്‍ത്തനങ്ങള്‍ ജനങ്ങളാകെ അംഗീകരിക്കുന്നത്‌ പ്രതിപക്ഷത്തെ അങ്കലാപ്പിലാക്കിയിരിക്കുകയാണ്‌
സംസ്ഥാന സര്‍ക്കാരിനെ ഇങ്ങനെ നിരന്തരം കുറ്റപ്പെടുത്തുന്നതിന്‌ പിന്നില്‍ മറ്റ്‌ ചില ഗൂഢലക്ഷ്യങ്ങളുണ്ടോയെന്നും സംശയിക്കേണ്ടിയിരിക്കുന്നു. ലോകത്തിന്റെ നാനാ ഭാഗങ്ങളില്‍ നിന്നും ഉദാരമതികളായ പതിനായിരങ്ങളാണ്‌ സഹായ ഹസ്‌തവുമായി എത്തുന്നത്‌. അങ്ങനെ കിട്ടുന്ന സഹായം കേരളത്തെ പുനര്‍നിര്‍മ്മിക്കാന്‍ ഉപയോഗിക്കാന്‍ കഴിയും. ഇതും സംസ്ഥാന സര്‍ക്കാരിന്‌ അംഗീകാരമാകുമെന്നാണ്‌ പ്രതിപക്ഷം ഭയക്കുന്നത്‌. ഇത്‌ ഒരു വിഭാഗം സംഘപരിവാറുകാര്‍ പുലര്‍ത്തുന്ന നീചമനസ്സിന്‌ തുല്യമാണ്‌.
യു.എ.ഇ സര്‍ക്കാര്‍ പ്രഖ്യാപിച്ച 700 കോടിയുടെ ധനസഹായം പോലും ലഭിയ്‌ക്കാതിരിക്കാനാണ്‌ ചില കേന്ദ്രങ്ങള്‍ ശ്രമിയ്‌ക്കുന്നത്‌. ഇത്തരം ശ്രമങ്ങള്‍ക്ക്‌ ആക്കം കൂട്ടുന്നതാണ്‌ ചെന്നിത്തലയുടെ നിലപാട്‌. ഇത്‌ അടിയന്തിരമായി തിരുത്താന്‍ തയ്യാറാകണം.
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌