- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
സോളാര്‍ പാനല്‍ തട്ടിപ്പുകേസുമായി ബന്ധപ്പെട്ട്‌ മുഖ്യമന്ത്രി ഉമ്മന്‍ചാണ്ടി സ്ഥാനമൊഴിഞ്ഞ്‌ ജുഡീഷ്യല്‍ അന്വേഷണം നേരിടണമെന്നാവശ്യപ്പെട്ട്‌ സി.പി.ഐ (എം) സംസ്ഥാന സെക്രട്ടറി പിണറായി വിജയന്‍ പുറപ്പെടുവിക്കുന്ന പ്രസ്‌താവന
കോടികളുടെ സോളാര്‍ പാനല്‍ തട്ടിപ്പുകേസിലെ പ്രതിയും മുഖ്യമന്ത്രിയുടെ ആഫീസുമായുള്ള കുറ്റകരമായ ബന്ധം മുഖ്യമന്ത്രി തന്നെ നിയമസഭയില്‍ സമ്മതിച്ച സാഹചര്യത്തില്‍ ഉമ്മന്‍ചാണ്ടി സ്ഥാനമൊഴിഞ്ഞ്‌ ജുഡീഷ്യല്‍ അന്വേഷണം നേരിടണം.
കോടികളുടെ തട്ടിപ്പും ഞെട്ടിപ്പിക്കുന്ന ക്രിമിനല്‍ കുറ്റവും നടത്തുന്നവരുടെ ആശ്രയകേന്ദ്രമായി മുഖ്യമന്ത്രിയുടെ ഓഫീസ്‌ മാറിയിരിക്കുന്നുവെന്നാണ്‌ ഇതുവരെ പുറത്തുവന്ന സംഭവഗതികള്‍ ചൂണ്ടിക്കാട്ടുന്നത്‌. ഇതിന്റെ പൂര്‍ണരൂപം പുറത്തുവരാനും യഥാര്‍ത്ഥ കുറ്റവാളികളെ ആകെ കണ്ടെത്താനും പഴ്‌സണല്‍ സ്‌റ്റാഫിലെ രണ്ടുപേരെ മാറ്റിനിര്‍ത്തിയതുകൊണ്ടുമാത്രം ആകുന്നില്ല. തന്റെ സ്‌റ്റാഫിലെ രണ്ടുപേരെ പുറത്താക്കിയതായി മുഖ്യമന്ത്രി നിയമസഭയില്‍ അറിയിച്ചതുകൊണ്ടുമാത്രം ഈ പ്രശ്‌നത്തിലെ മുഖ്യമന്ത്രിയുടെ ഉത്തരവാദിത്വം അവസാനിക്കുന്നില്ല. തട്ടിപ്പുകേസിലെ പ്രതി സരിത. എസ്‌. നായരുമായി മുഖ്യമന്ത്രിയുടെ സ്റ്റാഫിന്‌ ബന്ധമുണ്ടെന്ന കാര്യം രണ്ടാഴ്‌ച മുമ്പ്‌ അറിയിച്ചെങ്കിലും നടപടിയെടുക്കാന്‍ മുഖ്യമന്ത്രി വിസമ്മതിച്ചുവെന്ന കുറ്റപത്രം മുഖ്യമന്ത്രിക്കെതിരെ മന്ത്രിപദവിയുള്ള ഗവണ്‍മെന്റ്‌ ചീഫ്‌ വിപ്പാണ്‌ ഉന്നയിച്ചിരിക്കുന്നത്‌. രണ്ടാഴ്‌ച മുമ്പ്‌ ആക്ഷേപമുന്നയിച്ചില്ലെന്നും ജൂണ്‍ 3 ന്‌ മാത്രമാണ്‌ കാര്യം ശ്രദ്ധയില്‍പെടുത്തിയതെന്നുമാണ്‌ മുഖ്യമന്ത്രിയുടെ വാദം. പക്ഷെ, മുഖ്യമന്ത്രിയുടെ മറുപടിയില്‍നിന്നുതന്നെ 11 ദിവസം മുമ്പ്‌ ഗവണ്‍മെന്റ്‌ ചീഫ്‌വിപ്പ്‌ ഇക്കാര്യം അറിയിച്ചിരുന്നുവെന്ന്‌ വ്യക്തമാകുന്നു. സോളാര്‍ പാനല്‍ തട്ടിപ്പുകാരിയും മുഖ്യമന്ത്രിയുടെ ഓഫീസും തമ്മിലുള്ള അവിശുദ്ധബന്ധത്തെപ്പറ്റി കൈരളി ടിവി വാര്‍ത്ത പുറത്തുവിട്ടത്‌ ജൂണ്‍ 11-നാണ്‌. അതേത്തുടര്‍ന്നാണ്‌ നിയമസഭയ്‌ക്കകത്തും പുറത്തും പ്രതിപക്ഷവും യുവജനസംഘടനകളും പ്രതിഷേധമുയര്‍ത്തിയത്‌. ഈ സാഹചര്യത്തിലാണ്‌ തന്റെ പഴ്‌സണല്‍ സ്‌റ്റാഫിലെ കുറ്റക്കാരായ രണ്ടുപേരെ ഇപ്പോള്‍ പുറത്താക്കാന്‍ മുഖ്യമന്ത്രി നിര്‍വാഹമില്ലാതെ തയ്യാറായിരിക്കുന്നത്‌. കുറ്റവാളികളെപ്പറ്റി നേരത്തേതന്നെ അറിവ്‌ ലഭിച്ചിട്ടും അന്ന്‌ നടപടിയെടുക്കാതിരുന്നതിലൂടെ, സംഭവ ത്തില്‍ മുഖ്യമന്ത്രിക്കുള്ള അനുകൂല മനോഭാവമാണ്‌ വെളിപ്പെടുന്നത്‌. കുറ്റവാളികളെ സ്‌റ്റാഫില്‍നിന്നും പുറത്താക്കാന്‍ വൈകിയത്‌ സദുദ്ദേശപരമല്ല.
മുഖ്യമന്ത്രി സംസാരിക്കുന്ന മൊബൈല്‍ഫോണ്‍ കൈവശമുള്ളവരാണ്‌ പഴ്‌സണല്‍ സ്‌റ്റാഫിലെ ടെന്നി ജോപ്പനും ഗണ്‍മാന്‍ സലിം രാജും. ഇവര്‍ക്കു വന്ന സരിത നായരുടെ മൊബൈല്‍ഫോണ്‍ വിളികള്‍ക്ക്‌ മുഖ്യമന്ത്രിയോ മറ്റാരെങ്കിലുമോ ചെവികൊടുത്തോ എന്നറിയാന്‍ മുഖ്യമന്ത്രിയുടെ ഓഫീസിലെ നിരീക്ഷണ ക്യാമറയിലെ റെക്കോഡു ചെയ്‌ത ദൃശ്യങ്ങള്‍ പരിശോധിക്കണം. ഇതടക്കമുള്ള കാര്യങ്ങള്‍ ചെയ്യാന്‍ മുഖ്യമന്ത്രിയുടെയും ആഭ്യന്തരമന്ത്രിയുടെയും കീഴിലുള്ള എഡിജിപിയുടെ അന്വേഷണം പര്യാപ്‌തമല്ല. സമഗ്രമായ അന്വേഷണത്തിന്‌ ജുഡീഷ്യല്‍ അന്വേഷണമാണ്‌ വേണ്ടത്‌്‌. തട്ടിപ്പുകാരും മുഖ്യമന്ത്രിയുടെ ആഫീസുമായുള്ള ബന്ധത്തില്‍ നിഗൂഢത ഏറെയുണ്ട്‌. ഏത്‌ തട്ടിപ്പുകാര്‍ക്കും കുറ്റവാളികള്‍ക്കും ആശ്രയിക്കാവുന്ന കേന്ദ്രമാണോ കേരളത്തിലെ മുഖ്യമന്ത്രിയുടെ ഓഫീസും ഔദ്യോഗിക വസതിയും. നേരത്തേ കുറെനാള്‍ മുമ്പ്‌ മുഖ്യമന്ത്രിയുടെ ഓഫീസിലെ രണ്ട്‌ ജീവനക്കാര്‍ കൈക്കൂലി വാങ്ങുന്ന ദൃശ്യം സെക്രട്ടറിയറ്റ്‌ വളപ്പിലും പരിസരത്തും സ്ഥാപിച്ചിരുന്ന നിരീക്ഷണ ക്യാമറയില്‍ തെളിഞ്ഞതിനെത്തുടര്‍ന്ന്‌ അവരെ സ്‌റ്റാഫില്‍നിന്നും ഒഴിവാക്കിയിരുന്നു. പക്ഷെ മുഖ്യമന്ത്രിയുടെ സ്‌റ്റാഫില്‍ ഡെപ്യൂട്ടേഷനില്‍ വന്നിരുന്ന ഇവരെ, അഴിമതി നിരോധന നിയമപ്രകാരം നടപടി സ്വീകരിക്കാതെ സ്‌റ്റാഫില്‍നിന്നും ഒഴിവാക്കുക മാത്രമാണ്‌ ചെയ്‌തത്‌. ഇങ്ങനെ മുഖ്യമന്ത്രിയുടെ ഓഫീസ്‌ അടിക്കടി അഴിമതിക്കാരുടെയും തട്ടിപ്പുകാരുടെയും കേന്ദ്രമായി മാറിയിരിക്കുന്ന സാഹചര്യത്തില്‍ നിജസ്ഥിതി നാടിനെ ബോധ്യപ്പെടുത്തുന്നതിന്‌ അധികാരമൊഴിഞ്ഞ്‌ ജുഡീഷ്യല്‍ അന്വേഷണത്തെ നേരിടാന്‍ മുഖ്യമന്ത്രി തയ്യാറാകണം.
തിരുവനന്തപുരം
14.06.2013
* * *
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌