- സി.പി.ഐ (എം) സംസ്ഥാന സെക്രട്ടറിയേറ്റ്‌ പുറപ്പെടുവിക്കുന്ന പ്രസ്‌താവന ലോകസഭാ തെരഞ്ഞെടുപ്പിലുണ്ടായ പരാജയം ഇടതുപക്ഷ പ്രസ്ഥാനത്തിനുണ്ടായ താത്‌ക്കാലികമായ തിരിച്ചടിയാണെന്ന്‌ പാര്‍ടി സംസ്ഥാന സെക്രട്ടറിയേറ്റ്‌ വിലയിരുത്തി. സംസ്ഥാനകമ്മിറ്റി മുതല്‍ ബൂത്ത്‌ കമ്മിറ്റി വരെ പരിശോധന നടത്തി കുറവുകള്‍ കണ്ടെത്തി ആവശ്യമായ തിരുത്തലുകള്‍ വരുത്തി നഷ്ടപ്പെട്ട ജനവിശ്വാസം തിരിച്ചുപിടിക്കും.
- എല്‍.ഡി.എഫ്‌ കണ്‍വീനര്‍ എ.വിജയരാഘവന്‍ പുറപ്പെടുവിക്കുന്ന പ്രസ്‌താവന സംസ്ഥാനത്തെ ദേശീയപാതാവികസനം സ്‌തംഭിപ്പിച്ച കേന്ദ്ര സര്‍ക്കാരിന്റെ രാഷ്ട്രീയ തീരുമാനം അത്യന്തം പ്രതിഷേധാര്‍ഹവും വെല്ലുവിളിയുമാണ്‌. കേരളത്തെ എല്ലാ രീതിയിലും വരിഞ്ഞുമുറുക്കി രാഷ്ട്രീയ പകപോക്കല്‍ നടത്തുകയാണ്‌ മോദി സര്‍ക്കാര്‍. ഇതിനെതിരെ ജനങ്ങളെ അണിനിരത്തി വന്‍ പ്രക്ഷോഭം നടത്തുമെന്ന്‌ എ.വിജയരാഘവന്‍ മുന്നറിയിപ്പ്‌ നല്‍കി.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന കേരളത്തിലെ ദേശീയപാതാ വികസനം തടഞ്ഞ കേന്ദ്രസര്‍ക്കാര്‍ തീരുമാനം കേരളീയരോടും ഫെഡറല്‍ സംവിധാനത്തോടുമുള്ള വെല്ലുവിളിയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടേറിയറ്റ്‌ പുറപ്പെടുവിക്കുന്ന പ്രസ്‌താവന മഴക്കാല പൂര്‍വ്വ ശുചീകരണ പ്രവര്‍ത്തനത്തിലും വരള്‍ച്ച ദുരിതാശ്വാസ പ്രവര്‍ത്തനത്തിലും സജീവമായ പങ്കാളികളാകാന്‍ മുഴുവന്‍ പാര്‍ടി ഘടകങ്ങളോടും വര്‍ഗ്ഗ ബഹുജന സംഘടന പ്രവര്‍ത്തകരോടും സി.പി.ഐ(എം) സംസ്ഥാന സെക്രട്ടേറിയറ്റ്‌ പ്രസ്‌താവനയില്‍ അഭ്യര്‍ത്ഥിച്ചു. ഹരിതകേരളം പദ്ധതികളുടെ ഭാഗമായി കുളങ്ങളുടെയും തോടുകളുടെയും നദികളുടെയും മാലിന്യമുക്ത പ്രവര്‍ത്തനങ്ങള്‍ നടന്നുവരുന്നുണ്ട്‌.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം ത്യാഗത്തിന്റേയും ധീരതയുടേയും കനല്‍വഴികളിലൂടെ വളര്‍ന്ന കമ്മ്യൂണിസ്റ്റ്‌ നേതാവായിരുന്നു വി.വിശ്വനാഥമേനോനെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ വോട്ടെടുപ്പ്‌ കഴിഞ്ഞിട്ടും കേരളത്തെ അപമാനിക്കുന്ന കൃത്യം തുടരുന്നതിലൂടെ പ്രധാനമന്ത്രി നരേന്ദ്രമോദിയുടെ ഗൂഢഹിന്ദുത്വ അജണ്ട തെളിഞ്ഞിരിക്കുകയാണെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പറഞ്ഞു
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന യു.ഡി.എഫും ബി.ജെ.പിയും നടത്തുന്ന കള്ളപ്രചാരണങ്ങളും കപടനാടകവും തള്ളി കേരള ജനത എല്‍.ഡി.എഫിന്‌്‌ വന്‍ഭൂരിപക്ഷം നല്‍കുമെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പ്രസ്‌താവനയില്‍ പറഞ്ഞു.
- സി.പി.ഐ(എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന പ്രസ്‌താവന സംസ്ഥാനത്ത്‌ പരക്കെ അക്രമം അഴിച്ചുവിട്ട്‌ തെരഞ്ഞെടുപ്പ്‌ അട്ടിമറിക്കാനുള്ള ഗൂഢാലോചനയാണ്‌ ഒരു വശത്ത്‌ കോണ്‍ഗ്രസ്‌ നേതൃത്വത്തില്‍ യു.ഡി.എഫും മറുവശത്ത്‌ ബി.ജെ.പി യും നടത്തുന്നത്‌. ബോധപൂര്‍വം പ്രകോപനം സൃഷ്ടിച്ച്‌ അക്രമം അഴിച്ചുവിടുകയും മുതലെടുപ്പ്‌ നടത്തുകയുമാണ്‌ യു.ഡി എഫി.ന്റെയും ബി.ജെ.പിയുടെയും ശ്രമം.
- എല്‍.ഡി.എഫ്‌ വന്‍ കുതിപ്പ്‌ നടത്തും : എ.വിജയരാഘവന്‍ ദേശീയ രാഷ്ട്രീയത്തില്‍ അനിവാര്യമായിരിക്കുന്ന ഇടതുമതേതര ബദലിന്‌ കരുത്ത്‌ പകരാന്‍ എല്‍.ഡി.എഫിന്‌ തിളക്കമാര്‍ന്ന വിജയം സമ്മാനിക്കണമെന്ന്‌ കണ്‍വീനര്‍ എ.വിജയരാഘവന്‍ പ്രസ്‌താവനയില്‍ അഭ്യര്‍ത്ഥിച്ചു.
- സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ പുറപ്പെടുവിക്കുന്ന അനുശോചന സന്ദേശം കേരള രാഷ്ട്രീയത്തിലെ സമാനതകളില്ലാത്ത നേതാവായിരുന്നു കെ.എം മാണിയെന്ന്‌ സി.പി.ഐ (എം) സംസ്ഥാന സെക്രട്ടറി കോടിയേരി ബാലകൃഷ്‌ണന്‍ അനുശോചന സന്ദേശത്തില്‍ പറഞ്ഞു.
പൊലീസിനെയും ഗുണ്ടകളെയും ഉപയോഗിച്ച്‌ ജനകീയപ്രക്ഷോഭത്തെ അടിച്ചമര്‍ത്താന്‍ കഴിയില്ല - സി.പി.ഐ (എം) സംസ്ഥാന സെക്രട്ടറി പിണറായി വിജയന്‍
സോളാര്‍ തട്ടിപ്പുകേസിലെ കൂട്ടുപ്രതിയായി മാറിയിരിക്കുന്ന മുഖ്യമന്ത്രി ഉമ്മന്‍ചാണ്ടിയുടെ രാജി കണ്ടേ സമരകേരളം അടങ്ങൂ. പ്രതിപക്ഷനേതാവ്‌ വി.എസ്‌. അച്യുതാനന്ദന്‍ ഉള്‍പ്പെടെയുള്ള നേതാക്കളെ ഗ്രനേഡ്‌ എറിഞ്ഞ്‌ അപായപ്പെടുത്താന്‍, പൊലീസിനെ കയറൂരിവിട്ട സര്‍ക്കാര്‍ നടപടി അങ്ങേയറ്റം പ്രതിഷേധാര്‍ഹമാണ്‌. നിയമസഭാ മന്ദിരത്തില്‍നിന്ന്‌ സെക്രട്ടേറിയറ്റിന്‌ മുന്നില്‍ വന്ന്‌ സത്യഗ്രഹം നടത്തിയ ജനപ്രതിനിധികളുടെ നേര്‍ക്ക്‌ ഗ്രനേഡ്‌ എറിഞ്ഞ പൊലീസ്‌ നടപടി പ്രാകൃതമാണ്‌. പ്രതിപക്ഷനേതാവ്‌, ഉപനേതാവ്‌, കക്ഷിനേതാക്കള്‍ എന്നിവരെല്ലാം അണിനിരന്ന സത്യഗ്രഹ സമരത്തിനുനേരെ ഗ്രനേഡ്‌ എറിഞ്ഞ്‌ ജനനേതാക്കളെ അപായപ്പെടുത്താന്‍ നോക്കിയ ഒരു സംഭവവും കേരളചരിത്രത്തില്‍ ഇല്ല. തിരുവനന്തപുരം ജില്ലയിലെ എല്‍ഡിഎഫ്‌ നേതാക്കള്‍ നയിച്ച മാര്‍ച്ചിനുനേരെയും പൊലീസ്‌ അതിക്രമമുണ്ടായി. ഗ്രനേഡ്‌ ഏറില്‍ പരിക്കേറ്റ്‌ സി ദിവാകരന്‍, കടകംപള്ളി സുരേന്ദ്രന്‍, വി സുരേന്ദ്രന്‍പിള്ള തുടങ്ങിയ നേതാക്കളെല്ലാം ആശുപത്രിയിലായി. പൊലീസിനെയും ഗുണ്ടകളെയും ഉപയോഗിച്ച്‌ ജനകീയപ്രക്ഷോഭത്തെ അടിച്ചമര്‍ത്താന്‍ കഴിയില്ല.
സോളാര്‍ തട്ടിപ്പുകേസില്‍ ആരും നിയമത്തിന്‌ അതീതരല്ല എന്നാണ്‌ ചീഫ്‌ ജസ്റ്റിസിന്റെ നേതൃത്വത്തിലുള്ള ഹൈക്കോടതി ഡിവിഷന്‍ ബെഞ്ച്‌ ഇതിനകം വ്യക്തമാക്കിയത്‌. എന്നാല്‍, ഉമ്മന്‍ചാണ്ടി മുഖ്യമന്ത്രി സ്ഥാനത്ത്‌ ഇരുന്നുകൊണ്ട്‌ ഭരണസംവിധാനത്തെ ദുരുപയോഗപ്പെടുത്തി കേസില്‍നിന്ന്‌ രക്ഷപ്പെടാനാണ്‌ നോക്കുന്നത്‌. പത്തനംതിട്ട ജുഡീഷ്യല്‍ മജിസ്‌ട്രേട്ട്‌ കോടതിയിലെ കേസില്‍ ഉമ്മന്‍ചാണ്ടിക്കെതിരെ നിയമാനുസൃത നടപടിയെടുക്കുന്നതിനുള്ള പൊലീസിന്റെ സ്വാതന്ത്ര്യത്തെ ഉമ്മന്‍ചാണ്ടി ഭരണം വിലക്കിയരിക്കുകയാണ്‌. ഇതിന്‌ തെളിവാണ്‌ 164 പ്രകാരം കോടതിയില്‍ നല്‍കിയ രഹസ്യമൊഴിയെ തുടര്‍ന്ന്‌ ഉമ്മന്‍ചാണ്ടിക്കെതിരെ സ്വീകരിക്കേണ്ട നടപടി വീണ്ടുമൊരു പരിശോധനയ്‌ക്കുശേഷമേ പൊലീസ്‌ ചെയ്യൂ എന്ന ആഭ്യന്തരമന്ത്രി തിരുവഞ്ചൂര്‍ രാധാകൃഷ്‌ണന്റെ നിയമസഭയിലെ പ്രഖ്യാപനം. ഉമ്മന്‍ചാണ്ടിയെ രക്ഷിക്കുന്നതിനുവേണ്ടി നിയമസഭയ്‌ക്ക്‌ അകത്തും പുറത്തും പരിധിവിട്ട ജനാധിപത്യവിരുദ്ധ നടപടികളാണ്‌ സര്‍ക്കാര്‍ സ്വീകരിച്ചിരിക്കുന്നത്‌.
ഭീകരാക്രമണത്തെ നേരിടാനെന്ന മട്ടിലുള്ള കനത്ത പൊലീസ്‌ വലയത്തിലാണ്‌ നിയമസഭാ സമ്മേളനം നടത്തിയത്‌. മാധ്യമ പ്രവര്‍ത്തകരുടെ വാഹനങ്ങള്‍ക്കടക്കം പ്രവേശന വിലക്ക്‌ കല്‍പ്പിച്ചു. ഞൊടിയിടയില്‍ ധനകാര്യനടപടികള്‍ പൂര്‍ത്തിയാക്കി നിയമസഭാ അനിശ്ചിതകാലത്തേക്ക്‌ പിരിഞ്ഞത്‌ ജനാധിപത്യവിരുദ്ധമാണ്‌. സഭയില്‍ പ്രതിപക്ഷം ഉയര്‍ത്തിയ പ്രതിഷേധത്തിന്‌ ക്രിയാത്മക പരിഹാരം കാണാനുള്ള ഉത്തരവാദിത്തമായിരുന്നു ഭരണപക്ഷം കാട്ടേണ്ടിയിരുന്നത്‌. സോളാര്‍ തട്ടിപ്പ്‌ അഴിമതിയുടെ തലവനായി അധഃപതിച്ച മുഖ്യമന്ത്രി ഉമ്മന്‍ചാണ്ടിയെയും സേളാര്‍ തട്ടിപ്പിലെ പ്രതികള്‍ക്ക്‌ കൂട്ടായ ആഭ്യന്തരമന്ത്രി തിരുവഞ്ചൂര്‍ രാധാകൃഷ്‌ണനെയും പദവികളില്‍നിന്ന്‌ മാറ്റിനിര്‍ത്തി ജുഡീഷ്യല്‍ അന്വേഷണം നടത്താന്‍ ഇനി അമാന്തിക്കരുത്‌. സരിതാ നായര്‍ക്കൊപ്പമാണ്‌ താന്‍ മുഖ്യമന്ത്രിയുടെ ഓഫീസില്‍വന്ന്‌ മുഖ്യമന്ത്രിയെ കണ്ടതെന്നും ഈ കൂടിക്കാഴ്‌ചയെ തുടര്‍ന്നാണ്‌ 40 ലക്ഷം രൂപയുടെ പണം ബാങ്കില്‍നിന്ന്‌ മാറ്റുന്നതിനുള്ള അനുമതി നല്‍കിയതെന്നും പരാതിക്കാരനായ ശ്രീധരന്‍നായര്‍ ഇതിനകം വ്യക്തമാക്കിയിട്ടുണ്ട്‌. കുറ്റവാളിയായ ഉമ്മന്‍ചാണ്ടിയുടെ നിഷേധം മുഖവിലയ്‌ക്കെടുക്കാവുന്നതല്ല. ഈ സാഹചര്യത്തില്‍ മുഖ്യമന്ത്രിയുടെ രാജിക്കായുള്ള പ്രക്ഷോഭം ഇനിയും ശക്തിപ്പെടും. പ്രക്ഷോഭത്തെ അടിച്ചമര്‍ത്താന്‍ പൊലീസിനെയും ഗുണ്ടകളെയും കയറൂരിവിട്ടതിനെതിരെ എല്ലാ ജനാധിപത്യവിശ്വാസികളിൽ നിന്നും അതിശക്തമായ പ്രതിഷേധമുയരണം.
തിരുവനന്തപുരം
09.07.2013
ആശയവും ആവിഷ്‌ക്കാരവും: എ.കെ.ജി. സെന്റര്‍ ഫോര്‍ റിസര്‍ച്ച്‌ & സ്റ്റഡീസ്‌